Zakari 9:15 - Yálá laawoo hɛɓɛ (dc)

¹⁵ Yai-Laa Mɛ̨nį Kəlee ŋą Hééɓomun, kaa pai kɛi nwɔ nu huwui mąą kpɛi. Ɲələvin ɉu kwɛniɠaa kaa pai kɛi nu hukalai, diɛ nu nwun nwolo, diɛ ɲąmą kpələ yɛ lɔɔ, diɛ pilɛ ɉu, yɛ lɔɔ ɲąąkwɛlɛ gbąmą, yɛ ɉaláá kulɔ taɓali mįnɛ̨ɠaa.

Yálá laawoo hɛɓɛ

¹⁵ Yai-Laa Mɛ̨nį Kəlee ŋą Hééɓomun, kaa pai kɛi nwɔ nu huwui mąą kpɛi. Ɲələvin ɉu kwɛniɠaa kaa pai kɛi nu hukalai, diɛ nu nwun nwolo, diɛ ɲąmą kpələ yɛ lɔɔ, diɛ pilɛ ɉu, yɛ lɔɔ ɲąąkwɛlɛ gbąmą, yɛ ɉaláá kulɔ taɓali mįnɛ̨ɠaa.

Bible

¹⁵ Ŋ̀wála-wâla kélee Yâwɛɛ a pâi dímaa kɔ̃ɔ̂i, ǹyaŋ da pâi díkpɔara-ƃelai paâi. Ǹyaŋ da pâi ǹûai ŋãa kpelêi yɛ̂ɛ ŋwã̂ai, dílaa é fɛ́ɛ yɛ̂ɛ kawúlu, dímaa é yɔɔ yɛ̂ɛ berei ŋ̀âla-teƃelei zônoŋ su-ŋai díkaa lai.

Zakari 9:15 Referans Kwoze

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Zakari 10:7

Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Lɛɛ gbɔwɔ ɓa 27:2

Yá mįnɛ̨ɠaa tɔɔ nwəli nąąn gəlee ɓa, gąnąn ŋąą mą. Ə́ ɓala kwɛli yá hiɛ mą.

Mąątɛ̨nɛ̨ 78:65

Ną́mu ə muhəɠə yɛ nu a kɛi háá yíi, yɛ kɔ́kuláái lɔɔ yee aa pɛli mą.

Levetekɔ 4:25

Ɉaláá laa həli mun a ɉaláá taatɛlɛɛi tii ɲąmą həɠə a ɲee kpuɔ, ə nɔ ɉaláá kulɔ kəhi mįnɛ̨ɠaa diɛ, yili pulu, ə ɲąmą kpəli pu ɉaláá kulɔ kəhi kɔ́wɔ mu.

Levetekɔ 4:18

Ə ɲąmąi tii ta hiɛ ɉaláá kulɔi tii Yai-Laa lííla gee kaa kələ mu mįnɛ̨ɠaa diɛ. Ə gbəlii tii pu Yai-Laa mąąwiɛ haláá kulɔ kəhi kɔ́wɔ mu, yaa tii gee kaa kələ laaləi.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Korɛntə dɔlɔɔ 1:18

Jesus Kristə haa mɛ̨nį laa həliɛ kaa a ɓowo mɛ̨nį, nwun na pili nuą diɛ, kɛlaa, yiiɠaai di kaa ɓalo pələ mɛ̨i, gu wɛi, gaa a Yálá ŋą huwalawalalaa.

Zakari 14:20

Mąą yələi tii, di kaa pai bɛ̨ɛ̨i ɉoo kwaną talanənŋaa diɛ, diɛ kɛ mą: «Naakwəlan moɔi Yai-Laa ɓa.» Yai-Laa yəi bɛlɛ́n gwɛli ləɠiɠaa kaa pai kɛi yɛ, nuą mąąhəɠə gəgənŋaa ɉaláá kulɔi lííla.

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Azaya 55:1

Kaai kpɔ kpələ wɛli kaa kaa, 'ka pa ya kɛɛnąą; ə mą kɛ nu ta kaa laa wali hvo ɲəi, ka pa lɔ, 'ka kɔ̨nɔ̨n vɛli, ka ka laa mįi, 'ka pa ka ka kpələ, yɛ ə kɛ a lɔɔ a wala kɛti nįŋɛ̨ ɲįnįya; wali mɛ̨nį hvo ɉu, hɛn da ya mɛ̨nį hvo ɉu.

Azaya 37:35

Gáá pai daa ŋɛ̨́i mąąkɔ̨nwɔ̨i, ŋį́ nwun mąąɓo, ɲą́ą́ mą́ą́ mɛ̨nį ɓa, kwa nwɔ tímun Davidə.»

Wɛli 7:9

Gɛ́ diɛ: «Hvo kɛli ŋą́ tɛ dowui ŋɛ̨i hu, ŋą́ ɲéé pɛlɛ nwun ma gɔnwɔn ɉu.» Ə́ ɲįnį ə kɛ ɲə́i yɛ viɲə ɓá. Ə́ nɔ̨ɔ̨ mąą kun nɛ̨ɛ̨ ə pu mą́ą́, yɛ mąątí wulɔ.

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Wɛli 1:4

'Ɲéé hon, gwəli! Gu gilɛ həɠə! Yɛ́ ɓə a nwɔ́ tɔɔmun; 'gwəli; ə́ yəi bɛlɛ́ lon mu. Yɛ́ lɔ ɓə a gu wɔ kwəinɛ̨ɛ̨, da gu wɔ ɲąŋą kulaa! Gu ə́ wɔ wɛlikɛmąąlaa mąą ɲąŋą kulɔ, ə tɛɛ lɔɔ ɓa. Tɛ̨ą kaa nɛ̨ɛ̨lɛa pɔ, di ə́ wɛli la kɛ.

Samuɛlə dɔlɔɔ 17:45

Davidə yɛ Goliatə ɓa: «Ə́ wɛi, ə́ kaa pai pɛlɛi mą́ą́, ɓɔwa kwɛa yɛ ɓo ə́ yəi, kpala yɛ ɓo ə́ yəi, wulu ɲąą kulaa ə́ ɓo ə́ yəi. Nwɛ́i, gáá pai ə́ pɔ Yai-Laa Mɛ̨nį Kəlee ŋą Hééɓomun laa hu, yai a Israɛlə nwɔ Yálái, a Yaa tii ə́ kaa gwɛlin baa pɔlɔn dɔɔi.

Levetekɔ 4:7

Yili pulu, ə ɲąmąi tii ta lɔ lansan kələn gəhi mįnɛ̨ɠaa diɛ Yai-Laa lííla, ɛlɛɛ, ə ɲąmą kpəli kəlee pu ɉaláá kulɔ kəhii ŋɛ̨i gee kaa kələ laaləi gɔwɔ mu.

Zakari 14:3

Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Zakari 2:9

Ɛlɛɛ, ɲą́ą́n Gáá pai kɛi laa, ŋą́ ɓo a nwɔ̨n, gɛ́ daa mąąkpɛ. Yai-Laa woo li; ɛlɛɛ gɛ́ kɛ a Ɉerusalɛmə nįį.›»