Biblia Todo Logo
Bib sou entènèt

- Piblisite -




Zakari 9:14 - Yálá laawoo hɛɓɛ (dc)

14 Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

Gade chapit la Kopi

Yálá laawoo hɛɓɛ

14 Yai-Laa kaa pai kɛi di nwun mɛ̨i, nwɔ mɛ̨ɛ̨kɔwi kaa pai kɛi lii, yɛ yələgbąnąą a kɛi yɛlɛ. Nąmu Yai-Laa, yɛ túlú hvɛɛ gɔ́ ɓa, yɛ həɠə ɉɛɠɛɛ pələ tulɔ hvaŋą hu yɛ pa.

Gade chapit la Kopi

Bible

14 Gɛ̀ ní Yâwɛɛ a pâi pâi dípɔ, ǹyaŋ ŋɔtɔ̃ai a pâi siâi yɛ̂ɛ ŋ̀éle-gbana-kao. Ŋ̀wála-wâla kélee Yâwɛɛ a pâi dúrii fɛ̂ɛi é lí vãa kɛ́tɛi su ǹɔii kwára-pere.

Gade chapit la Kopi




Zakari 9:14
28 Referans Kwoze  

Yai-Laa ə lɛɛ yələkɔlɔn ɉu, ə yələgbąnąą ɓɛla, Hɛn Gəlee Nąmu ə hvaa.


Mąąhɔlɔɓo, Yai-Laa kaa pai, Gaa pai nwɔ̨n ɉɛ̨ąi, nwɔ kɔ́ kɔ́ wotoloɠaai kaa yɛ hvąŋą tulɔ, gwələi di dɔɔ mą a líiholi, yɛ gulɔ a nwąną lɔ pələ, ɛlɛɛ, mąąɲɔwi di mo, yɛ gwələ kulɔ a nwɔ̨n nən.


Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.


Ŋą́ nwun muhəɠə nwɔ̨nɔ̨, ŋį́ kɛɛ takpɛli kaa, ŋį́ hulɔnu ta kaa, lɔi kɔ́ɔn ɲɛli ə ɓo ɲəi.


Mąą hvólói, túlu kɛnɛ̨ woo kaa pai tɔɔi, nuąi kɛ daa pili, di kaa pai həɠəi Asiri lɔi hu diɛ pa; da nuąi ta di di kpɛ Eziptə lɔi hu, di kaa pai pɛlɛi Yai-Laa lííla, ɲee mąąhəɠɛɛ nwuɔ̨ Ɉerusalɛmə.


Mɛ̨nį kponąąi di mo gboloyá kwɛlɛ lɔi pun naa mɛ̨i, ya ka: Bələi lɔ tulɔ hvaŋą a tɛɛ la Negɛvə lɔi hu, bələ lɔ ɓə kɔ́ kaa pai həɠəi la nɔi pun mąą ɲɔwuɔ hu pələ.


Ŋą́ ɲɛ̨́i hee, ŋą́ hoo kwɛlɛɛ ta kaa. Nui kɛ heeni mɛ̨i, kilɛn yɛ ɓo ɲəi. Di ɓɔlɔ ta tɛɛ bɔ, ɛlɛɛ, yɛ li yɛ, kuláá, ɛlɛɛ, yɛ li kuláálaa kɛi.


Ə́ wɔ mɛ̨ɛ̨kɔwɠaa da kɛ koon ɉi, di wɔ kɛɛ pɔ̨nɔ̨ hu, ə́ wɔ kpalaɠaai di wɔ kɛɛ pɔ̨nɔ̨ kɛnɛ̨i hu ɲɛ̨i tɔwɔ, hvóló da ɲąnin di hva hiɛ.


Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.


Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!


a kpalo mɛ̨nį da kwɛlɛɛn mɛ̨nį nwɔ huwalawalalaa, a Kili-Mąąhəɠɛɛ hvaŋą. Yili ɓa, ə həɠə kpɔ Ɉerusalɛmə, ə tɛɛ Iliri pələ, ŋą́ Kristə nwɔ wɛlɛɛ lɛlɛɛ laa həli kpɔ nąą kəlee.


Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»


Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.


Bələi lɔ nwɛ̨niɠaa da di koon naa ɓo la, bələ lɔ ɓə Yai-Laa Mɛ̨nį Kəlee ŋą Hééɓomun kaa pai Ɉerusalɛmə mąąkɔ̨nwɔ̨i la; gaa pai mąąkɔ̨nwɔ̨i yɛ gulɔ mɛ̨nįi, gaa pai mąąhvaalɛɛi, yɛ nwun mąąɓo.


Yɛnɛ̨ɛ̨ nuą kəlee, kaai lɔi mɛ̨i, ɓɛlɔwai di kaa pai ɉilɛyili tɛi la ɲeeɠaa nwuɔ̨, 'Ka ka nwun muhəɠə, 'ka gaa! Ɓɛlɔwai di kaa pai dúlu hvɛɛi la, 'ka ka wəli tɔɔ!


Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.


Tulu woo kɛnɛ̨ a tɔɔ, a nwɔ malakaɠaai tɛɛ yɛnɛ̨ɛ̨ nąą kəlee, ə gɛ, di nwɛiɠaai ɲąąkpɔn.»


Ya ku yowoɠaa di kpɔkpɔɔ mɛ̨ɛ̨kɔw həɠə, ə́ mɔ di nwun ɉu. Ku yowoɠaa da kpuluun, diɛ pa ku hu taɠai; di pa pələ a kɛ yɛ tulɔ hvaŋą, diɛ tómą a kwəinɛ̨ɛ̨. Di kɛ pələ pɛliɛ, diɛ pa nu paai loo hu.


Hvaŋą a kulɔ daa hu, kwɛlɛ yɛ həɠə ɲələi pələ.


Ə nwɔ mɛ̨ɛ̨kɔwɠaai pili pələ kəlee pɔ, yɛ mąlą-mąlą kulɔ kɛɛnąą kəlee.


Swiv nou:

Piblisite


Piblisite