Zakari 9:13 - Yálá laawoo hɛɓɛ (dc)

¹³ Ɉuda ɓə gáá gɛi, a nwɔ́ kɔ-kɔ kilɛn, Ɛfraimə ɓaa a mɛ̨ɛ̨kɔw, gɛ́ dɔɔ ɲą. Siɔn, gáá ə́ lonnii ɲąątɔɔi, yɛ́i a Yavan, ə́ lonnii diɛ, gɛ́ ə́ kɛ yɛ kuláá kɛnɛ̨ nwɔ kɔ-kɔ-ɓɔwa.

Yálá laawoo hɛɓɛ

¹³ Ɉuda ɓə gáá gɛi, a nwɔ́ kɔ-kɔ kilɛn, Ɛfraimə ɓaa a mɛ̨ɛ̨kɔw, gɛ́ dɔɔ ɲą. Siɔn, gáá ə́ lonnii ɲąątɔɔi, yɛ́i a Yavan, ə́ lonnii diɛ, gɛ́ ə́ kɛ yɛ kuláá kɛnɛ̨ nwɔ kɔ-kɔ-ɓɔwa.

Bible

¹³ Ŋá Zuda kpíri yɛ̂ɛ ŋákerâŋ, ŋá Ifiraŋ kɛ́ a kerâŋ-ɣɛli. Óo Zãiyɔŋ, ŋa pâi ílônii kɛ̂i a ƃóa-sɔ̂kpɔ-ŋa Gurii-ŋai dílônii mɛi. Ǹyaŋ ŋa pâi íkɛ̂i yɛ̂ɛ kɔ-kûluƃa ŋɔƃóa-sɔ̂kpɔ.”

Zakari 9:13 Referans Kwoze

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Azaya 49:2

Ə nwóó kɛ ná yɛ ɓɔwa kwɛaa ɲąą kuláa, ə mą́ą́ kpɛ ɲee nįnįn mu. Ə gɛ́ a tɔ́nwą ɲąąkulaa, ə nów nwɔ tɔ́nwą taai hu.

Mąątɛ̨nɛ̨ 45:3

Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.

M̀ɛni-lɛɛi 19:21

Gbəliɠaai lɛɛ, niikpakpai tii kɛli kulɔ ɉoo mɛ̨imun na, ə di nwun na pili, nwɛ̨nįɠaa di pilɛ di powa hu.

M̀ɛni-lɛɛi 19:15

Liikpakpa ɲąąliɛɛ yɛ kulɔ na, hįi lɔiɠaa kɛlɛ mɛ̨nį ɓa. Yɛ di tənən dɔɔ a kwɛli hvaɠa, gaa pai Huwalawala Kəlee Nąmu ŋą lííholi lɔɔi nɛn ɉii gɔwɔ hu, tan ɉii a gɔwɔ.

M̀ɛni-lɛɛi 2:12

Malakai gbɔn nwun na Pɛrgamə, hɛɓɛ́ kɛ ə dɛɛ mą: «Nui níikpa-kpa ɲąą liɛ kaa ɲəi, nwoo ka, yɛ:

M̀ɛni-lɛɛi 1:16

Pɛmɛ̨lɛ̨n-gɔw mɛ̨ihveelɛ ə kɛ mamįiyee ɲą, ɛlɛɛ, líikpakpa kwɛa ɲąąliɛ, yɛ kulɔ na. Ɲɛ̨ilai yɛ lən yɛ hvóló a tɛ nwun ma.

Hebreu 4:12

Hvo gaai, Yálá laa woo kaa a vulúmąą, vaŋą ə ɓo ɉu, ɲąąliɛ dɛɛ líikpakpa ɓa. A lɔ kpɔ nu hu, ə gili da nįį di ɓɛlaɓo, ə gbulɔn na da gbɔlɔ di ɓɛlaɓo. Yɛ nu kɛ mɛ̨nįɠaa da nwɔɔ kiliŋąhiɛɠaa di hukpɛ.

Timote veelɛ 4:7

Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Ifisiɛŋ 6:17

'Ká nwun mąąɓo ɓɔlɔ lɔ, ká Kili-Mąąhəɠɛɛ ŋą ɓowa kwɛaai həɠə, yai a Yálá laa woo.

Abdiasə 1:21

Di kaa pai yeetɛɛmąą kɛi di Siɔn yee tumun, nąą ɓə di kaa pai heei laa; Esau huwu nwɔ yeeɠaa ə lɛɛ di yee mu. Nąąlɔwai, tɔɔlaa a kɛ a Yai-Laa nwɔɔ.

Amɔsə 2:11

Ɉu kwɛa, ŋį́ nwɔ́ loloɓo nuą həɠə ka lon ɉinąą lɔwai. Ŋą́ ɉu hvɛli ka wɔ laŋąąi diɛ, ə gɛ, di di kpɔɔ kwɛlɛɛ mą́ą́, mįnɛ̨ həɠɛɛ pɔ. Israɛlə nu huwu, ɲą́ą́ Yai-Laa nwóó li, kɛlɛi pələ ɓə ə kɛ la ee?

Woolaa 4:2

Siɔn lonnii di a di mąą mɛ̨ni nwąnąąi, yɛ hɛni hu waa, gɛ pələ a kɛ ləi yai, da di kɔɔn ləɠi-kpɛli ɓa, a yai ləɠi tɔɔmun a dɔɔ?

Ɉeremi 51:20

Ə́ kɛ ɲə́i a yənə, a kɔ́ kɔ́ kwɛli hɛn, ŋį́ lɔiɠaa hu ɓuwɔ a yɛ́, ŋį́ lɔiɠaa huwolo a yɛ́;

Mąątɛ̨nɛ̨ 149:6

'Di Yálá laa tɛ kpɔ hɔ̨ɔ̨ a di woo, liikpakpa ə ɓo di yəi.

Mąątɛ̨nɛ̨ 144:1

Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.