Zakari 9:12 - Yálá laawoo hɛɓɛ (dc)

¹² 'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Yálá laawoo hɛɓɛ

¹² 'Ka pənə ka lɔ daa kɛnɛ̨ɛ̨ hu, kaai a gɔluwɔɠaa, ka ɲɛ̨i ə ɓo bələi. Háákələi kpɔɔ kpɔɔ, gáá moi yɛ́: Gáá pai ə́ wɔ mɔ̨nɔ̨ɠaai mąą hvɛla tɛɛi ə́ pɔ, gee mɛ̨i hveelɛ.

Bible

¹² Káai a gɔ́-sôŋ-ŋai ka lene pôlu a kili-kɛ-zu kásiɣãŋ su. Sâa ŋa pâi kákɔ̂liŋ pɛlɛ̂i gîei feerɛ ŋá dɛɛ kápɔ.

Zakari 9:12 Referans Kwoze

Zôo 42:10

Gɛɛ ti, Yai-Laa ə Ɉobə yəi hɛnŋąą bɔɔ tɛɛ bɔ, mɛlaa mąą nɛ̨ɛ̨mąą hveɛ pulu. Ɛlɛɛ Yai-Laa ə Ɉobə nwɔ hɛnŋąąi kəlee tɛɛ bɔ a gee mɛ̨i hveelɛ hveelɛ.

Azaya 61:7

Gɛɛ ka ɲɛ̨i paa mɛ̨nį ta ə pɛlɛi mą, ka lalan nwoo yɛ too nu kəlee la kɛɛnąą kəlee ɓa, yaamun, ka káá pai hɔlɔɓoi di wɔ lɔi hu geemɛ̨i hveelɛ, ɛlɛɛ gwəinɛ̨ɛ̨ tii wɔlɔ ka kɛi gulɔ, kaa pənə kaa gulɔ.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Ɉeremi 51:10

Yai-Laa aa gu nwun mąąɓo mɛ̨nį kulɔ pɔ̨nɔ̨ ɲą. 'Ka pa gu Yai-Laa gu wɔ Yálái kɛ mɛ̨nį hukulɔ Siɔn.

Ɉeremi 31:17

Yai-Laa woo ka, yɛ diɛ: Ə́ kilitɔɔi kaa mą, tínąą hvɛlaan; ə́ lonnii kaa pənəi di pa di pɔ lɔi, di kaa lɔi hu.

Nahumə 1:7

Yai-Laa nwɔ mɛ̨nį lɛlɛɛi, gaa a nu mąąkilɛi, laanɔ̨nwɔ̨ lɔwai, nuąi da di mąąkilɛ vaɠan mu, a gili lɛɛ di hu.

Osia 2:15

Gáá pai múhəɠəi naa ɓa, Baaləɠaa mąą mɛ̨nį ɓa, diɛi tii ə kɛi di kɔ́ a hɛn gun nɛ̨ɛ̨ɠaa, yɛ mąą yili nąąlɔwai a wəlii-kwɛli da kwɛan, ə kɛi gilɛ həɠə nwɔ wɛliɠaa pulu, ɛlɛɛ ɲą́ą́n, yɛ lɛ̨ą mą́ą́, Yai-Laa woo li.

Azaya 40:2

'Ka Ɉerusalɛmə níí lɔ, 'ka nolo ɓo ə həli mą, kaa mą: Nwɔ luwɔ kóló kɛ hvólóɠaai daa kpɛɛ, ɉutɔɔi lɔwai aa tɛɛ kɛa, mɛ̨nį ɲɔ̨nŋaai ə gɛ, aa yili mąą hvɛla hɔlɔɓo Yai-Laa yəi gee mɛ̨i hveelɛ.

Izikiɛ 37:11

Yálá yɛ mą́ą́: «Hulɔnu lon, nu kɔ́wɠaai tii, di kaa a Israɛlə nwɔ pɛlɛ́i kəlee. Mąąhɔlɔɓo, da kɛ kɛi diɛ: ‹Ku kɔ́wɠaa daa kpala, ku wɔ kilitɔɔi aa haa, ku lɛɛ li ɉu.›

Mise 4:8

Ɛlɛɛ, yɛ́i ɓaa daatɛlɛɛ mąąkpɛmun ɉee pɛlɛ́, Siɔn nɛ̨ɛ̨gbɛla nwɔ yeei, dɔɔi tii wɔlɔ kɛ ə́ yə́i, a pənə ə pa ə́ pɔ, a dɔɔlaai tii bɛ̨ɛ̨ Ɉerusalɛmə nɛ̨ɛ̨gbɛla nwuɔ̨i.

Azaya 52:2

'Kulɔ muluun gbala hu, ə́ ə́ mąąkpɛŋɛ̨n, ə́ haŋą ə́ tɔɔ, 'hee, Ɉerusalɛmə. Ɲɔwɔnŋaai kɛ ə́ kwąną, di tee kɛa, yɛ́i ŋɛ̨i ə́ kaa a Siɔn luwɔ nɛ̨ɛ̨gbɛlai.

Ɉeremi 31:6

Mąą yələ, daa mąąkpɛ nuą kaa pai tomąi la Ɛfraimə yee tona, diɛ kɛ mą: «'Ká ka muhəɠə, ka gu tɛ Siɔn daai, Yai-Laa gu wɔ Yálái pɔ, daa gbɛa gu hee.»

Azaya 38:18

Mąąhɔlɔɓo, ɲɔ̨muątaa hva pɛli ə́ laa tɛi, ə mą kɛ haa, hva pɛli ə́ laa tooi a wələ. Nuąi kɛa daa yɛɛ kámą hu, di kili hvo kɛa tɔɔ li ə́ wɔ tələnmolaa ɓa.

Azaya 49:9

Yɛ́ kɛ gaho nąmįną diɛ: «'Ka kulɔ!» Yiiɠaai kɛ kpinį, yɛ́ kɛ diɛ: «'Ka kulɔ bono ŋą!» Di kaa pai laamii hɛn ɉɔlɔɓoi pələ kəlee pɔ, diɛ di kɔ̨nɔ̨n gaa yee lɔwai kəlee ɓa.

Ɉeremi 50:28

'Ka ka wəli tɔɔ! Pu nuą, da nu kpəlii aa lɛɛ, daa həɠə Babilonə lɔi hu pələ, Di kaa pai wɛlɛɛ ɓoi Siɔn ya ɓaa: Yai-Laa gu wɔ Yálái nwąną kulɔ mɛ̨nį, Yálá hee pɛlɛ́ nwąną kulɔ mɛ̨nį.

Hebreu 6:19

Gilitɔɔmąąlaai gu yəi, gaa a gu kpulɔn ɲɛli, a poną, ganąn ŋąą gu kili pɔ a nwala-walaa, ə ɓo a tɛ̨ą, yɛ lɔ ɉəɠə ɓɛla pulu pələ Yálá lííla.

Azaya 24:22

Di kaa pai di pui di kee mɛ̨i nowa hu, di ɓo a luwɔɠaa; diɛ di lɔ gaho ŋą, ɛlɛɛ, ɉu a kwɛa, di di kiti tee.

Ɉeremi 14:8

Israɛlə kilitɔɔi ɓaa yɛ́, mąąwɛli mɛ̨nį a həli kuɔ, yɛ́ ɓə yá kulɔ ɉu, lə ɓə kɛ, yaai, ə́ kaa túwɔ́i yɛ yá kɛ a nwea nɔi? Yɛ ya kɛ a hiɛ kulɔ mun, yii gaa lɔ kpinį tɔ̨nɔ̨ kɛ?

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 17:13

Yai-Laa! Yɛ́ ɓə Israɛlə kilitɔɔ yɛ́; nuąi da ə́ lɛɛ laa, nwumɛ̨ a di ɲɛ̨i paa; nuąi da di mąą kwɛa mą́ą́, kiti a kala diɛ. Mąąhɔlɔɓo, Yai-Laa a tɛɛyá nwun gulɔi, daa nɛɛ.