Zakari 7:6 - Yálá laawoo hɛɓɛ (dc)

⁶ Ɓɛlɔwai ka kɛi ka laa mįi la, káá ka kpələ, káá kpįnįi ka mąą mɛ̨nį hvəi ka kɛi ka laa mįi la, káá ka kpələ!»

Yálá laawoo hɛɓɛ

⁶ Ɓɛlɔwai ka kɛi ka laa mįi la, káá ka kpələ, káá kpįnįi ka mąą mɛ̨nį hvəi ka kɛi ka laa mįi la, káá ka kpələ!»

Bible

⁶ Tãi ká kɛ̀ mii-sɛ̂ŋ miî la ká kɛ́ kákpele, káfe mii ní ká kɛ́ kákpele kákpîŋ mɛni ma?”

Zakari 7:6 Referans Kwoze

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Osia 8:13

Yii di yəi a haláá ya ka; ɉuwɔi da gulɔ a haláá, da pənə di mįi; Kɛlaa, yili hva nɛ̨ɛ̨ Yai-Laa ɓa, yiihu, gaa giliŋąhiɛi di wɔ nɛ̨ŋɛ̨nŋąąi ɓa, yɛ di wɔ túwɔ́ pələ ɲɔ̨nŋąąi lonon. Hvo kɛli nwɔ̨nɔ̨ di pənə di li Eziptə lɔi hu.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Osia 9:4

Di hvo pai Yai-Laa kɔ́i a lɔɔ, di wɔ halááɠaa di hvo pai nii hon ɉi: gaa kpɔlɔ pai kɛi di yəi yɛ haa mɛ̨i kɔ̨nɔ̨n, nui lɔpee a da mį́i, mąą a luwu. Gɔ̨nɔ̨n tii a di laa hɔnmo yɛnɛ̨ɛ̨, Kɛlaa hva lɔ Yai-Laa yəi bɛlɛ́n.

Kɔlɔnikɔ Maa-ŋuŋ 29:22

Di di laa mįi, di di kpələ a kwəinɛ̨ɛ̨, Yai-Laa líi la a ɲələi tii, di Davidə lon Salomɔn hee a tɔɔmun, di pənə di wulɔ lɔ mą a Yai-Laa Laa, ə kɛ a ɲąąwooɓo kɛmun, ɛlɛɛ Sadɔkə ə kɛ a ɉaláá laa həli mun gɛnɛ̨.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»

Dutɛrɔnome 14:26

Ka həli laa, yii lɔpee ka kɛ bɔ, ka ɲá a ka yəi wali, yɛi kɛ a nįŋɛ̨, yɛi kɛ a taatɛlɛɛ pɛlɛɛ, lɔɔ ɓə, kpələ hɛn a nu kɛlɛ, hɛn lɔpee nwɛli kaa pai kɛi kaa, ɛlɛɛ, ka ka laa mįi laa Yai-Laa lííla. Kaa kwəinɛ̨ɛ̨ kulɔ ka ka yəi bɛlɛ́n nuą.

Dutɛrɔnome 12:7

Nąą ɓə ka káá pai kɛi ka laa mį́i laa gee ɓa, ka ka yəi bɛlɛ́n nuąi Yai-Laa ka wɔ Yálá ɲɛ̨i ɓa a kwəinɛ̨ɛ̨. Mąąhɔlɔɓo, mɛ̨nįɠaa kpɔ ka káá pai ka yee tooi ɉu, Yai-Laa ka wɔ Yálái kaa pai ɉu nɛɛi, ə lúwɔ́ too ka.

Azaya 43:23

Yili kulɔ ə́ wɔ kiliŋąhiɛ hu, yɛ́ kɛ, mɛlaa lonnii ə́ kɛi gulɔ a haláái da kəlee kələn, ɲą́ą́ hvəi ə́ gɛ mą́ą́, a yai ə́ kɛi kɛ yɛ́, ə́ kaa nwɔ́ mą́ą́wiɛ ta pɛlɛi la mą a ə́ wɔ taatɛlɛɛɠaai. Gulɔ nwɔ̨nɔ̨ ə́ nwun ɉu, yɛ́ kɛ, haláá kulɔ mɛ̨nį mą́ą́ ɓə gɛ, gɛ́ ə́ too la luwɔlaa hu, yili hvəi-ee, ɛlɛɛ və́ ta ə́ hviikpɛɛli, gɛ́ kɛ yɛ́, lansan kələn mą́ą́.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Zakari 7:5

'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Zakari 7:7

Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.