Biblia Todo Logo
Bib sou entènèt

- Piblisite -




Zakari 7:13 - Yálá laawoo hɛɓɛ (dc)

13 Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Gade chapit la Kopi

Yálá laawoo hɛɓɛ

13 Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Gade chapit la Kopi

Bible

13 Tãi ŋá dítòli lai, dífe díwoli tɔɔ ní. M̀ɛni ma tãi dí ńdòli lai, fé ŋ́oli tɔ̀ɔ ní.

Gade chapit la Kopi




Zakari 7:13
23 Referans Kwoze  

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»


Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.


Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.


Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.


Ká vɛli, ká hva ɉɔlɔɓo, mąąhɔlɔɓo, ka vɛli lɔ ká liiɓa mɛ̨nį ɲɛ̨i kulɔ mɛ̨nį ɓa.


«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›


Hulɔnu lon, 'mo Israɛlə kalanɉonŋaa diɛ, yɛ diɛ: Mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: «Ká pa mą́ą́nin kɛi? Yii kpɔ gáá a vúlú, və́ pai hvaai mą, ka hvo mą́ą́nin kɛ; Mɛ̨nį kəlee ŋą Hééɓomun Yálá woo li.


Hulɔnu lon, nuąi ɲɛ̨́i daa di wɔ haliɠaai lɔ di nį́į́ pɔ, ɉɛn pai di tooi nɛ̨ŋɛ̨n ɉu daa di yee kąnąn mą. A kɛ ti ŋą́ pɛli mɔ̨ɔ̨ di lɛɛi laa diɛ di nwun dɔɔ a ɲą́ą́?


Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.


Nui a nwəli laa kpulu tɔ́n nwoo tɔwɔ, nwɔ Yálá hvɛli woo kəlee kaa a mɛ̨nį ɲɔ̨n gɛnɛ̨.


Nui a nwəli laa kpulu mąąwɛlimun domą woo tɔwɔ, gaa pai təliɓo kɛi yaa kpɛli, di hva nwoo mu hon.


Ɉeremi! 'Lí ə́ mɛ̨nįɠaa tii ɲąą lɛ diɛ, ə́ ɉukulɔ diɛ; di hvo kpɛli pai di wəli tɔɔ yɛ́. 'Ə́ di təli, di hva kpɛli hvaa.


Daa pənə daa hvilɛn di kalani pɔlɔɠaa kɛ nɛ̨ŋɛ̨nŋaa pulu, a diɛi tii di hvo gɛ, di hvo di wəli tɔɔ nwóó ɓa. Ya ka, diɛ kpɛli mąn daa hvilɛn haliɠaa pulu, diɛ kwɛli hvilɛn diɛ. Ɉuda nɔi nuą-o, Israɛlə lɔi hu nuą-o, mįnɛ̨i ŋɛ̨i kwa diɛni ku ɉəɠə, bələ ɓə daa mąą kala la.


Ɉeremi! Ə́ wɛi, hvó kɛ ə́ kaa nu huwui ŋɛ̨i mąą nɛɛmąą hvəi mą́ą́, hvó kpɛli ə́ woolaa di mąą mɛ̨nį ɓa; hvó vɛ́li di mąą mɛ̨nį ɓa, ɓɛlɔwai mąąwɛli mɛ̨nį kaa pai laai laa diɛ, və́ pai nwə́li tɔɔi di woo ɓa.


Ɉuda kaa wɔlɔi, nwɔ taaɠaai kaa kpalai. Di ɲɛ̨i mąą aa liɓi, di nwun vilɛn ŋąą nɔi ɓa pələ. Ɉerusalɛmə taa yɛ wɔlɔ kpɔ hɔɔ.


Yáá ə́ mąą kpįnįn gɛ a tulɔ kpįnįn ə gɛ, ku wɔ hvɛli wooɠaa di hvo pa həli yɛ́.


Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»


Swiv nou:

Piblisite


Piblisite