Zakari 4:2 - Yálá laawoo hɛɓɛ (dc)

² Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Yálá laawoo hɛɓɛ

² Ə mą́ą́ni kɛ, yɛ mą́ą́: «Lə ɓə ə́ kaa gaai?» Gɛ́ mą: «Gáá hɛn da kaai, nwɔ̨n ɉee hɛn da li, nąą kəlee kaa a hɛni; nwulɔ pui kaa ɲələi pələ. Nwɔ̨n gbowo mɛ̨ihveelɛ ə ɓo mɛ̨i, da ɉaláá mɛ̨ihveelɛ.

Bible

² È ḿarê kɛ̀ ǹyɛɛi, “Lé ƃé ƃa gâai?” Ŋá ŋ̀óo su too ńyɛɛi, “Laŋpo-see têƃelei nyii gbɛtɛ̂ɛi a gôoi. Kawúlu káa seêni dôŋ-su-pere ƃɛ́i da ŋ̀úlɔi pù naai: Laŋpo lɔ́ɔlu mɛi-feerɛ káa seêni laŋpo-see têƃelei ŋá. Ǹyaŋ ŋɔŋ-pûi lɔ́ɔlu mɛi-feerɛ kɛ́ ƃò m̀éla tɛi-tɛi ma.

Zakari 4:2 Referans Kwoze

M̀ɛni-lɛɛi 4:5

Mąną-mąną, wooɠaa, da yələgbąnąą di kɛli kulɔ dɔɔkpəlin tii hu; kpalan nən mɛ̨ihveelɛ ə ɓo dɔɔkpəlin dɔwɔ, diɛ ɓə a Yálá ŋą nįį mɛ̨ihveelɛi.

M̀ɛni-lɛɛi 1:12

Ŋą́ tínɛ̨n, ə gɛ, nwooi tii kɛli bələ ɓo mą́ą́, ŋą́ gaa, ɛlɛɛ, tínɛ̨n ŋį́ mo, ŋą́ wulɔ nwɔ̨n ɉee hɛn mɛ̨ihveelɛ kaa, ə ɓo a hɛni;

Zakari 5:2

Malaka yɛ mą́ą́: «Lə ɓə ə́ kaa gaai?» Gɛ́ mą: «Gáá hɛɓɛ́ ta kaai yɛ koon. Dɔɔɉu kaa a yee laamą pow hveelɛ, ɲąą kɛ̨nɛ̨ a yee laamą pow.»

Ɉeremi 52:19

Gəgənŋaa, lansan kələn ɉɛnɲąŋąa, nuą mąąhəɠə gəgən gbɛa-kpɛaɠaa, gwɛli ləɠiɠaa, ləɠi tɔɔ hɛnŋaa, gbələ gəgənŋaa, da gəgən pɛlɛɛɠaa; yiiɠaa kpɔ tii kɛ a hɛni da wali, tɔɔmun mąąkpɛɛ kulaaɠaa nwun nąmu ə gəlee həɠə.

M̀ɛni-lɛɛi 1:20

Yii ɓaa bɛmɛ̨lɛ̨n-gɔw mɛ̨ihveelɛ mąą mɛ̨nį-hu-kpinɛ̨ɛ̨ tii ə́ gaa má-mįiyee ɲąi, ɛlɛɛ, nwulɔ nwɔ̨n ɉee hɛn mɛ̨ihveelɛi tii a ɉɛnii, 'ə́ ɲɛ̨i hee: Bɛmɛ̨lɛ̨n-gɔw mɛ̨ihveelɛi tii, di kaa a gbɔn ɉeei mɛ̨ihveelɛi di wɔ malakaɠaa, ɛlɛɛ, nwulɔ nwɔ̨n ɉee hɛn mɛ̨ihveelɛi tii, diɛ ɓo a gbɔn ɉeei mɛ̨ihveelɛi.»

Kɔlɔnikɔ Veerɛi 13:11

Da kɛ haláá hɛn gələn ɉii Yai-Laa lííla yələ wala kəlee da yələ wulii kəlee, diɛ lansan mąą kun nɛ̨ɛ̨ kələn. Ɛlɛɛ, diɛ lɛɠɛ mɔnŋąą laa daɓali mąąhəɠɛɛ mɛ̨i, diɛ nwɔ̨n dɔɔ yələ wulii pɔ tɛitɛi kəlee ɓa nwɔ̨n dɔɔ hɛn tii a hɛni mɛ̨i. Hvo gaai, ku wɛi, ku yee kaa Yai-Laa ku wɔɔ Yálái nwɔ tɔ́nŋąąi diɛ; ka wɛi, kaa nɛɛ laa.

Kɔlɔnikɔ Veerɛi 4:7

Ə nabon ɉee hɛnŋąą pɛli pow a hɛni, yɛ bələi mąąnɛ̨ɛ̨ ə kɛ la, ə di hee ɉɛli pɛlɛ mu, ə nɔɔli hee ɓa-mįi-yee hu pələ, ə nɔɔli hee kɛɓɛyee hu pələ.

Kɔlɔnikɔ Maa-ŋuŋ 28:15

Nabon ɉee hɛnŋąą tii kɛ a hɛni, da nabonŋąąi kɛ a hɛni, nabon ɉee hɛnŋąą wiɛ pələ, da nabonŋąą wiyə pələ, ə nwaliɠaai tii kɛ lɔ tii, nabon ɉee hɛnŋąą da nabonŋąą, yɛ bələi nabon ɉeei tɛitɛi ŋą kóló ə kɛ la.

Ikilisiati 12:6

Gɛɛ ɲɛli mąąwia ŋɛ̨i hvo tee, ɉɛni kpələ kɔ́wɔ hvo wolo, gɛɛ ɲaləɠi hvo wolo ɲá haɠai, gɛɛ ɲá kulɔ hvo ɲɛli tee hvo too nɔwa hu;

Ɉeremi 24:3

Yai-Laa yɛ mą́ą́: «Ɉeremi! Lə ɓə tii ə́ kaa gaai?» Gɛ́ mą: «Ɓɔ́láá ɓáɠaa ka tii, daɠaa lɛlɛɛ kpɔ a neelee, yiiɠaa tii di kalaa, di ɲɔ̨nwɔ̨ɔ̨ kpɔ a neelee, nu hva pɛli di mįi, di ɲɔ̨nwɔ̨ pələ ɓa.»

Amɔsə 7:8

Ə mą́ą́ləngɛ, yɛ mą́ą́: «Amɔsə! Lə ɓə ŋɛ̨i ə́ kaa gaai ɲə́i?» Ŋą́ nwoo ŋąąpənə, gɛ́ mą: «Pɛlɛ tɔɔ kinɛ̨ kɔ́w ka tii!» Yai-Laa yɛ mą́ą́: «Bɛlɛ tɔɔ kinɛ̨ kɔ́wi ŋɛ̨i ɓə, nwɔ́ nuą ŋɛ̨i a Israɛlə nu huwu, gáá pai di mąąkpɛɛi la, akɛ di haŋąąi. Mąąhɔlɔɓo, akɛ ŋį́ hɔn gaa diɛ, və́ kɛa pai di mąąhvaalɛɛi.