Zakari 14:3 - Yálá laawoo hɛɓɛ (dc)

³ Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Yálá laawoo hɛɓɛ

³ Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Bible

³ À kɛ̀ tí, Yâwɛɛ a pâi kɔ́ pɛlɛ̂i ǹɔii-ŋûŋ-ŋai dîa yɛ̂ɛ berei a kâa gɛ̀ la a bɔlɔ a kɔ́-kɔ tãi.

Zakari 14:3 Referans Kwoze

Zakari 12:9

Mąą yələi tii, nu huwuɠaa kpɔ pai kɔ́ pɛlɛi Ɉerusalɛmə ɓa, ŋą́ di ɲąą tɛ di paa mɛ̨nį mu.

Sofoni 3:19

Mąą yələi tii, nuąi kpɔ kɛi ə́ mɔ̨nɔ̨ɓo, ŋą ɲéé pɛlɛ diɛ. Ŋį́ mɛlaa kɔ́wɔ nwąnąąɠaa ɓalo; yiiɠaai daa pili, ŋį́ di ɲąą kpɔn. Ka ɲɛ̨i a pɔ̨nɔ̨, ka laa lɛlɛɛ ə tɛ nɔiɠaa ti ka nwumɛ̨ ɉu di ɲɛ̨i ɓa.

Zooɛ 3:2

Ə mą kpɛli kɛ ka wɔ luwɔ hinąą da ka wɔ luwɔ nɛ̨ąą, ŋą́ nwɔ́ Kilii tɛɛ di pɔ.

Kɔlɔnikɔ Veerɛi 20:15

Yɛ diɛ: «'Ka ká wəli tɔɔ kpɔ a nɛlɛɛ, kaa a Ɉuda nuą, kaa a Ɉerusalɛmə heeɓo nuą, ɛlɛɛ, yɛ́i ɓaa a tɔɔmun Ɉosafatə! Yai-Laa woo ka, yɛ diɛ: 'Ka hvo ɲɔw, 'ka mąą hvo kpɛlin nu kpulu kɛnɛ̨i tii ɲɛ̨i tɔwɔ; hvo gaai, ka mąą kɔ́ hvoli, Yálá mąą kɔ́ li.

Zasua 10:42

Ɉosue ə dɔɔɓɛlaa tii kəlee hon da di wɔ tɔɔ lɔiɠaa, kɔ́ tɔ̨nɔ̨ hu. Mąąhɔlɔɓo, Yai-Laa Israɛlə nwɔ Yálá tɔɔi kɛ Israɛlə pulu gɔi tii hu.

Zasua 10:10

Yai-Laa ə gɛ, di pu Israɛlə nuą ɲɛ̨i tɔwɔ, ə gɔ́ kala diɛ kpɔ hɔwɔ-hɔwɔ, Gabaɔn daai, ə hvilɛn di pulu Bɛtə-Horɔn yee ɓa pələ, ə hee di hu, ə lɛɛ kpɔ ɉu di həli Azeka di həli kpɔ la Makeda.

Zasua 10:14

Ə həɠə volói tii ɓa, hvóló ta hvo ta tɔɔli tii aa lɛɛ ɉu yiihu aa həli, a volói Yai-Laa ə lɛɛ la nu woo mu, mąąhɔlɔɓo, dɔɔi kɛ Israɛlə pulu.

Nehemi 4:14

Ɓɛi lɔpee ka tulu woo mɛ̨n naa, ka ka ŋąąkpɔm gu kwɛlɛ, ka gu Yálái kaa pai tɔɔi gu pulu.»

Azaya 29:7

Gaa pai kɛi yɛ da kɛi hį́i ɓo, yɛ nu a kɛi mɛ̨nį ta kaa hį́i pələ, nuąi tii gɔ́ pɛlɛ Ariɛlə ɓa di yəi, a nuąi kpɔ tii kɛi gɔ́ pɛlɛ mąi, diɛ vąną, diɛ hee ɉu.