Zakari 14:13 - Yálá laawoo hɛɓɛ (dc)

¹³ Mąą yələi tii, Yai-Laa kaa pai ɲɔw kɛnɛ̨ pilii di hu, nuą diɛ wolo di kee ɓa, diɛ gɔ́.

Yálá laawoo hɛɓɛ

¹³ Mąą yələi tii, Yai-Laa kaa pai ɲɔw kɛnɛ̨ pilii di hu, nuą diɛ wolo di kee ɓa, diɛ gɔ́.

Bible

¹³ Maa ɣêlei tí, Yâwɛɛ a pâi kpunɛ̂ŋ kɛ́tɛ têei ǹûai loai, núu tɔnɔ kɛ́ m̀arâŋ-nuu kpɛ̀, m̀arâŋ-nuui kɛ́ gɔlɛ-ma-nuui kpɛ̂.

Zakari 14:13 Referans Kwoze

Zakari 12:4

Mąą yələi tii, ŋą́ lɔi mɛ̨i hooɠaa kəlee yamąn, gɛ́ ɓowo too ɉoomɛ̨inuą kəlee nwun ɉu, kɛlaa, ɲɛ̨́i kwəleen gaa pai kɛi a ɉeɛ Ɉuda nwɔ pɛlɛ́i mɛ̨i. Yii ɓaa a lɔiɠaa di wɔ hooɠaai, ŋą́ gəlee ɲɛ̨i pu. Yai-Laa woo li.

Zakari 11:6

A tɛ̨ą, vá kɛa yɛnɛ̨ɛ̨ nuą ɲɛ̨imąąwɛli kaa, Yai-Laa woo li. Yɛ diɛ: gáá pai nu tɛi tɛi tooi mɛlan ɲee ŋą, da nwɔ tɔɔmun ɲee ŋą. Tɔɔɓɛlaa kaa pai tooi lɔi mɛ̨i, kɛlaa, və́ pai nuą kulɔi di yei.»

Izikiɛ 38:21

Gáá pai kɔ-kɔ-ɓɔwa tolui, yɛ həɠə nwɔ́ yeeɠaa kəlee mɛ̨i, yɛ wolo Gɔgə ɓa. Mɛ̨nį kəlee ŋą Hééɓomun Yálá woo li. Nu tɛi tɛi kaa pai pɛlɛi nąngaa ɓa a kɔ́ kɔ́ ɓɔwa. Hééɓo kəlee Nąmu Yálá woo li.

Nwun mąąɓo 7:22

Zedeɔn nwɔ nu nwun-ɉaaɓai tii, di kɛi di wɔ túlúɠaai hvɛɛ, Yai-Laa ə di yowoɠaa di wɔ ɓɔwaɠaai ɲɛ̨i pənə di kpɔwɔ ɓa, diɛ di kee paa. Gbəliɠaai kulɔ ɉu, di tɛɛ a gilɛ, di li Bɛtə-Sita, Serera pələ, di li kpɔ di həli Avɛlə-Mehola, Tabatə kwɛlɛ.

Zakari 14:14

Ɉuda kaa pai Ɉerusalɛmə mąą kɔ́nwɔ̨i gɔ́ hu, di kaa pai di kwɛlɛ lɔiɠaa di wɔ hɛn gɔwɠaai kulɔi di yəi, hɛni, wali, da həɠə, yii lono hva kɛ mą.