Bib sou entènèt

Zakari 13:7 - Yálá laawoo hɛɓɛ (dc)

⁷ Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Gade chapit la Kopi

Yálá laawoo hɛɓɛ

⁷ Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Gade chapit la Kopi

Bible

⁷ Yâwɛɛ Ŋ̀wála-wâla kélee Ɣalai è mò ǹyɛɛi, “Óo ƃóa-sɔ̂kpɔ, ímu siɣe í tɔ́ɔ ŋáƃala-mɛni-kaa-nuui ma da núui ma gáa tɔɔ̂ni Ŋ́gɔlɛi. Pɛ́lɛ m̀ála-mɛi-kaa-nuui ma a gɛɛ m̀ála-ŋai dítaa-tâa. Ŋá pâi ńyee kulâi diai mu dí fíi kpɛɛ̂i.”

Gade chapit la Kopi

tounen moute ⬆

Zakari 13:7
76 Referans Kwoze

Markə 14:27

Jesus ə mo nwɔ kalan nɛai diɛ, yɛ diɛ: «Ka kəlee ka káá pai lənəi mą́ą́, mąąhɔlɔɓo, bɛ̨ɛ̨i Yálá laawoo hɛɓɛ́ hu, yɛ mą: ‹Gáá pai mɛlaa pulu mun baai, mɛlaaɠaa kəlee di taɠa-taɠa.›

Maafîu 26:31

Jesus ə mo nwɔ kalan nɛai diɛ, yɛ diɛ: «Ka kəlee ka káá pai lənəi mą́ą́ gbinįi ŋɛ̨i hu. Mąąhɔlɔɓo, bɛ̨ɛ̨i Yálá laawoo hɛbɛ hu, diɛ mą: ‹Di kaa pai mɛlaa pulu mun baai, ə lɛɛ, mɛlaaɠaa di taɠaa.›»

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Ɉaan 16:32

Lɔwai ta kaa pai həli, aa gbɛamun həli, ka káá pai taɠa-taɠai, ka ɲą́ą́ dɔ̨nɔ̨ nɛ́ɛ́, nu kəlee yɛ li a dee. Kɛlaa ə mą kɛ tii, ɲą́ą́ dɔ̨nɔ̨ hvəə, Ną́n gaa bɔ́.

Markə 14:50

Nąąlɔwai tii hu, nwɔ kalan nɛai kəlee di nɛɛ laa, di pu.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Zakari 11:7

Yili ɓə gɛi, daatɛlɛɛɠaai tii yɔw ɓɛlaa di kɛi pa di paai, ŋą́ li a diɛ kala tiliin nɛlɛɛ kɛɛnąą. Tunwɔ̨n veelɛ ɓə kɛ ɲə́i, ŋą́ dɔlɔɔ laa hee a: Mɛ̨inɛ̨ɛ̨, gɛ́ veelɛnąą ɓa: woolaamąą. Ɛlɛɛ, gɛ́ ɲɛ̨́i kɛ daatɛlɛɛɠaa diɛ.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

M̀ɛni-lɛɛi 1:8

Ɲą́ą́ ɓə a dɔlɔɔ, ɛlɛɛ, a gbɛlai, Hééɓo laa Kəlee Nąmu Yálá woo li! Yai kɛ laa, yai laa Yiihu, ɛlɛɛ, yai pai, yai a Hééɓomun.

Ɉeremi 47:6

Lə mɛ̨nį ɲąąnwąnąą ɓəi, Yai-Laa nwɔ ɓɔwai! Akɛti, hvįįtɔɔ hvo kɛa yɛ́? 'Lɔ ə́ taa hu, too ə́ kɔ́lɔi, ə́ liilaa.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Ɉaan 10:30

Kwa ną́n Yálá ku kaa tɔ̨nɔ̨.»

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Zakari 11:4

Yai-Laa nwɔ́ Yálái woo ka; yɛ diɛ: «'Kɔ̨nɔ̨n dɛɛ mɛlaa haaɠaai ŋɛ̨i pɔ, diɛi di paai lɔwai mąąkpɔn ɉii.

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Ɉaan 16:15

Yii lɔpee gaa Ną́n yəi, ɲą́ą́ bɔ́ɔ́ li. Mɛ̨nįi gɛ gɛ́ kɛ kaa: yii a həɠə ɲą́ą́ bɔ́ ya ɓə gaa pai moi kaa yaa li.»

Ɉaan 14:23

Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Ɉaan 14:1

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Ɉaan 10:38

Kɛlaa, akɛ ŋą́ą́ kɛi mɛ̨nįɠaa tii kɛ, ka wala laa ná, ka laa gɛ́ mɛ̨nįɠaa tii la, kaa diɛ kwa ná Yálá ku kaa tɔ̨nɔ̨.»

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Maafîu 10:42

Nui lɔpee a kpələ kɔ́wɔ ɲąątɔ̨nɔ̨ tɛɛ nɛapəlɛɛ ŋɛ̨i ta pɔ, mąąhɔlɔɓo, nwɔ́ kalan non ni, mąą nui a mąą hvɛla hɔlɔɓo.»

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Izikiɛ 21:28

Di kaa pai gaai a lɛɛ-tɔlu; daa di kilitɔɔi lɛ diɛ; di wɔ nɛ̨ŋɛ̨nŋąąi kili too mɛ̨nį ɓə di ɲą; di kaa pai di hon ɉi gɔ́ hu.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

M̀ɛni-lɛɛi 21:6

Ɛlɛɛ, yɛ mą́ą́: «Mɛ̨nį kəlee laa aa hon. Ɲą́ą́ ɓə a Alfa, ɛlɛɛ, a Omega, gɔwɔ tɔɔi, da naa kulɔi. Nui kpələ wɛli kaa mą, ŋą́ gɔ a yá nwun gulɔi yá, a mɛ̨nį nɛ̨ɛ̨.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

M̀ɛni-lɛɛi 1:17

Gaai ŋį́ mo, ŋį́ too gɔwɔ mu yɛ ŋą́ haa. Kɛlaa, ə mamįiyee tunwɔ̨n mą́ą́, ɛlɛɛ, yɛ mą́ą́: «'Hvó ɲɔw, ɲą́ą́ ɓə a Dɔlɔɔ ɛlɛɛ, da gbɛla mąą!

M̀ɛni-lɛɛi 1:11

yɛ kɛ mą: «Mɛ̨nįɠaa tii ə́ kaa gaai, 'bɛ̨ɛ̨ hɛɓɛ́ ta hu, ə́ dɛɛ gbɔn ɉeei mɛ̨ihveelɛi ɓa: Efɛsə, Smirnə, Pɛrgamə, Tiatirə, Sardɛsə, Filadelfi da Laodise.»

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

Filipə 2:6

Yai, bələi mąn Yálá laa kaa ɲəi, hvo giliŋąhiɛ li da Yálá di pɛli mɛ̨nį ɓa, hvo kąnąn yili ɓa.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Lukə 17:2

Vialaɓoɔi di kwɛni kpuwulu kɛnɛ̨ kpulɔn mąą nu kwaną, di bili gboloyá baləi, əgɛ, hvo pa nɛapɛlɛɛ ŋɛ̨i dɔ̨nɔ̨ kpɛli lan.

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Maafîu 18:14

Pələ kpɔlɔ ɓə gaa la nɛapəlɛɛ ŋɛ̨i mąą mɛ̨nį hu. Ka Ną́n Yálá yai gaa yələkɔlɔn ɉu, hvo bɔ dɔ̨nɔ̨ kpɛli hvo lán.»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Zakari 11:11

Di gala a mąą yələ, daatɛlɛɛ lɔwɔ́tɔɔ nuą ɲɛ̨i heɛ lɔ kɛ mą́ą́, di gbaɠala kaa diɛ kɛ, Yai-Laa woo pɔ mɛ̨nį ka tii kɛi.

Azaya 27:1

Nąąlɔwai, Yai-Laa kaa pai nwɔɔ tooi ɉu, a nwɔ kɔ́ kɔ ɓɔwa ɲąąliɛi, gɛnɛ̨, vaŋą kɛnɛ̨; yɛ hvilɛn na Leviatan pulu, yai a gaalə kɛnɛ̨i, a gaalə hu kpəlaan-gbəlaanŋąąi; gaa pai gboloyá hu Gbaatow-gbonoi tii paai.

Azaya 1:25

Ɉerusalɛmə taa, gáá pai ɲéé pɛlɛi yɛ́, gáá pai ə́ mąą waai a nwɔ̨n, ŋį́ ə́ kpo waa yɛ́, ŋį́ ə́ waa a kpolo kɔ́w, ŋį́ ə́ nɔ̨nwɔ̨ waa yɛ́.

Izikiɛ 7:6

Mɛ̨nįɠaa kpɛɛ yələ kaa pai, gaa pai yoo; a mɛ̨nį kpɛɛ yələi tii. Gaa muhəɠəi ə́ mąą mɛ̨nį ɓa, yɛ pa.

Izikiɛ 21:3

Kɛ Negɛvə lɔwɔɠaa diɛ, ka ka wəli tɔɔ Yai-Laa woo ɓa: Hééɓo kəlee Nąmu Yálá yɛ diɛ: Gáá pai nwɔ̨n dooi ka hu; nwɔ̨n tii kaa pai wulu nwunuɠaa da wulu kpalaɠaa kəlee kələn ɉi; hvo pai luwuun ɉi; nu kəlee ɲɛ̨́i lai kaa pai kələn ɉi, ə həɠə Negɛvə, ə li ɲələi pələ.

Swiv nou:

Lyen patwone

Piblisite

Piblisite