Zakari 12:4 - Yálá laawoo hɛɓɛ (dc)

⁴ Mąą yələi tii, ŋą́ lɔi mɛ̨i hooɠaa kəlee yamąn, gɛ́ ɓowo too ɉoomɛ̨inuą kəlee nwun ɉu, kɛlaa, ɲɛ̨́i kwəleen gaa pai kɛi a ɉeɛ Ɉuda nwɔ pɛlɛ́i mɛ̨i. Yii ɓaa a lɔiɠaa di wɔ hooɠaai, ŋą́ gəlee ɲɛ̨i pu. Yai-Laa woo li.

Yálá laawoo hɛɓɛ

⁴ Mąą yələi tii, ŋą́ lɔi mɛ̨i hooɠaa kəlee yamąn, gɛ́ ɓowo too ɉoomɛ̨inuą kəlee nwun ɉu, kɛlaa, ɲɛ̨́i kwəleen gaa pai kɛi a ɉeɛ Ɉuda nwɔ pɛlɛ́i mɛ̨i. Yii ɓaa a lɔiɠaa di wɔ hooɠaai, ŋą́ gəlee ɲɛ̨i pu. Yai-Laa woo li.

Bible

⁴ Maa ɣêlei tí ŋa pâi gɔ́kɔ-soo-ŋai kɛ̂i dí yao díkɛ wúlee, diai dímɛi dia máŋ díkɛ wúlee. Kɛ́lɛ ŋa pâi ŋ́ɛi lá ƃôi Zuda ŋɔpɛ́rɛi mu-ƃelai mɛni ma, kpɛ́ni fêi, ŋa pâi díkpɔara-ƃelai díkɔ-kɔ-soo-ŋai ŋɛ́i pûi.

Zakari 12:4 Referans Kwoze

Zakari 12:3

A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Dutɛrɔnome 28:28

Yai-Laa kaa pai ɓowo ɲɔ̨n, ɲɛ̨ipu ɲɔ̨n da hupu mąą ɲɔ̨n bɛlɛi kaa.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Zakari 14:15

Vaɠa taaləi tii a ɉooɠaa kɛlɛ lɔ, da wɛlɛhooɠaa, da ɲɔ̨ɔ̨mɛ̨ɛ̨ɠaa, da hoohvaalənɠaa, da taatɛlɛɛ lɔpee pai kɛ di pɔ; di kɛlɛ pələ a kɛ lɔ tanɔ̨n.

Zakari 12:11

Mąą yələi tii, nwɔlɔi Ɉerusalɛmə kaa pai moi, ɉu a kɛnɛ̨ yɛ Hadadə-Rimɔn haa mɛ̨nį, Megido ɲɛɛkɔwɔ hu.

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Zakari 9:8

Gáá pai kɛi tɔɔni nwɔ́ pɛlɛ́i kwɛlɛ, gɛ́ mąąkpɛ, nuąi da tɛ diɛ yɛɛ, di tɔwɔ, tɔɔmun da hva kɛa hee mɛ̨i lɔ tii, mąąhɔlɔɓo, ɲą́ą́ gbínįi ɓə pai kɛi ɲɛ̨́i kɛi mą.

Danîa 9:18

Nwɔ Yálá, ə wəli tɔɔ, ə́ nwóó mɛ̨n, mɔ̨nɔ̨ yii gaa həlii ku wɔ taai ŋɛ̨i ɓa, yɛ́ kpinįi naa kaa, daai ŋɛ̨i kaa a ə́ wɔɔ. Kwa kɛi nɛ̨ɛ̨mąą hvə yɛ́, ku kili hvo tooli ku kɛ mɛ̨inɛ̨ɛ̨ɠaa diɛ, kɛlaa ku kilitɔɔi ə́ wɔ wɛlikɛmąą kpon ɉu kwɛaa ɓa.

Izikiɛ 39:20

Ka káá pai pilɛi nwɔ haláá kulɔi hooɠaa hu, gilɛ həɠə hooɠaa; gɔ́kulááɠaa kəlee di wɔ hooɠaai hu. Mɛ̨nį kəlee ŋą Hééɓomun Yálá woo li.

Izikiɛ 38:4

gáá pai ə́ kulɔi ə́ kee la, gɛ́ kwɛli pili ə́ la, yɛ́ ká ə́ wɔ kɔlaɠai kəlee, Ɉooɠaa mąn ɉoo mɛ̨i nuą mąn, di mąąyilɛɛ a nɛlɛɛ, di ɓo a nu kpulu kɛnɛ̨ɛ, kɔ́ kɔ́ hɛnŋaa ə ɓo di yəi; gəlee di ɓo a kɔ́ kɔ́ ɓɔwa pili nuą.

Ɉeremi 24:6

Gáá ɲɛ̨́i lɛlɛɛ heei diɛ a wɛlikɛmąąlaa. Gáá pai pənəi ŋį́ pa a diɛ nɔi ŋɛ̨i hu, ŋį́ di tɔɔ, vá kɛa di kala. Ŋą́ di hin, vá kɛa di kulɔ a di nwun.

Azaya 37:17

Yai-Laa! 'Ə́ wəli tɔɔ, ə́ nwóó mąn! 'Ə́ ɲɛ̨́i laaɓo, Yai-Laa, Senakeribə kaa, mɛ̨nįɠaai gaa moi ə́ di mąn, yai aa nuą tɔɔ diɛ Yálái hvulúmąą lalan.

Azaya 24:21

Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Nehemi 1:6

Ə́ wəli tɔɔ kpɔ kani, ɛlɛɛ, ə́ ə́ ɲəi hee, yɛ tímun nwɔ mąąwɛli wooi mɛ̨n. Volóɠaa ŋɛ̨i yee mu, gáá moi yɛ́ hvóló da kpinį, yɛ́ tínuą Israɛlə lonnii mąą mɛ̨nį ɓa, ŋą́ą́ hvaa di kɛ nɛ̨ŋɛ̨n mąą mɛ̨nį ɓa, yaai ku ɉəɠə yɛ́; ɲą́ą́ kwa gala mɔlɔni kwaa nɛ̨ŋɛ̨n ɉəɠə yɛ́.

Kɔlɔnikɔ Veerɛi 7:15

Yii hu kɛa, ɲɛ̨́nąą ɓoɔi, wə́li tɔɔ vɛli ɓoi a gɛ gɛɛnąą ŋɛ̨i mą.

Kɔlɔnikɔ Veerɛi 6:40

A kɛ tii kan, Ną́mu Yálá, 'Ə́ ɲɛ̨i hee, 'Ə́ wəli tɔɔ vɛli wooi ɲɛ̨i tɔɔi gɛɛnąąi ɲɛ̨i ɓa mą!

Kɔlɔnikɔ Veerɛi 6:20

Ə́ ɲɛ̨i kɛ bɛlɛ́i ŋɛ̨i ɓa a hvóló da kpįnį, a ɓɛ ŋɛ̨i Ə́ kɛ diɛ Ə́ kaa Ə́ laa heei laa. Ə́ hvɛlii ŋɛ̨i yɛ́ tímun gaa moi gɛɛnąą ŋɛ̨i ɓa, Ə́ wəli tɔɔ mą!

Tɔɔɓɛlaa veelɛ 6:18

Aramə kulááɠaa tii kɛɛ li Elise pɔ, Elise ə Yai-Laa hvɛli, yɛ mą: «Aramə kulááɠaa ɲɛ̨i kpinį diɛ.» Yai-Laa ə di ɲɛ̨i kpinį diɛ, yɛ bələi Elise ə ɉuhvɛli la.

Tɔɔɓɛlaa veelɛ 6:14

Tɔɔmun ə wotoloɠaa tɔɔ, da hoo gilɛ həɠə nuą kpulu kɛnɛ̨, di pa di daa mąątínɛ̨n a kpinį.

Tɔɔɓɛlaa dɔlɔɔ 8:29

Ə́ ɲɛ̨i kɛ bɛlɛ́i ŋɛ̨i ɓa a yələ kəlee, gɛɛnąą ŋɛ̨i ə́ kɛ diɛ: ‹Náá kaa pai kɛi ɓɛ›, vɛli ɓoi yɛ́ tímun gaa naa həli yɛ́ gɛɛnąą ŋɛ̨i ɓa ə́ wəli tɔɔ mą.

Zakari 12:5

Ɉuda ɲąąwooɓo nuą kaa pai kɛi moi di kwəi pələ, diɛ kɛ diɛ: Ɉerusalɛmə nuą di wɛi, di hvaŋą kaa Yai-Laa di wɔ Yálái yəi, yai a Mɛ̨nį Kəlee ŋą Hééɓomun.