Zakari 12:3 - Yálá laawoo hɛɓɛ (dc)

³ A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Yálá laawoo hɛɓɛ

³ A tɛ̨ą, mąą yələ, ŋą́ Ɉerusalɛmə tɔɔ lɔi kəlee lííla, yɛ kwɛni kpuwulu, di hva pɛli muhəɠəi. Nui lɔpee pai kɛi bɔ ə mukpəŋə a ɲee kɔ́lɔɓo. Yili mąą mɛ̨nį ɓa, yɛnɛ̨ɛ̨ lɔiɠaa kəlee kaa pai kɔ́ pɛlɛi mą.

Bible

³ Maa ɣêlei tí ŋa pâi Zerusâlɛŋ kɛ̂i a kɔni wuyɛɛ ǹûai kélee mɛni ma. Diai kélee pâi mù siɣêi da pâi sɛŋ sôlii díkpîŋ dîa. Ǹɔii-ŋuŋ-ŋai kélee ŋ̀éniɛi sui da pâi pâi kwaa tɔnɔ ma dí kɔ́ pɛ́lɛ ma.

Zakari 12:3 Referans Kwoze

Maafîu 21:44

Nui a too gwɛni ŋɛ̨i mɛ̨i, a wólo, ə lɛɛ gwɛni ŋɛ̨i a too nu ta mɔ̨i a vunwɔ̨.»

Lukə 20:18

«Nui lɔpee a too gwɛni tii mɛ̨i a ɉu yali-yali, nui nwɔ̨nɔ̨ gwɛni tii a too mɛ̨i, a ɉu hunwɔ̨.»

Zakari 14:6

Mąą yələ, kɛɛpono hɛn hva kɛ laa, kwɛ́lɛ́ hva pa, luwuluwu hva pu.

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Zakari 12:11

Mąą yələi tii, nwɔlɔi Ɉerusalɛmə kaa pai moi, ɉu a kɛnɛ̨ yɛ Hadadə-Rimɔn haa mɛ̨nį, Megido ɲɛɛkɔwɔ hu.

M̀ɛni-lɛɛi 16:14

Di kɛ a ɲįnɛ̨nŋaa di wɔ kiliɠaa. Di kɛli kwɛlɛɛn mɛ̨nįɠaa kɛ, ɛlɛɛ, də li kpɔ yɛnɛ̨ɛ̨ tɔɔɓɛlaa kəlee pɔ, əgɛ, di di ɲąąkpɔn, diɛ pa pɛlɛi Hééɓolaa kəlee Nąmu Yálá ɓa, a gɔ-kɔ hvóló kɛnɛ̨i.

Zakari 14:13

Mąą yələi tii, Yai-Laa kaa pai ɲɔw kɛnɛ̨ pilii di hu, nuą diɛ wolo di kee ɓa, diɛ gɔ́.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Zakari 12:4

Mąą yələi tii, ŋą́ lɔi mɛ̨i hooɠaa kəlee yamąn, gɛ́ ɓowo too ɉoomɛ̨inuą kəlee nwun ɉu, kɛlaa, ɲɛ̨́i kwəleen gaa pai kɛi a ɉeɛ Ɉuda nwɔ pɛlɛ́i mɛ̨i. Yii ɓaa a lɔiɠaa di wɔ hooɠaai, ŋą́ gəlee ɲɛ̨i pu. Yai-Laa woo li.

Egaa 2:22

Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Sofoni 3:19

Mąą yələi tii, nuąi kpɔ kɛi ə́ mɔ̨nɔ̨ɓo, ŋą ɲéé pɛlɛ diɛ. Ŋį́ mɛlaa kɔ́wɔ nwąnąąɠaa ɓalo; yiiɠaai daa pili, ŋį́ di ɲąą kpɔn. Ka ɲɛ̨i a pɔ̨nɔ̨, ka laa lɛlɛɛ ə tɛ nɔiɠaa ti ka nwumɛ̨ ɉu di ɲɛ̨i ɓa.

Habakukə 2:17

Mɛ̨nį ɲąą nwąnąąi tii laa Liban ɓa, ɲɔ̨nwɔ̨mąn gaa pai ka nwun mɛ̨i pui. Gɛɛ kala huwɔɠaa kəlee hu kala pələ kaa pai ka mąąkpɛlin ɉi. Ɲąmąi ka bu da nwąnąlɔ tuwɔi ka mo nɔi hu, daaɠaa hu da ɉu nukanŋąą diɛ, mąą mɛ̨nį ɓa.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Abdiasə 1:18

Ɉakɔbə nwɔ pɛlɛ́i kaa pai kɛi yɛ nwɔ̨n. Ɉosɛfə nwɔ pɛlɛ́i kaa pai kɛi yɛ nwɔ̨n nən, di kaa pai Esau huwu kəlee kələn ɉii, yɛ pələi nwɔ̨n a kɛɛ kpalaa kələn na. Dɔ̨nɔ̨ kpɛli hva lɛɛ yɛnɛ̨ɛ̨. Ɲą́ą́ Yai-Laa, Nwóó li.

Azaya 60:12

Tɔɔ lɔi, da hįį lɔpə, a wala gɛ, hvo tí yɛ́, da nɛɛ a gboloon, mąą lɔiɠaai hu a kala kpɔ tɛ̨ɛ̨tɛ̨ɛ̨?.