Zakari 11:9 - Yálá laawoo hɛɓɛ (dc)

⁹ Ya ɓə ŋį́ kɛ diɛ: «Vá kɛa li a kaa kala tiliin ɉu. Yii yɛ ə haa, ə haa, yii yɛ ə pili, ə pili, yiiɠaai da lɛɛ, di di keeni mįi.»

Yálá laawoo hɛɓɛ

⁹ Ya ɓə ŋį́ kɛ diɛ: «Vá kɛa li a kaa kala tiliin ɉu. Yii yɛ ə haa, ə haa, yii yɛ ə pili, ə pili, yiiɠaai da lɛɛ, di di keeni mįi.»

Bible

⁹ M̀ɛni ma ŋá mò ńyɛ̃ɛi, “Fé pâi ŋɔ́nɔ kɛ̂i a kámɛi-kaa-nuu. Nyii maa nɛ̃ɛ̂i é sáai, tɔ́ɔ é sáa. Nyii maa nɛ̃ɛ̂i zu é karai, tɔ́ɔ zu é kara, tɔɔ dí díkîe-ni su kara.”

Zakari 11:9 Referans Kwoze

Ɉeremi 43:11

Gaa pai Eziptə lɔi kɛlɛi, nui haa pɛ̨ɛ̨ nwuɔ̨, ə lɛɛ haa yəi, nui luwɔlaa pɛ̨ɛ̨ nwuɔ̨, ə li luwɔlaa hu, nui ɓɔwa kwɛa pɛ̨ɛ̨ nwuɔ̨, ə lɛɛ ɓɔwa kwɛa yee kɔ́nma.

M̀ɛni-lɛɛi 22:11

Túwɔ́ pələ ɲɔ̨n gulɔmun, ə kɛ lɔ tuwɔ pələ ɲɔ̨n gulɔi, hvulumun, ə kɛ lɔ hvulu kɛi, mąąliɓimun ə kɛ lɔ mąąliɓi mɛ̨nį hu, kɛlɛɛ, tələnmomun ə kɛ lɔ nwɔ̨nɔ̨ tələnmo tuwɔ kɛi, ɛlɛɛ mąąhəɠəmun ə kɛ lɔ nwɔ̨nɔ̨ mąąhəɠə mɛ̨nį kɛi.»

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 8:24

Mɛ̨nįi gɛ gɛ́ kɛ kaa: ka káá pai haai ka kɛ nɛ̨ŋɛ̨n ɉu, akɛ ka wala laa na kaa diɛ: ‹Ɲą́ą́ ɓə gáá a Yaai Gaa Lɔ Laa›.»

Ɉaan 8:21

Jesus ə mo nwɔ̨nɔ̨ diɛ, yɛ diɛ: «Gáá lii, ka káá pai gwɛ́lii, kɛlaa, ka káá pai haai ka kɛ nɛ̨ŋɛ̨n ɉu. Ɓɛi gáá lii laa, ka hva pɛli lii laa.»

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 21:19

Jesus ə ɓɔɔlaa wulu ta kaa bələ kwɛlɛ, ə lɛɠɛɛ mą, kɛlaa hvo mą kaa ɉu, naa lɔ ɓə kɛ ɲąąnɛ̨ɛ̨ mą. Ə nwului tii nɛ̨ŋɛ̨n naa yɛ mą: «Hva kpɔ kɛa ɓa tɔ̨nɔ̨ kpɛli!» Mɔɔlaa wului tii ə kpala kpɔlɔ tii ɲąąɓa.

Maafîu 15:14

Ka di lɛɛ laa, ɲɛ̨ipunuą ka tii di ɓɛlaa di wɔ tunwɔ̨n ɉon ɉii. Ɲɛipumun lɔpee a mɛlan nwɔ tunwɔ̨n ɉon, di nu hveelɛ da too lɔwai.»

Izikiɛ 5:10

Lon-gáá-nuą kaa pai kɛi di lonnii mįi; lonŋąą diɛ di nąnni mįi ə́ wɔ taai ɲɛ̨i hu; gáá pai giti kalai yɛ́, ɛlɛɛ, yɛ́ nuąi gbəlii pai lɛɛi, ŋą́ di hu taɠa taɠa pələ kəlee.

Ɉeremi 23:39

Yili ɓa, gáá gbówo tooi a kaa, ŋį́ ka pili, ka həɠə ɲɛ̨́i mu; Kaa, ə mą kɛ daa ŋɛ̨i ŋį́ dɛɛ ka pɔ, ka ka nąnni.

Ɉeremi 23:33

«Nuąi tii, a wala kɛ tii Yálá kwəi mɛ̨nį hukulɔ nuąi tii ta, a wala kɛ tii, ɉaláá laa həli mun da, a ə́ mąąni kɛ, yɛ kɛ yɛ́: ‹Yai-Laa nwɔ wɛlɛɛi ɓaa lə, nwɔ tiɛ̨ ləi kpɔ ɓə gaa naai ku nwuɔ̨?› Ya kɛ diɛ: ‹Kaa ɓə ɓaa a diɛ̨i tii ɛlɛɛ, gáá pai ka pilii.› Yai-Laa woo li!

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Zakari 13:8

Yai-Laa yɛ diɛ: Mąą yələi tii, nɔi lonnii da kɛ haaɓa, veelɛ a haa, diɛ di kulɔ yɛnɛ̨ɛ̨ nuą lɔwai, Kɛlaa, ɉaaɓanąą tii, a lɛɛ yɛnɛ̨ɛ̨.