Zakari 11:7 - Yálá laawoo hɛɓɛ (dc)

⁷ Yili ɓə gɛi, daatɛlɛɛɠaai tii yɔw ɓɛlaa di kɛi pa di paai, ŋą́ li a diɛ kala tiliin nɛlɛɛ kɛɛnąą. Tunwɔ̨n veelɛ ɓə kɛ ɲə́i, ŋą́ dɔlɔɔ laa hee a: Mɛ̨inɛ̨ɛ̨, gɛ́ veelɛnąą ɓa: woolaamąą. Ɛlɛɛ, gɛ́ ɲɛ̨́i kɛ daatɛlɛɛɠaa diɛ.

Yálá laawoo hɛɓɛ

⁷ Yili ɓə gɛi, daatɛlɛɛɠaai tii yɔw ɓɛlaa di kɛi pa di paai, ŋą́ li a diɛ kala tiliin nɛlɛɛ kɛɛnąą. Tunwɔ̨n veelɛ ɓə kɛ ɲə́i, ŋą́ dɔlɔɔ laa hee a: Mɛ̨inɛ̨ɛ̨, gɛ́ veelɛnąą ɓa: woolaamąą. Ɛlɛɛ, gɛ́ ɲɛ̨́i kɛ daatɛlɛɛɠaa diɛ.

Bible

⁷ Diai m̀ála-ŋai yâ díkɛ díkɔ̀lɛi, dí ńdòli a gɛɛ ŋá kɛ́ a m̀ála-ŋai mɛi-káa-nuu díkɛ liî dípaâi. Nya ƃe ŋá wúru kpua feerɛ sìɣe ŋá dɔnɔi tóli a ƃɛlɛ-sêe, ŋá dɔnɔ tóli a kɛ-zu-tɔnɔɔ. Ǹyaŋ ŋá m̀ála-ŋai mɛi kâa.

Zakari 11:7 Referans Kwoze

Zakari 11:14

Yili pulu, ŋį́ dunwɔ̨n veelɛnąąi a woolaamąą, ŋą́ ɉu yali, nąnnonnaai tii kɛ Ɉuda da Israɛlə di lɔwai, ŋį́ ɉukala.

Zakari 11:4

Yai-Laa nwɔ́ Yálái woo ka; yɛ diɛ: «'Kɔ̨nɔ̨n dɛɛ mɛlaa haaɠaai ŋɛ̨i pɔ, diɛi di paai lɔwai mąąkpɔn ɉii.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Sofoni 3:12

Gáá pai ɲéé kanąn ɉii nu huwu logolo tiikpə ɓa, ə́ wɔ lɔi hu. A nuąi di kaa a yeehvowolo nuą, di ɓɛlɛɛ, Yai-Laa laa hu ɓə di kaa pai kɛi di mąą kilɛi laa.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Zĩi 2:5

Ną́n nonnii, nwɛ́likɛmąą nuą, 'ká ká wəli tɔɔ kpɔ tai a nɛlɛɛ, kɛlɛi nuąi yeehowolo laa hu yɛnɛ̨ɛ̨ ɓɛ, diɛ ɓə Yálá ə di həɠə ɉu, ə di kɛ a hɛn gɔw nąmįną, a Yələkɔlɔn ɉu tɔɔlaa hɔlɔɓo nuą, yai ə naakwɛlanmo nwɛlikɛmąą nuą diɛ-e?

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

Markə 12:37

«Akɛ Davidə ə kɛ non mą: ‹Nwɔ́ mɛ̨nį Námu›, Nwun mąąɓo mun Yálá ə naakwɛlanmo, a pɛli kɛi ləi a Davidə lon?» Nuą tii di kɛi Jesus woo mɛ̨i di kwəi yɛ nɛ̨ɛ̨.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Mąątɛ̨nɛ̨ 23:4

Ə mą kɛ, gáá hiɛi haa ɓoloon ɉu kpiɲɛ̨ɛ̨ hu, ɲɔwi lɔpee hva gɛ́, mąąhɔlɔɓo, ə́ kaa bɔ́, yɛ́ tunwɔ̨n, yɛ́ gbɔ́n, diɛ ɓə da nį́ilɔ.

Samuɛlə dɔlɔɔ 17:43

Goliatə yɛ Davidə ɓa: «Gaa ə́ kwəi yilɛ lon maa a ɲą́ą́, yai ə́ kaa pai bɔ́ gbɔn yɛ ɓo ə yəi?» Goliatə ə́ Davidə nɛ̨ŋɛ̨n naa a nwɔ haliɠaai laa.

Samuɛlə dɔlɔɔ 17:40

Nwɔ gbɔn ŋɛ̨i kɛ ɲəi, ə yili həɠə, ə kwɛni kwɛləən nɔɔli həɠə ɲá lon gwɛlɛ, ə bu nwɔ ɓɛlaa pulu ɓíi hu. Ə nwɔ vín gwɛnii həɠə, yɛ li pɛlɛi Filisti mun tii ɓa.

Levetekɔ 27:32

Hɛn bow nąą lɔpee da gulɔ a taatɛlɛɛ, nįŋɛ̨, a wala kɛ tii taatɛlɛɛ pɛlɛɛ ta, hɛn mąąhəɠɛɛ li a Yai-Laa nwɔɔ,

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Mąątɛ̨nɛ̨ 90:17

Nwɔ́ mɛ̨nį Nąmu ku wɔ Yálá, ku hon a liinɛ̨ɛ̨ gwəilaa! Ku kɛ kolóɠaa dɔlɔ kɛ mą ku yəi! Nɛ̨ɛ̨ yɛ́ ną́n! Ku kɛ kolóɠaa dɔlɔ kɛ mą, yɛ pɛli lamui ku yəi.

Ɉeremi 39:10

Kɛlaa, ɲeehowolo nuąi hɛn da hvo kɛ di yɛi, di bələ tɔ̨nɔ̨ lɛɛ nɔi hu, di tííɠaa da hihɛnŋaa ɲąąkwɛlɛ diɛ.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.