Zakari 11:17 - Yálá laawoo hɛɓɛ (dc)

¹⁷ Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Yálá laawoo hɛɓɛ

¹⁷ Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Bible

¹⁷ Kpalo ƃêlaai ŋáƃala-mɛi káa-nuu nyɔ́mɔɔi ma nyii a m̀ála-ŋai lɛ̂ɛi! Tɔ́ɔ ƃóa-sɔkpɔi é ǹyee dɔnɔ tée ma é ǹáa-mii-yee-mɛi ŋɛi wólo! Tɔɔ ǹyée dɔnɔ é sáa ma, ǹáa-mii-yee mɛi ŋɛi é pú!”

Zakari 11:17 Referans Kwoze

Ɉeremi 23:1

Yai-Laa woo ka, yɛ diɛ: «Kpalo ɓɛlai nwɔ́ taatɛlɛɛ mɛ̨i kaa nuą diɛ, diɛi tii daa nwɔ́ taatɛlɛɛ kpului lɛɛ laa, pulu yɛ di paa, diɛ taɠa taɠa.»

Izikiɛ 13:3

Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai diɛ, diɛi a gili kpɛɛ ɲəi nuąi tii da hvilɛn di kwəi kiliɠaa pului; ɛlɛɛ yaan, di hvo mɛ̨nį ta kaa li.

Korɛntə dɔlɔɔ 8:4

Akɛtii, huwɔi daa gulɔ a haláá hali ɓa, gwa pɛli da mįi? Gu gɔlɔn guɔ, hali lɔpee ta hvo yɛnɛ̨ɛ̨, ɛlɛɛ, yálá takpɛli hvo laa, ə kulɔ Yálá yaa tanɔ̨n gbən bulu.

Izikiɛ 34:2

«Hulɔnu lon, Israɛlə ɲɛ̨itɔwɔ nuą hvala, náá hu; nwooi ŋɛ̨i ɓo diɛ a di hvala woo, kɛ diɛ; Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai Israɛlə ɲɛ̨itɔwɔ nuą diɛ, diɛi tii di kpɔwɔ lɔ ɓə da ɲąąkɔn. Kɛlɛi taatɛlɛɛ kpulu ɓə mąąnɛ̨ɛ̨ daatɛlɛɛ mɛ̨i kaa nuą di ɲąąkɔn gɛi-ee?

Maafîu 23:16

«Kpalo ɓɛlai kaa, kaa yiiɠaai ka ɲɛ̨i puɔ, kaa ɲɛ̨i pu nuą di wɔ tunwɔ̨n ɉon! Mąąhɔlɔɓo, ka kɛ nuą diɛ: ‹Nu a gwɛla a Yálá hee pɛlɛ́, yili hvo ɓaa a mɛ̨nį ta, gwɛla a həɠə mą. Kɛlaa, nu a gwɛla a Yálá hee pɛlɛ́ mu hɛni ta, yili walawalaai kpɔ kɛnɛ̨, ə lɛɛ gwɛla yili, hvo kɛli ə bɔ mɛ̨nį kɛ.›

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Lomaŋ 11:7

Gwa pɛli kɛi lə? Mɛ̨nį Israɛlə lonnii di kɛi gwɛli, di hvo ɉɔlɔɓo li. Kɛlaa, nuąi ə di həɠə ɉui, daa ɉɔlɔɓo. Nuą yiiɠaa ti di hvo mɛ̨nį ti kpa Yálá kaa li.

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Ɉaan 9:39

Jesus yɛ mą: «Ŋą́ pa ɲɛnɛ̨ɛ̨ ŋɛ̨i hu, kiti tee mɛ̨nį ɓa. Ə gɛ, nuąi di ɲɛ̨ipuɔ, di kɛɛ kaa. Yiiɠaai di ɲɛ̨i hvo pu li, di ɲɛ̨i ə pu.»

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Ɉeremi 22:1

Yai-Laa yɛ Ɉeremi ɓa: «'Yɛɛ Ɉuda tɔɔmun ɲəi bɛlɛ́n, ə́ nwoo ŋɛ̨i ɓo laa.

Azaya 44:10

Gbɛɛ ɓə a ta hali mąą nįnįn ɉaɠa, a wala kɛtii, ə ɲɔw a kwɛli, yii yaan hvo tɔ̨nɔ̨ kwɛli li ɉu?

Azaya 29:10

Mąąhɔlɔɓo, Yai-Laa aa kwəi pilimąą hvə kaa, Yálá kwəi mɛ̨nį hukulɔ nuą, aa ka ɲįnąą kpulu, kɛɛ kaa nuą, aa ka nwun mɛ̨i kpulu.

Azaya 9:15

Di ɲɛ̨itɔwɔ nuą daa di lan, nuą diɛ kpɛli daa ɉon a pələ ɲɔ̨nwɔ̨ɔ̨, di nwun na aa pili.

Tɔɔɓɛlaa dɔlɔɔ 13:4

Mɛ̨nįɠaa tii Yálá nwɔ nu ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, tɔɔmun Ɉeroboamə ə mɛ̨n nɔ, ɲee tii kɛ ɉaláá kulɔ taɓali ɓa, ə ɉaŋą, yɛ diɛ: «Ka ɉon!» Ɲee ə lɛɛ a ɉaŋąą tii, ə kpala mą, hvo kɛa pɛli nɛɠɛi mą.

Samuɛlə dɔlɔɔ 2:31

Yələ ta kaa pai həli, gɛ́ ə́ huwu pu, da ə́ wɔ pɛlɛ́i. Hulɔgolo hva kɛa hɔlɔɓo ə́ yəi bɛlɛ́n.

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Zakari 11:15

Yai-Laa yɛ mą́ą́: «Taatɛlɛɛ pulumun ɲəi hɛnŋąą kwɛli, a taatɛlɛɛ pulumun gili kpɛɛ gwəi, yəi hɛnŋąą.