Zakari 10:7 - Yálá laawoo hɛɓɛ (dc)

⁷ Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Yálá laawoo hɛɓɛ

⁷ Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Bible

⁷ Ǹyaŋ Ifiraŋ a pâi kɛ̀i yɛ̂ɛ kɔ́-kuluƃa wála-wâla, ǹyaŋ dílii a pâi nɛ̃ɛ̂i yɛ̂ɛ berei núu líi a nɛ̃̂ɛ la ŋwã̂ai mai. Mɛnii ŋí a pâi lɛɛ̂i dílônii kíli ŋá, ǹyaŋ dílii a pâi nɛ̃ɛ̂i Yâwɛɛ ŋɔkpɔŋ-mâai mɛni ma.

Zakari 10:7 Referans Kwoze

Zakari 9:15

Yai-Laa Mɛ̨nį Kəlee ŋą Hééɓomun, kaa pai kɛi nwɔ nu huwui mąą kpɛi. Ɲələvin ɉu kwɛniɠaa kaa pai kɛi nu hukalai, diɛ nu nwun nwolo, diɛ ɲąmą kpələ yɛ lɔɔ, diɛ pilɛ ɉu, yɛ lɔɔ ɲąąkwɛlɛ gbąmą, yɛ ɉaláá kulɔ taɓali mįnɛ̨ɠaa.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Gɛlaɠaa 2:26

Yili ɓə gɛi, níí laahvɛɛ a mɛ̨inɛ̨ɛ̨, ə lɛɛ gwəinɛ̨ɛ̨. Ə mą kɛ gɔ́lɔ hvii aa kpɛɛ, ŋį́ vįitɔɔ kilitɔɔmąąlaa hu.

Ɉaan 16:22

Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Lukə 1:47

Gwə́inɛ̨ɛ̨i nwún mąąɓomun Yálá nwɔ mɛ̨inɛ̨ɛ̨ mąą mɛ̨nį ɓa

Zakari 9:17

Ee kə! Di kaa pai kɛi di nɛ̨ɛ̨ hu tai! Di kaa pai lɛlɛi-yee! Mɔ̨nun da lɔɔ di lɛlɛ pələ kaa pai, ɉilɛlɛa, da nɛ̨ɛ̨lɛa di kwəi nɛ̨ɛ̨i.

Sofoni 3:14

Siɔn hɛlakpɛla, 'tómą a kwəinɛ̨ɛ̨! Israɛlə, 'huluun a kwəinɛ̨ɛ̨, Ɉerusalɛmə nɛ̨ɛ̨gbɛla, 'kwəinɛ̨ɛ̨ kulɔ a ə́ lii kəlee.

Habakukə 3:18

Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Azaya 38:19

Nui lɔ vulú kɔ́lɔi, yaa tɔ̨nɔ̨ lɔ ɓə a ə́ laa tɛ, yɛ bələi gáá gɛi la haa kəlee. Lon gáá nąn gaa pai ə́ wɔ wɛlikɛmąąlaa hu kulɔi nonnii diɛ.

Mąątɛ̨nɛ̨ 104:15

Lɔɔ yɛ nu kan gwəinɛ̨ɛ̨, Yɛ́ di ɲɛ̨i wulɔ kulɔ, yɛ di ɲɛ̨i wulɔ kulɔ, dɛɛ wulɔ ɓa. Kɔ̨nɔ̨n yɛ hvąŋą tɛɛ nu kan bɔ.

Mąątɛ̨nɛ̨ 102:28

Ə́ kɛ pələ laa lɔ ɓaa a Ə́ kɛ pələ, kpɛɛ hvo ə́ wɔ kwɛlanŋaa diɛ.

Mąątɛ̨nɛ̨ 28:7

Yai-Laa ɓə gaa a mą́ą́kɔ̨nwɔ̨ hįi, da mą́ą́kpɛ hémé; ŋą́ gílitɔɔ mą, ə mą́ą́kpɔnmąą ɓo, gáá pilii yələi a kwəinɛ̨ɛ̨, gɛ́ ɉɛɠɛɛɓo a wələ.

Mąątɛ̨nɛ̨ 13:5

Ɲówó hvo pa nəi kɛ diɛ: «Ɲéé aa tɛɛ mą», ɛlɛɛ ɲówóɠaa diɛ kɛa kwəinɛ̨ɛ̨ kulɔ, dóó mɛ̨nį hu.

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.

Zɛnɛse 43:34

Ɉosɛfə kpinįi ɓə nu kəlee kɔ̨nɔ̨n naa ɲəi ɉɛnɲąŋą hu. Ə nəɠə Bɛnɉamɛn nwɛi ɉuwɔ kɛ mɛ̨i gee mɛ̨i lɔɔli ə dɛɛ niɛni di wɛi ɓa. Da diɛni di lɔɔ kpələ gee ɓa yɛ pələi di kaa la bɔ.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Gɛlaɠaa 13:33

Aa bɔ mɛ̨nį kɛ kuɔi a di lonnii kuɔ da hvo lɛɛ li pulu, a Jesus nwun ə mo haa nuą lɔwai, yɛ bələi bɛ̨ɛ̨i la Yálá mąątɛ̨nɛ̨ wələ hɛɓɛ́ veelɛnąą hu, yɛ mą: «‹Nón maa yɛ́, ɲą́ą́ kpɔ ɓə ə́ kaa háákələi.›

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Mąątɛ̨nɛ̨ 90:16

'Ə́ kɛ kolóɠaa too pono ŋą ə́ wɔ tínuąi ɲɛ̨i ɓa, ɛlɛɛ, ə́ wɔ mąąwiɛ ə hvələ di lonnii mɛ̨i!

Mąątɛ̨nɛ̨ 33:21

Ya ɓə gaa a ku wɔ kwəinɛ̨ɛ̨ nwun, Naa mąąhəɠɛɛ ɓə ku kilitɔɔi mą.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Izikiɛ 37:25

Nɔi ŋɛ̨i ŋą́ dɛɛ nwɔ́ tí mun Ɉakɔbə pɔ, ya ɓə di kaa pai heei ɉu; ɓɛi wɔlɔ ka kala ɓɔlɔni di kɛ laa hee ni. Di kaa pai kɛi laa heeni, diɛ, di lonnii, da yiliɠaai di wɔ lonnii. Da lɛɛ laa a yələ kəlee; ɛlɛɛ nwɔ́ tí mun Davidə ɓə pai kɛi a di ɲɛ̨itɔwɔ mun a yələ kəlee da nwɔɔ.

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.