Zakari 1:5 - Yálá laawoo hɛɓɛ (dc)

⁵ Ka nąnnii tii, mįnɛ̨ ɓə di kaa laa? Ɛlɛɛ, Yálá kwəi mɛ̨nį hu kulɔ nuąi tii, di kaa lɔ mɔ̨ɔ̨ ni yɛnɛ̨ɛ̨?

Yálá laawoo hɛɓɛ

⁵ Ka nąnnii tii, mįnɛ̨ ɓə di kaa laa? Ɛlɛɛ, Yálá kwəi mɛ̨nį hu kulɔ nuąi tii, di kaa lɔ mɔ̨ɔ̨ ni yɛnɛ̨ɛ̨?

Bible

⁵ Kánuu-pɔ̂lɔ-ŋai da Ɣâla ŋɔlóno kɛ́-ƃelai dífe ŋɔ́n ɣele ma.

Zakari 1:5 Referans Kwoze

Ikilisiati 12:5

Akɛtii yɛ́ ɲɔw kɛɛ ną laa tumunn ŋąą hiɛ ɓoi, yɛ́ ɲɔw pələ pɔ, a ɲələi tii, ɲéé a kwələ la nwulu ɲą, ponįn aa kpɛɛ a ɲąnįn buɔ ə wuɛ, wɛli mɛ̨nį hva kɛa wɛli lii muhəɠə, ə mą kɛ aa wulaa lɔpee mį́i, kɔ̨nɔ̨n mąą kun-nɛ̨ɛ̨ hva kɛa kɔ̨nɔ̨n nwɛli too yɛ́, mąąhɔlɔɓo, hiɛi ɲali bulu hvo mą, nu aa tɔɔ bələ nwun na; wɔlɔlulu yɛ kpɛlaan gwɛlɛ nuą líi pɔ.

Ikilisiati 12:7

Gɛɛ pɔlɔ hvo pu pɔlɔ ɓa ɓɛi ə həɠə laa, nɔ̨ɔ̨ ə tɛ Yálá pɔ yaai doo ɉu.

Hebreu 9:27

Yɛ bələi gaa la, nu kanŋaa da haa lɔ tanɔ̨n gbən, yili pulu, kitii yɛ di mąąkpɔn.

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Ɉaan 8:52

Ɉuifəɠaa diɛ mą: «Kwaa gɔlɔn kuɔ diɛ: ɲį́nɛ̨n gaa ə́ pulu. Abrahamə aa haa, Yálá kwəi mɛ̨nį hukulɔ nuą diɛ kpɛli daa haa; yili ɓə ya kɛ diɛ: ‹Nui a nwóó hon hva haa kɔ́lɔn a yələ ta!›

Ikilisiati 1:4

Həɠə gee pɔ yii kaa lɔ tɛɛi, həɠə gee pɔ takpɛli yɛ pa; Kɛlaa, yɛnɛ̨ɛ̨ kɛ pələ mąą hva hvalin.

Mąątɛ̨nɛ̨ 90:10

Ku wɔ lamun yɛnɛ̨ɛ̨ kaa lɔ a kwɛlan bow mɛ̨ihveelɛ, ɉu a kwɛa, kwɛlan pow mɛ̨ihaaɓa, yili kəlee, ka gɛ lɔ laanɔ̨nwɔ̨ da mɔ̨nɔ̨ di hu; hvó gaai, da tɛɛ ɉa, kwaa mąn li.

Ɉeremi 36:28

«Hɛɓɛ́ takpɛli həɠə, nwoo tɔlɔɔi kɛ ɉɛɓɛ́i Ɉuda tɔɔmun Yoyakimə ə gələn ɉu, ə́ pənə ə bɛ̨ɛ̨ ɉu.

Woolaa 5:7

Ku nąnnii nɛ̨ŋɛ̨n ɉəɠə, daa haa; kuɔ ɓə kɛa ɉu mɔ̨nɔ̨ mįi.

Samuɛlə dɔlɔɔ 25:1

Samuɛlə haa pulu, Israɛlə nuą di di ŋąąkpɔn, di ɉaa mɛ̨nį kɛ, di noo bɔ taai Rama. Davidə ə muhəɠə ə li Paran nɔi pun ɉu.

Tɔɔɓɛlaa veelɛ 13:14

Elise ə too a ɲɔ̨n, ɲɔ̨n tii ɓə ə lɛɛi ɉu. Israɛlə tɔɔmun Ɉoasə ə li bɔɔli, ə ɲɛ̨ilai pɛlɛ Elise ɲɛ̨ilai, yɛ wɔlɔ, yɛ kɛ Elise ɓa: «Ną́n! Ną́n! A Israɛlə nwɔ huwalawala da nwɔ hoo mɛ̨imun!»

Tɔɔɓɛlaa veelɛ 13:20

Elise ə laa ɲee tɔ̨nɔ̨ mɛ̨i, di gɔ́ a nɔi. Gwɛlan ə tínɛ̨n ə həli, toomɛ̨i kɛ nuą di kɛi həɠə Moabə lɔi hu, diɛ lɔ Israɛlə.