Woolaa 4:4 - Yálá laawoo hɛɓɛ (dc)

⁴ Kpələ wɛli yɛ, ɲįnį kpələ lon nɛ̨n gąnąn nɛ̨ŋɛ̨-nɛ̨ŋɛ̨ mu, lɛapɛlɛɛ diɛ kɔ̨nɔ̨n vɛli, nu ta hva hɔlɔɓo hvo nɔna tɔ̨nɔ̨ kpɛli tɛɛ di pɔ.

Yálá laawoo hɛɓɛ

⁴ Kpələ wɛli yɛ, ɲįnį kpələ lon nɛ̨n gąnąn nɛ̨ŋɛ̨-nɛ̨ŋɛ̨ mu, lɛapɛlɛɛ diɛ kɔ̨nɔ̨n vɛli, nu ta hva hɔlɔɓo hvo nɔna tɔ̨nɔ̨ kpɛli tɛɛ di pɔ.

Bible

⁴ Kpele wɛ̂li a gɛ̀ dílônii nɛ́ŋ é kánaŋ, díkɛ́ sàa. Dílônii da mii-sãa fɛ̀li, kɛ́lɛ núu da fa kpɔŋ mâa tɛɛ dípɔ.

Woolaa 4:4 Referans Kwoze

Mąątɛ̨nɛ̨ 22:15

Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Woolaa 1:11

Ɉerusalɛmə hee ɓo nuą di kaa di woolaai a pulu, diɛ kɔ̨nɔ̨n gwɛli, di kaa kɔ̨nɔ̨n ɲai a di yəi hɛn mąąwɛliɛɠaa. Əgɛ, di nɔ̨ɔ̨ ə lɛɛ di hu. «Yai-Laa ə́ ɲɛ̨i hee mą́ą́ tai! Yáá kpįnįi, bələi nwɛ́li aa kpɛɛ la nuą diɛ, ə́ bələ kaa!»

Mąątɛ̨nɛ̨ 137:6

Ɉerusalɛmə, a kɛ ŋą́ lɛ̨ą yɛ́, ŋą́ wala ə́ laa tɛ gwə́inɛ̨ɛ̨ mɛ̨nį kəlee tɔwɔ, nɛ̨́n ə kąnąn nɛ̨́ŋɛ̨-nɛ̨ŋɛ̨ mu.

Dutɛrɔnome 32:24

Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Lukə 10:11

‹Ka wɔ taai ŋɛ̨i hu muluun ti. Kɛlaa, ka ka kili lɛɛ ɉu, kaa diɛ: Yálá nwɔ tɔɔlaai mąą aa kpuɔ kaa.›

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Ɉeremi 14:3

Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Tɔɔɓɛlaa veelɛ 18:27

Gwɛli hɛn ɉəɠə mun yɛ diɛ: «Gaa ə́ kwəi, yɛ́ ka ə́ kalamɔ̨ɔ̨ ɓə nwɔ́ mɛ̨nį nąmu ə dɔ́ɔ́ nwooɠaa ŋɛ̨i ɓo mɛ̨nį ɓa kaa? Yiiɠaa ŋɛ̨i ɉįi mɛ̨i, di laa kaa ɉu; kaa, ka diɛni kəlee ɓə pai kɛi di kpo kɛi a kɔ̨nɔ̨n, diɛ di kpələ a di wɛlaayá.»

Tɔɔɓɛlaa veelɛ 25:3

Ɲąnin nwɔ hvóló mɛ̨inąąn ɲələ, pulu aa kpɔlu kɛa kɛ daa kwəi, kɔ̨nɔ̨n və kɛa kɛ nuą yəi,

Azaya 5:13

Yili mąą mɛ̨nį ɓa, «di kaa pai lii a nwɔ́ nu huwui kɔluwɔlaa hu, mąąhɔlɔɓo, kili hvo kɛ li mą, nɔi kalanɉonŋąą, kaa pai haai a pulu, nɔi lonnii, diɛ haa a kpələ wɛli.»