Woolaa 3:51 - Yálá laawoo hɛɓɛ (dc)

⁵¹ Mɛ̨nii ŋɛ̨i a laa nwɔ́ taai hu nɛ̨ɛ̨kpɛlaɠaa diɛ, aa laa diɛ a gbonąą, yɛ ɲɛ̨́iyá too mą́ą́.

Yálá laawoo hɛɓɛ

⁵¹ Mɛ̨nii ŋɛ̨i a laa nwɔ́ taai hu nɛ̨ɛ̨kpɛlaɠaa diɛ, aa laa diɛ a gbonąą, yɛ ɲɛ̨́iyá too mą́ą́.

Bible

⁵¹ Lii too pôlu káa ḿâ m̀ɛni-ŋai mɛni ma kɛ̂i a ǹɛyâai daa lêei sui.

Woolaa 3:51 Referans Kwoze

Woolaa 5:11

Daa too Siɔn nɛ̨ąą mɛ̨i ə mą kɛ, Ɉuda daa-lee hu nɛ̨ɛ̨lɛaa.

Woolaa 2:21

Nu nwunuɠaa da ɉulɔgoloɠaa di powa kaa puuni gwəli hąąiɠaa ɓa, nɛ̨ɛ̨lɛa da ɉilɛlɛa daa gəlee nwun dee a ɓɔwa kwɛa. Yai-Laa! Ə́ wɔ liiholi hu, yáá di nwun dee, yáá di hukala hvo kpɛli di mąąwɛli kaa li.

Woolaa 1:18

Tɛ̨ą kaa Yai-Laa pɔ. Mąąhɔlɔɓo, ɲą́ą́ ɓə nwoo lɛɛ. Yɛnɛ̨ɛ̨ nuą, ka kəlee 'ka ká wəli tɔɔ! 'Ká nwɔ́ mɔ̨nɔ̨i kaa, nonnii hinąą da nonnii nɛ̨ąą kəlee daa li luwɔlaa hu.

Ɉeremi 19:9

Ŋą́ di lon ɉinąą da di lon nɛ̨ąą huwɔ lɔ di la, diɛ di kee mįi. Di yowoɠaa ŋɛ̨i di hvilɛn ŋąą di wɔ yɛnɛ̨ɛ̨ pulu, mąąwɛli mɛ̨nįi da liikələn gwəi, di kaa pai naai Ɉuda da Ɉerusalɛmə taa diɛ, a hee di hu.

Ɉeremi 14:18

Ŋą́ li ɲɛa kɔ́wɔ hu, kɔ́ kɔ́ ɓɔwa nwɔ nu paaɠaa ka; ŋį́ tɛ taai, yiiɠaa mɔ̨nɔ̨ mįi pulu yəi diɛ ka. Yálá kwəi mɛ̨nį hukulɔ nuą, da ɉaláá laa həli nuą, di kaa lɔ kɛa gilɛ ŋą diɛ ɉəɠə nɔi, di kwəi aa pili diɛ.»

Ɉeremi 14:16

Ə lɛɛ, nuą tii bələɠaa tii ɓoi, di kaa pai kɛi puuni Ɉerusalɛmə gwəliɠaa lɔwai a pulu, da kɔ́ kɔ́ ɓɔwa laa pɔɔ; nu hva hɔlɔɓo, hvo di powa loo, diɛ mąn, di nɛ̨ąni mąn, di lonnii hinąą da di lonnii nɛ̨ąą. Bələ ɓə gáá pai di túwɔ́ hɔn ɲɔ̨n tii yɛɛi la a di nwun.»

Ɉeremi 11:22

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai həli diɛ, di wɔɔ hilɛlɛa diɛ lɛɛ kɔ́ hu, di lonnii hinąą ə mą kɛ, nɛ̨ąą, diɛ haa a pulu.

Zɛnɛse 44:34

Vá pɛli búlu pənəi, və́ li ku nąn bɔ, akɛ kwa nokoloi ŋɛ̨i ku hvo li li. Níí hva pɛli kpələi, ɲɛ̨́i heɛ ku nąn ma, mɛ̨nį nwąnąą yɛ laa mą.»

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Woolaa 3:50

Gáá ɓɛ gɛ́ nąą mąąkpɔn, ə lɛɛ ɉu Yai-Laa ə lɛɛ yələi ə nwun mąąlaŋąn mą́ą́.

Woolaa 3:52

Nuąi di kpanwoɔ mą́ą́, di kaa búlu diɛ gbɛ́ yɛ nwɛ̨nį.