Woolaa 3:48 - Yálá laawoo hɛɓɛ (dc)

⁴⁸ Ɲɛ̨́iyá aa gboloon naa nwɔ́ lɔi hu nɛ̨ɛ̨gbɛlaɠaa mąą mɛ̨ni ɓa.

Yálá laawoo hɛɓɛ

⁴⁸ Ɲɛ̨́iyá aa gboloon naa nwɔ́ lɔi hu nɛ̨ɛ̨gbɛlaɠaa mąą mɛ̨ni ɓa.

Bible

⁴⁸ Ŋánûai su-kara pere a gɛ̂i ŋ́gɛ wɔ̀lɔ ŋ́ɛi-ya kɛ́ yèŋ yɛ̂ɛ ya lêe.

Woolaa 3:48 Referans Kwoze

Woolaa 2:11

Ɲɛ̨́iyá aa ɲɛ̨́i-kwəleen mɛ̨i pu, góólon ɉu aa kɛ tukpu-tukpu nwáná aa yɛɛ a gɔ́wɔ́, mąąhɔlɔɓo, nwɔ lɔi lɛlɛɛ hu aa kala. Lɛapɛlɛɛ da ɲįnį kpələ lonnii diɛ haa a kpələ wɛli gwəli hąąiɠaa ɓa.

Ɉeremi 9:1

'Əkə! Gbɛɛ ɓə a gbáán dee kələ tɛɛ pɔ? Nɔi pun ɉu! Ə gɛ, ŋį́ kulɔ nwɔ́ nuą lɔwai, ŋį́ li ŋį́ mą́ą́kilɛ di yəi kwɛa la. Di kəlee di kaa a wɛli hon nuą, a ɲaba lɔ nuą.

Woolaa 2:18

Ɉerusalɛmə taa! Ə́ wɔlɔ woo, da ə́ ɲįŋɛ̨ woo aa tɛ Yai-Laa ɓa wɔlɔ kpɔ ə́ ɲɛ̨iyá ə gboloon naa yɛ yálon. Hvóló da kpįnį, 'hvó kpɛla mą 'hvó ə́ hvįitɔɔ, ə́ ɲɛ̨iləɠa hu hvo kpala.

Woolaa 1:16

Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 9:18

Woo lawoo kaa tɔɔi Siɔn daai! «Diɛ kɛ: Ə́kə! Daa ku too ku kpowoɲɛi ɓa, nwumɛ̨ yɛ ə ku paa, mąąnɛ̨ɛ̨ ku kulɔ lɔi, daa ku wɔ pɛlɛ́ɠaa pu.»

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 137:1

Ku kɛɛ ɓɛlii, Babilonə yáɠaa kwɛlɛ, ku həɛi kɛ, kuɔ wɔlɔ, kuɔ ku kiliŋąhiɛ kuɔ vilɛn Siɔn ɓa.

Ɉeremi 14:17

«Ə́ kaa pai nwoo ŋɛ̨i ɓoi diɛ, yɛ́ diɛ: «Ɲɛ̨́iya kpoloon gaa laai a hvoló da kpinį, mąąhɔlɔɓo, mąąwɛli mɛ̨nį kɛnɛ̨ aa ɉəlakpəla huwolo, yai a nwɔ́ nu huwui, nwun na aa pili.