Woolaa 3:37 - Yálá laawoo hɛɓɛ (dc)

³⁷ Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Yálá laawoo hɛɓɛ

³⁷ Gbɛɛ ɓə a mɛ̨ni ɓo, mąą mɛ̨nii yɛ kɛ? Kɛlɛi Hɛn Gəlee Nąmu ɓə-ee?

Bible

³⁷ À kɛ̀ Ǹuu-namui a wàla fáa ma, kwa pɔ̂ri mɛni da ƃôi a gɛɛ é kɛ́, m̀aa mɛ̂nii é kɛ́?

Woolaa 3:37 Referans Kwoze

Azaya 46:10

Mɛ̨nį ta kaa lɔ gbalatɔɔi, gɛ́ naa kulɔ pələ lɛ, ŋą́ mɛ̨nį lɛɛ kpɔ tɔwɔ, kwɛala, ŋį́ ɉu kulɔ. Gáá kpɔ kɛi kaa: «Mɛ̨nii gwə́i hva ɉəɠə mą, gaa mą a yələ kəlee, ɛlɛɛ, mɛ̨nįi a nɛ̨ɛ̨ mą́ą́, ya ɓə ŋą́ gɛ.»

Hanwon 16:9

Nu kili a ɉiɛ pələ mąąkpɛɛ, Kɛlaa, Yai-Laa ɓə a gɔwɔ hukɔ́lɔ.

Hanwon 19:21

Mɛ̨nį tamąą ka tii nu a mąą kili tee gwəi, Yai-Laa kwəi kili ɓə a nɛ̨ɛ̨ mą.

Hanwon 21:30

Kili mɛ̨nį ta hvo laa, da nwun gɛ ɉu ta, ə mą kɛ nwun dɔɔ ta yii ɲee a pɛli tɛɛi Yai-Laa ɓa.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Lomaŋ 9:15

Yaan, ə kɛ Moisə ɓa: «Nui ŋą́ kɛ bɔ, ŋą́ ɲɛ̨imąąwɛli kaa; nui ŋą́ kɛ bɔ ŋą́ nwɛlila kɛ.»

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Lɛɛ gbɔwɔ ɓa 10:10

Tɔɔmun yɛ diɛ: «Akɛ ŋą́ ka lɛɛ laa ka li ka ka lonnii, Yai-Laa ə lɛɛ ka pɔ! Kɛlaa, bələi ka wɔ kiliŋąhiɛ ɲɔ̨nwɔ̨ɔ̨ la, kaa kpinįi kaa gaa!

Samia Veerɛi 16:10

Tɔɔmun yɛ mą: «Ə́ wɔɔ naa ɓa a lə mɛ̨nįi ŋɛ̨i hu, Seruya lon? Akɛ nɛ̨ŋɛ̨n naa ŋɛ̨i gaa gɛi, Yai-Laa ɓə kɛ mą: ‹Li ə́ Davidə nɛ̨ŋɛ̨n naa›, gbɛɛ ɓə a pɛli kɛi ma: ‹Lə mɛ̨nį ɓa ə́ kaa yili kɛi?›»

Tɔɔɓɛlaa dɔlɔɔ 22:34

Hulɔnu ta ə mɛ̨ɛ̨kɔw pili lɔ tii dɛɠii, ə kpɔn Israɛlə tɔɔmun kɛŋən ɉu, gəŋən mąą kpulu hɛn yili yɛli lɔwai. Israɛlə tɔɔmun yɛ nwɔ wotolo hiɛ mun ma: «Tinɛ̨n a ɲą́ą́, gu kulɔ gɔ́ kpalan ŋą, mąąhɔlɔɓo, mɛ̨nį ta aa kɛ a ɲą́ą́ a nwąnąą.»

Tɔɔɓɛlaa veelɛ 6:33

Elise ə lɛɛ lɔ moi, tɔɔmun ŋą kɛlai yɛ pa. Yɛ Elise ɓa: «Mɛ̨nį ɲąąnwąnąą ŋɛ̨i naa kuɔ, Yai-Laa ɓə ə həɠə bɔ, lə ɓə kɛa ŋą́ pɛli kílitɔɔi mą Yai-Laa yəi?»

Zôo 2:10

Ɉobə yɛ nɛ̨ą ɓa: «Yɛ́ hvaa yɛ nɛ̨ɛ̨nui hva mɛ̨nį ɲąąkaa. Mɛ̨inɛ̨ɛ̨ lɔ ɓə gwa ɉɔlɔɓo Yálá yəi, a nwɔ nu kpɔɔ laa hɛn, mɛ̨nį ɲąąnwąnąą yaan, lə mɛ̨nį ɓa gu hva pɛli gu yee heei yili mu?» Mɛ̨nįɠaai ti kəlee hu, woo ɲɔ̨n və kulɔ Ɉobə la.

Zôo 10:13

Kɛlaa, yii ə́ kɛi ə́ kiliŋąhiɛ mą, ya ka: Ŋą́ gɔlɔn gɛ́, mɛ̨nį ta ə kɛ ə́ kwəi, yɛ hvilɛn na mą́ą́,