Woolaa 3:17 - Yálá laawoo hɛɓɛ (dc)

¹⁷ Aa vɛ́ɠɛ yíi nɛ̨ɛ̨ hu, və́ kɛa nwun na nɛ̨ɛ̨ kɔ́lɔn.

Yálá laawoo hɛɓɛ

¹⁷ Aa vɛ́ɠɛ yíi nɛ̨ɛ̨ hu, və́ kɛa nwun na nɛ̨ɛ̨ kɔ́lɔn.

Bible

¹⁷ Lii-see fé ŋɔ́nɔ ńyêei. Lii-nɛ̃ɛ mɛni fé ŋɔ́nɔ ŋ́gili ŋá.

Woolaa 3:17 Referans Kwoze

Azaya 59:11

Ku kəlee, kuɔ hvaa ku nwun ɉu, yɛ yilɛɠaa, kuɔ ku woo laa, yɛ tonwələnŋaa. Ku kili ə kɛ kiti tɔwɔ, kɛlaa hɛn da hvo pa li! Ku kili ə kɛ ku ɓalo mɛ̨nį tɔwɔ, Kɛlaa, mąą kwɛaai kuɔ.

Zakari 8:10

Gbala ə tɔɔ, volóɠaai tii tɔwɔ, gólo kɛ nuą hvɛla hvo kɛli kulɔ, ɛlɛɛ daatɛlɛɛɠaa hɔ̨nwɔ̨ hvo kɛ mą. Nuąi kɛi tɛ, diɛ yɛɛ, bələɠaa hu hvo kɛ laɠi li di tɔwɔ, toomɛ̨i kɛ nuą di kɛ bələɠaa hu, mąąhɔlɔɓo, ŋą́ą́ kɛ nuą ɲąątɔɔ di kee ɓa.

Woolaa 1:16

Yili mąą mɛ̨ni ɓə gáá wɔlɔi la. Ɲɛ̨́ikɔw aa ɲąmą tee. Mąąhɔlɔɓo, níílaa mun mąą aa kwɛa mą́ą́. Yaai kɛ a pɛli níílaai, ə níí too ɉu. Ɲówó hvaŋą kɛnɛ̨ pələ ɓa, nónnii nwun na aa pili.

Ɉeremi 16:5

A tɛ̨ą Yai-Laa woo ka, yɛ diɛ: Pɛlɛ́i da di ŋąąkpɔn mu, diɛ haa wɔlɔ ɓo, 'hvó lɔ laa, hvó li haa mɛ̨i, hvó ə́ yee too di yəi a pələ lɔpee ta. Gbalai tɔɔ, nwun na nɛ̨ɛ̨i ŋą́ nuą ŋɛ̨i kɔ́ la, ŋą́ą́ pənə ŋą́ą́ gulɔ di yəi, di wɛli la kɛi ŋį́ mo, gɛ́ di ɲɛ̨imąąwɛli kaa yili aa kpɛɛ. Ɲą́ą́ Yai-Laa nwóó li!

Ɉeremi 14:19

Yai-Laa, akɛti, yáá mɔ̨ɔ̨ lənə Ɉuda ɓa? Siɔn wɛli hvo mɔ̨ɔ̨ kɛa yɛ́? Ə́ kaa ku mąą nwąnąąi ɉalə hvo mą! Lə mɛ̨nį ɓa? Ku kɛi kɔ́lɔi pɔ̨nɔ̨ mąą kpɔn, ya ka ku hvo nɛlɛɛ kaa li! Ku ɲɛ̨i ə kɛ ku kulɔ ɉu hvóló tɔwɔ, ya ka ku mąą ɲɔw hɛn mə pa.

Ɉeremi 8:15

Ə kɛ ku kwəi, mɛ̨nį kəlee mąą kaa pai hvalin ɉii a nɛlɛɛ, ya ka ku hvo nɛlɛɛ kaa li. Ku ɲɛ̨i ə ɓo kɔ́lɔi pɔ̨nɔ̨ tɔwɔ, ya ka kpalo aa pa.

Azaya 54:10

Ə mą kɛ yeeɠaa kaa di tɔɔi mąąhvalin ɉii kɛ, yee kpukpuɠaa diɛ kpɛlin di wulu ŋą, nwɛli kɛmąą laai gaa níí hu yɛ hvilɛn na yɛ́, mąą hva kɛa kwɛa, ɛlɛɛ nwɔ́ liilaa mįnɛ̨i hva kɛa ɉəɠə mą, Yai-Laa yai ə́ hon ɉii a lii nɛ̨ɛ̨ gwəi laa, nwoo li.

Azaya 38:17

Nwɔ́ liikələn mąą aa pənə a liilaa. Yɛ́ ɓə nį́į́ mąąkɔ̨nwɔ̨, yɛ́ ɓə gɛ və́ too ɓoloon ɉu, ɛlɛɛ, yaa nwɔ́ nɛ̨ŋɛ̨nŋąą kəlee pili ə́ pulu.

Mąątɛ̨nɛ̨ 119:155

Nwun mąąɓo mąą kwɛai nwąnąlɔ nuą diɛ, mąąhɔlɔɓo, di hva ə́ wɔ tɔn nwooi kwɛli.

Zôo 7:7

Gílí aa pu ɉu, gɛ́ nwɔ́ yɛnɛ̨ɛ̨ kaa lɔ a hvaŋą. Ə lɛɛ ɲɛ̨́i kɔ́w hvo kɛa pai mɛ̨nį ɲąąnɛ̨ɛ̨ kaai.

Zɛnɛse 41:30

Yili pulu, kwɛlan mɛ̨ihveelɛ pulu ə too. Bului tii kaa pai gwɛlan mɛ̨ihveelɛ tɔlɔɔ nąą kili kpɛɛi nuą ŋą, bulu kpɔlu pələ ɓa.

Ɉeremi 12:12

Nɔi pun ɉu pələɠaa kəlee pɔ, kɛɛ kala nuą kaa pai; Yai-Laa nwɔ kɔlaɠa kaa pai, gaa pai nɔi hu hɛɓɛ́-hɛɓɛ́i; ə həɠə nɔi mɛ pələ yɛ li mɛ pələ; nu ta hvo liilaa hu.