Woolaa 3:1 - Yálá laawoo hɛɓɛ (dc)

¹ Gáá a nui aa mɔ̨nɔ̨ kɔ́lɔn Yai-Laa nwɔ hvaɠai mu.

Yálá laawoo hɛɓɛ

¹ Gáá a nui aa mɔ̨nɔ̨ kɔ́lɔn Yai-Laa nwɔ hvaɠai mu.

Bible

¹ Ńyãa ƃa ǹúui dɔ̀nɔ nyii berei kɔ́lɔŋ Ɣâla ŋɔmɛni kula maai kɛ́-pere káa lai.

Woolaa 3:1 Referans Kwoze

Mąątɛ̨nɛ̨ 88:7

Yáá náá ɲąmuątaa kpon ɉeei, gáá kpinį hu, ŋį́ ɓo ɓoloonŋąą hu.

Zôo 19:21

Ka mą́ą́ wɛli kaa, kaai ɓaa mɛ́laa, mąąhɔlɔɓo, Yálá aa ɲee pɛlɛ mą́ą́.

Ɉeremi 38:6

Di Ɉeremi hon, də li di bili tɔɔmun non Malkiya nwɔ yálɔwai hu nwɔ̨nɔ̨, dɔɔ kwəli mąąkpɛ nuą yəi gwəlii. Di Ɉeremi yɛɛ ɉu a gɔ́tɔ́yɛli. Yá hvo kɛ ɲálɔwai tii hu, palayá lɔ ɓə kɛ ɉu. Ɉeremi ə yɛɛ balayá hu.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Mąątɛ̨nɛ̨ 71:20

A Yɛ́i, yáá ku ɲɛ̨ikɔw kpɔlu a mɔ̨nɔ̨ da kwəi pili mąą, ə́ kaa pai nwɔ̨nɔ̨ pənəi, ə́ hvaŋą nįnɛ̨ pu kuɔ; ə́ kaa nwɔ̨nɔ̨ pai gúlɔi ɲąmuątaa yəi lɔi mu.

Ɉeremi 43:6

Da ɉinąą, nɛ̨ąą, nɛapɛlɛɛ, dɔɔ pɛlɛ́ mu nɛ̨ąą, da nuąi kpɔ tii dɔɔmun mąąkpɛ kɔ́kulááɠaa nwun nąmu Nebuzaradan ə di kalihvaɓo Gedaliasə ɓa, ə mą kɛ Ahikamə lon, Safan lon, ə mą kɛ Yálá kwəi mɛ̨nį hukulɔ mun Ɉeremi, da Neriya lon Barukə,

Mąątɛ̨nɛ̨ 102:11

Mąąhɔlɔɓo, yáá Ə́ liiholi bɔ́ ɓəɠə-ɓəɠə, Yáá dɛ́ yələi, Yáá bílí kwɛa la.

Ɉeremi 8:21

Ɉú kpɔ-kpɔɔ aa yali, nwɔ́ nuą di wɔ mɔ̨nɔ̨ kɛnɛ̨i mąą mɛ̨nį ɓa. Gaa kpinįi, mą́ą́ aa wɛli.