Woolaa 2:4 - Yálá laawoo hɛɓɛ (dc)

⁴ Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Yálá laawoo hɛɓɛ

⁴ Aa nwɔ kilɛn ɲala ɉu yɛ kɛ ə ɓo mą, yɛ nu a kɛi mɛ̨ni kɛ ɲowo ɓa. Yiiɠaa kpɔ kɛi ku ɲɛ̨i lɛlɛ aa yiliɠaa kəlee nwun dee yɛ nu a kɛi mɛ̨ni kɛ a gɔ́yɔwɔ. Aa nwɔ̨n bu Siɔn halakpɛla nwɔ pɛlɛ́i mɛ̨i a liiholi.

Bible

⁴ Kerâŋ káa ǹyêei gɛ́ nɛ̀ kûa yɛ̂ɛ kúkpɔara-ƃela. Diai kú dí wɛ́linii, a kélee páa. È ǹíi ŋwàna Zãiyɔŋ ma é ŋɔnûai kéreŋ yɛ̂ɛ ŋɔŋ.

Woolaa 2:4 Referans Kwoze

Ɉeremi 7:20

Yili ɓə gaa mą, Yai-Laa yɛ diɛ: Nwɔ́ liiholi, nwɔ́ liikələn gwəi, kaa pai ɓɛlai daa ŋɛ́i mɛ̨i, da ɉu nu kanŋaa, ə mą kɛ, ɉu taatɛlɛɛɠaa, ɛlɛɛ, di wɔ yɛa kɔ́ɔɠaa hu, a ɓɛla ɉiwuluɠaa mɛ̨i da di ɓaɠaa. A kɛ a nwɔ̨n yii hva luwun.

Izikiɛ 24:25

«Hulɔnu lon ə́ wəli tɔɔ, ɲələi gáá pai di hvaŋą kulɔi la di yəi, da di wɔ yɛnɛ̨ɛ̨ ɲąąnɛ̨ɛ̨ hɛnŋaai, da di mąąyili hɛnŋaa, ɉɛn da di ɲɛ̨i hee mą yɛ di kwəinɛ̨ɛ̨; ɉɛn a di wɔ yɛnɛ̨ɛ̨ ɲąąnɛ̨ɛ̨ diɛ, di lon ɉinąą da di lon nɛ̨ąą;

Ɉeremi 21:5

Gáá ɲéé haŋąi a vaŋa kɛnɛ̨ɛ, ɲą́ą́ gbinįi ɓə kɔ́ pɛlɛi kaa a liiholi, kpɔ a kɛɛ kala liiholi, a liikələn gwəi.

Azaya 42:25

Yili ɓə gɛ yɛ nwɔ lííholi kɛnɛ̨ɛ̨i hiɛ Israɛlə mɛ̨i, kɔ́ mɔ̨nɔ̨ɠaa diɛ hee ɉu; diɛ nwɔ̨n doo ɉu nąą kɔ́lɔ kəlee, ə mą kɛ tii, Israɛlə hvo tí hvo gɔlɔn, Yálá ə gələn, ə diɠi kɛ, ə həli ɉɛ̨ąi, ə mą kɛ tii, yili hvo kɛ Israɛlə ɓa a mɛ̨nį.

Ɉeremi 30:14

Ə́ wɔ wɛliɠaai kəlee daa lɛ̨ą yɛ́ ə́ mąą mɛ̨nį hvo kɛa di ɲɛ̨i mu a mɛ̨nį ta. Ŋą́ą́ ə́ kɛlɛ yɛ nu ɲowo a kɛi gɛlɛ. Hutɔɔ ɲąąnwąnąą ka tii, ə́ wɔ piɛn doo mɛ̨nį tamąąi mąą mɛ̨nį ɓa, da ə́ wɔ nɛ̨ŋɛ̨nŋaai pui kee mɛ̨i.

Zôo 6:4

Mąąhɔlɔɓo, Huwalawala Kəlee Nąmu Yálá aa ɓɔ ɉú a nwɔ mɛ̨ɛ̨ kɔ́w, nɔ̨́ɔ̨ pələ tɛitɛi, yɛ nwąną lɔ ɉú. Yálá nwɔ ɲɔw mąą laa a muhəɠə mɛ̨́i.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Izikiɛ 36:18

Ŋą́ nwɔ́ liiholii hee diɛ, ɲąmąi tii di bu nɔi hu, mąą mɛ̨nį ɓa; da ɉaliɠaai di nɔi mąąliɓi la, di mąą mɛ̨nį ɓa.

Izikiɛ 22:22

Bələi lɔ wali a həɠeen na, bələ lɔ ɓə gáá pai ka həɠeen ɉii la Ɉerusalɛmə daa hąąi, ka gili kɔ́lɔn nąąlɔwai kaa kɛ diɛ, ɲą́ą́ Yai-Laa ɲą́ą́ ka tii níí holii ka pɔ.»

Izikiɛ 6:12

Nui kwɛala gaa pai haai a lɔi kala ɲɔ̨n; nui kpuɔla, gaa pai tooi a kɔ́ kɔ́ ɓɔwa laa pɔɔ; ɛlɛɛ, gbəlii ti, a diɛi ti di pai gɔ́ heei diɛ, di kpəli a haa a pulu. Gáá pai nwą́ną́ kulɔi diɛ, vá gbɛla bələi.

Izikiɛ 5:13

Və́ pai nwɔ́ líiholii kpɛlai bələi; gáá pai nwą́ną́ kulɔi diɛ, ə lɛɛ ɉu ŋą́ naa kulɔ; da gili kɔ́lɔn dii, diɛ kɛ Yai-Laa ɓaa a ɲą́ą́; tolo ɓə gɛ, gɛ́ hvaa, gɛ́ nwą́ną́ kulɔ la diɛ, gɛ́ naa kulɔ.

Woolaa 4:1

Gɛ pələ a kɛ ləi yai, Hɛnii a hvələ a ɉɛn ɲɛ̨itɔɔ tii, ɲɛ̨i aa pu-oo? Gɛ pələ a kɛ ləi yai ɉaláá kwɛni mąąhəɠɛɛɠaa tii, daa taga-taɠa gwəliɠaa lɔwai?

Woolaa 3:3

Ɲą́ą́ dɔ̨nɔ̨ lɔ ɓə a ɲee haŋą mɛ̨́i a yələ kəlee.

Woolaa 2:5

Yai-Laa aa túwɔ́ a kuɔ yɛ kwa kɛ a ɲowo, aa Israɛlə huwu pu, aa dɔɔkwəli kəlee wolo aa ɉįiɠaa pu, aa Ɉuda halakpɛla nwɔ mɔ̨nɔ̨i ta laa mɛ̨i.

Ɉeremi 36:7

Gbəli hu, di kaa pai nɛɛmąą hvəi Yai-Laa ɓa, di tɛitɛi diɛ di pulu tɔɔ di túwɔ́ pələ ɲɔ̨nŋaa diɛ. Mąąhɔlɔɓo, Yai-Laa a níiholi, ɲɔ̨nwɔ̨ɔ̨i. Niiholii Yai-Laa kwəi yɛ hvilɛn na nu huwui ŋɛ̨i ɓa, gɛnɛ̨i.»

Ɉeremi 21:12

«Davidə yəi bɛlɛ́n nuą, Yai-Laa woo ka! Yɛ diɛ: Ka kiti tee a ɉaŋaa yələwala pɔ tɛitɛi kəlee ɓa. Nui daa hee mɛ̨i, ka gulɔ ɲəi kɛ; a wala kɛ tii, nwɔ́ liiholi kaa pai ɓɛlai yɛ nwɔ̨n, gaa pai kɛi lən ɉii, nu hva hɔlɔɓo hvo nuwun. Mąąhɔlɔɓo, ka túwɔ́ pələ aa ɲɔ̨n.

Ɉeremi 4:4

Ka kɛ a Yai-Laa nwɔ kɛ́nɛ̨lɛa, kaai ɓaa Ɉuda lɔi hu nuą da Ɉerusalɛmə daai nuą, ka wala gɛ tii, nwɔ́ liiholi kaa pai ɓɛlai yɛ nwɔ̨n. Gaa pai kɛɛ kələn ɉii, nu ta hva pɛli nuwun ɉii. Ka kɛ mɛ̨nįɠaa ɲɔ̨nwɔ pələ ɓa.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Azaya 63:6

Ŋą́ lɔiɠaa kiin nííholi pələ ɓa, nwɔ́ líiholii ə di kɛlɛ, di kɛ tupɛ-tupɛ, gɛ́ di wɔ mąąwiɛ pənə a pɔlɔ.

Kɔlɔnikɔ Veerɛi 34:25

gbala ə tɔɔ, daa nɛ̨́ɛ̨́ laa, diɛ lansan kələn haliɠaa diɛ, diɛ hvaa tee mą́ą́ a di gɛ mɛ̨nįɠaa. Nwɔ́ɔ́ liiholi kaa pai pui gɛɛnąą ŋɛ̨i mɛ̨i, hva kpɛla mą.

Kɔlɔnikɔ Veerɛi 34:21

«'Ka li ka Yai-Laa mąąni kɛ, ɲą́ą́ kwa Israɛlə nu kpəli, ə pɛlɛ la Ɉuda nuą mąą mɛ̨nį ɓa, yɛ hvilɛn na ɉɛɓɛ́i ŋɛ̨i di gaa ɉu wooɠaa mąą mɛ̨nį ɓa. Mąąhɔlɔɓo, Yai-Laa nwɔ liiholii hu kɛnɛ̨ɛ̨ ɓə, yaai yɛ ə pu ku mɛ̨i, hvo gaai, ku nąnni di hvo gɛ li di hvo Yai-Laa woo pɔ yii ɓo, yɛ bələi bɛ̨ɛ̨i la ɉɛɓɛ́i ŋɛ̨i hu.»

Mąątɛ̨nɛ̨ 37:14

Nu ɲɔ̨nwɔ̨ɔ̨ɠaa daa ɓɔwa kwɛa kulɔ daa hu, daa gilɛn ɲala ɉu, mąąwɛlimun da yeehowolomun di paa mɛ̨nį ɓa; nui hiɛi a ɉaŋąą nwun dee mɛ̨nį ɓa.

Ɉeremi 10:20

Daa nwɔ pɛlɛ́i pu, daa bɛlɛ hɔlɔɔn gəlee kulɔ, nónnii-o nwɔ́ taatɛlɛɛɠaai-o, dɔ̨nɔ̨ kpɛli hvo kɛa laa; nu hvo mą́ą́, hvo nwɔ́ pɛlɛ́i tɔɔ; hvo nwɔ taa kɔ́wɔ hvilɛn!

Izikiɛ 20:34

Gɛ́ ka kulɔ a váŋa kɛnɛ̨, a níí holiɛ nuą lɔwai, ɓɛɠaai tii ŋą́ ka taɠa taɠa laai; gɛ́ ka ɲąąkpɔn a nįnɛ̨.

Levetekɔ 26:17

Ŋą́ ɲɛ̨́i ɲɔ̨nwɔ̨ɔ̨ hee kaa, ka yowo yee yɛ tɛɛ kaa, nuąi yowolaa kulɔi a kaa, diɛ hee ka mɛ̨i. Ɛlɛɛ, kaa pu, ə mą kɛ nu hvo ka kpɛi.

Dutɛrɔnome 32:22

A tɛ̨ąą! Nwɔ́ liiholi nwɔ̨n gaa pai kulɔi ɉúnwɛ̨i. Ə kələn mo kɛ kpɔ ə həli la ɲɔ̨muątaa, a lɔi kələn ə bɛlɛ ɉihɛnŋąą diɛ, a yeeɠaa kɔ́wɔ hvilɛn ɉii kələn.

Samuɛlə dɔlɔɔ 28:16

Samuɛlə yɛ mą: «Akɛ Yai-Laa aa mąą kwɛa yɛ́, yɛ ɲɛ̨i ɲɔ̨nwɔ̨ɔ̨ hee yɛ́? Maaləngɛ mɛ̨nį ə́ yəi nwun maa lə?

Zôo 19:11

Nwɔ líiholi aa muhəɠə bɔ́. Aa gáá a ɲowo.

Mąątɛ̨nɛ̨ 7:13

Kɛlaa, nui hvo bɔ hvo ɉɔn mąąhvalin, a ɲɛ̨i nwɛ̨ɛ̨ bɔ a yələ kəlee. Ɲowo ə mą nwɔ ɓɔwa kwɛaai ɲą́ą́li, ə mą nwɔ kilɛn ɲąątɛ yɛ ɉąŋą bɔ pələ,

Ɉeremi 42:18

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo li! Bələi lɔ nwɔ́ liiholi da nwɔ́ liikələn gwəi a ɓɛla la Ɉerusalɛmə nuą diɛ, bələ lɔ ɓə nwɔ́ liiholii kaa pai hee la ka hu, ɓɛlɔwai ka káá pai həlii la Eziptə lɔi hu. Da, nɛ̨ŋɛ̨n naa kɛ a ka laa, kaa mąą yɛ wɛli, diɛ ka lalan a lalan ɉuwui lɔpee, ka hva kɛa ka ɲɛ̨i tɔɔ nɔi ŋɛ̨i ɓa.

Woolaa 1:13

Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Woolaa 4:11

Yai-Laa aa həli nwɔ liiɲąnwąnąi gbon ɉeei. Aa nwɔ̨n nɔ Siɔn aa daa kɔ́wɔ hvilɛn ɉii kəlee kələn.

Izikiɛ 7:14

Di kaa pai tulu hvɛɛi, diɛ di kpɔwɔ pɛli, kɛlaa, nu ta hvo pai lii gɔ́ ɓa. Mąąhɔlɔɓo, nwɔ́ kɛɛ kala liiholi hvilɛn ŋąąi yɛnɛ̨ɛ̨ hɛnŋaa kəlee pulu.»

Izikiɛ 13:13

Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: gáá pai tulɔ hvąŋą muhəɠəi a nííholi pələ kɛnɛ̨, ŋą́ líiholi kaa pai tulɔ ɉogbo ɉogbo pui, ŋą́ lii ɲą nwąną yɛ kɛɛ kala hanwon bu.