Woolaa 2:15 - Yálá laawoo hɛɓɛ (dc)

¹⁵ Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Yálá laawoo hɛɓɛ

¹⁵ Tɛɛ pələi nuą da ə́ wɔ mɔ̨nɔ̨i kaa lɔ, diɛ di yee lɔwa, diɛ kwəlee hvɛɛ, diɛ di nwun gbɛŋɛ̨n. Diɛ yɛlɛ kulɔ ə́ hu, Ɉerusalɛmə, diɛ kɛ mą: «A kɛ tii, daai kpɔ di kɛi nɛlɛ mɛ̨ni ɓo diɛ ɉu ɲąąnɛ̨ɛ̨ mɛ̨ni ɓo yɛnɛ̨ɛ̨ nąą kəlee, ya ɓəi-yoo!»

Bible

¹⁵ Diai da tɛ̂ɛ yâi, da díyee ŋá lòkwa a laa kpâla maa-pere. Da ɣɛ́lɛ-maa kùla íkponôi, dí kɛ́ díŋuŋ kpɛ̂mɛŋ dîyɛɛi, “Daa lêei ŋí ƃé nûa da kâa kɛ̀ ma daa lêe lɛ́lɛɛi, dí kɛ́ m̀aa yôŋka teei?”

Woolaa 2:15 Referans Kwoze

Ɉeremi 18:16

Di kaa pai gɛi di wɔ lɔi ə lɛɛ a lɔi pun. Diɛ yɛlɛ diɛ a yələ kəlee, Nui lɔpee pai tɛɛi laa, gwəi kaa pai pilii mą, Yɛ nwun gbɛŋɛn.

Mąątɛ̨nɛ̨ 48:2

Yai-Laa kɛnɛ̨i, mąąwiai lɔ a yələ kəlee, gu wɔ Yálái nwɔ taaleei hu, nwɔ yee mąąhəɠɛɛi nwuɔ̨.

Izikiɛ 25:6

«Mɛ̨ni kəlee ŋą Hééɓomun Yálá woo ka, yɛ: Ə́ kɛi ə́ yee lɔwa, yɛ́ ə́ kɔ́wɔ kɛlɛ lɔi ɓa, yɛ́ kwəinɛ̨ɛ̨ kulɔ a ə́ lii ɓa, ə́ kɛi tɛɠɛɓo Israɛlə lɔi hu a ə́ lii ɓa, mɛ̨nįɠaai kɛli laa mą, di mąą mɛ̨nį hu.

Ɉeremi 19:8

Gáá pai daa ŋɛ̨i mąą pənəi a lɔi mąąwɛliɛ, nuąi pai kɛi tɛɛi nąą kwɛlɛ, ɲɔw yɛ too di hu, di kwəi yɛ pili diɛ; da gɛɛ kalaa taaləi tii kaa, hvo kɛ li da tomą a ɲɔw.

Mąątɛ̨nɛ̨ 50:2

Yálá kaa Siɔn daai, yai nɛlɛɛ, mąąkulɔi hvo mą, yɛ lən.

Sofoni 2:15

Daa humɛ̨ni kɛnɛ̨i ŋɛ̨i, yaai kɛ heeni tɔɔkpəlin ɉu, nwəli pulu laɠiɛ, yɛ kɛ gbɔwɔ ɓa: «Ɲą́ą́ lɔ ɓə gáá ɓɛ, da kpɛli hvó nąą pulu» bələi gɛ pələ kaa pai kɛi la, bələ ka tii. Lɛɛ ɓə tii aa mo a taa kpoloon, a lɔwɔ huwɔɠaa yíi? Nui lɔpee aa kɛi tɛɛ gwɛlɛ, yɛ kwəlee hvɛɛ, yɛ ɲee pɛlɛ na.

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Azaya 37:22

Mɛ̨nįi Yai-Laa kaa moi, yɛ hvilɛn Senakeribə ɓa ya ka: «Siɔn nɛ̨ɛ̨gbɛla aa tɛɠɛɓo ə́ hu, yɛ yɛlɛ yɛ́, Siɔn nɛ̨ɛ̨gbɛla, mąąɲąŋąą, Ɉerusalɛmə nɛ̨ɛ̨gbɛla, kaa gɔn gbɛlaan ɉi a yɛ́, ə́ pulu pələ.

Mąątɛ̨nɛ̨ 22:7

Kɛlaa nwɛ́i, kpə́ə́liɲɛ̨nɛ̨ɛ̨n ɓaa a ɲą́ą́, nu hvaa a ɲą́ą́, nuą diɛ di laa pu ɉú, nu kəlee diɛ vííɓo.

Markə 15:29

Nuą kɛi tɛɛ naa kwɛlɛ, da di ɲɛ̨i hee Jesus ɓa diɛ di nwun gbɛŋɛ̨n, diɛ nalan, diɛ di laa kpan ɲąli la, diɛ kɛ mą: yɛi ŋɛ̨i kɛ diɛ: «Ya Yálá hee pɛlɛ́ pu, ə́ dɔɔ hvóló haaɓa yee mu,

Maafîu 27:39

Nuą tii kɛi tɛɛ bələi, da di ɲɛ̨i hee Jesus ɓa, diɛ di nwun gbɛŋɛ̨n diɛ nalan diɛ kɛ mą:

Nahumə 3:19

Gɔi a kala yɛ́, ɉali hvo mą, balaɠaai di kaa yɛ́, di hva pɛli kpɛɛi, nui lɔpee a ə́ mɛ̨i woo mɛ̨n, a ɲee lɔwa mɔ̨nɔ̨i tii naa ə́ mɛ̨i mąą mɛ̨nį ɓa, gwa gaa kpɔ tii, gbɛɛ kpɔ ɓə hvó mɛ̨nį ɲąąnwąnąą laa mą?

Mise 6:16

Omri nwɔ tɔ́nŋaai ɓə ə́ yee kaa mą, da Akabə yəi bɛlɛ́n ɲii pələɠaa kəlee, bələi da ka tí la, bələ ɓə ka hiɛ la, yili mąą mɛ̨nį ɓa, gáá pai ɲɔw pilii nɔi hu, yɛ nɔi hu nuą mąą kpɛlin, gɛ́ di kɛ a yɛlɛ kulɔ ɉu hɛn, nwɔ́ nu huwuɠaai wɛli aa kpɛɛ mą́ą́ kpɔ tɛ́-tɛ́.»

Woolaa 2:16

Ə́ yowoɠaa kəlee da di laa taɠa yɛ́ ə́ ɓɛlɛ too mɛ̨ni ɓa; diɛ kwəlee hvɛɛ, diɛ di laa kpán ɲali a yɛ́, diɛ kɛ mą: «Kwaa ɉu kala, volói ku kɛi mąąkpɔn ya ka aa ɉəli. Kwáá kələi gaa!»

Woolaa 2:6

Aa nɔw yɛa da gələ di kala, ɓɛi kwa ku kee kaa laa bɛlɛ́ mąąhəɠɛɛ mu, aa nąą wolo. Yai-Laa aa hɛli mɛ̨ni da túwɔ́ yələ mąą mɛ̨ni pili ɉu Siɔn, nwɔ liiholi hu kɛnɛ̨ pələ, aa dɔɔɓɛlaa da ɉaláá laa həli nuą ɓɛlɛ too.

Woolaa 1:8

Ɉerusalɛmə aa nɛ̨ŋɛ̨n ɉəɠə a gɛnɛ̨, ya ka nąą aa lɛɛ a túlún ɉu. Nuą kɛi mąąwiɛ, mɛlɛ aa kpɛɛ di kwəi, mąąhɔlɔɓo, daa gbuwulu kaa. Nwɛi, gaa mɔ̨nɔ̨ mįi. Aa bulu tinɛ̨n.

Ɉeremi 51:37

Babilonə kaa pai lɛɛi a kwɛni hįį, a yalaɠaa pɛlɛi, a lɔi pun, yii nu a gaa, hvo kɛli a kɛ: «Éé kə́!» Ŋą́ ɉu nuą kulɔ laa.

Ɉeremi 29:18

Ŋą́ hvilɛn di pulu a ɓɔwa kwɛaa da pulu, da nu paa ɲɔ̨n; yɛnɛ̨ɛ̨ lɔiɠaa kəlee diɛ ɲɔw di mąą mɛ̨nį hu. Diɛ kɛ a nɛ̨ŋɛ̨n naa hɛn, a lɔi pun, nu a gaa, hvo kɛli a tomą. Nɔiɠaa kpɔ gáá pai di taɠa taɠai ɉu, da lalan ɉuwui lɔpee gəlee pili a diɛ.

Ɉeremi 25:18

Ɉerusalɛmə taa, da Ɉuda taaɠaa, da nwɔ tɔɔɓɛlaa, da di wɔɔ kalanɉonŋaa; yɛ di kɛ a lɔi pun, a taa kpoloon. Nu ta a gaa hvo kɛli a tomą, yɛ nɛ̨ŋɛ̨n naa. Bələ kpɔlɔɔ ɓə gaa la yiihu.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Kɔlɔnikɔ Veerɛi 7:21

Bɛlɛ mąąwia kɛnɛ̨i ŋɛ̨i, nui lɔpee pai kɛi tɛɛi gwɛlɛ, gwəi a pili mą, yɛ kɛ diɛ: ‹Lə ɓə kɛ yai, Yai-Laa ə mɛ̨nįi ŋɛ̨i laa nɔi ŋɛ̨i ɓa da bɛlɛ́i ŋɛ̨i?›

Tɔɔɓɛlaa veelɛ 19:21

Nwooi Yai-Laa ə mo yɛ hvilɛn na mą, ya ka: «Siɔn nɛ̨ɛ̨gbɛla kaa yɛlɛ kulɔi ə́ hu, yɛ ə́ hviiɓo Ɉerusalɛmə nɛ̨ɛ̨gbɛla ɲɛ̨i heɛi ə́ kpowola, yɛ nwun gbɛŋɛn.

Mąątɛ̨nɛ̨ 64:8

Kɛlaa, Yálá aa kilɛn bili diɛ, daa mɛ̨ikɔwɠaa kaa lɔ kɛa di tɛɠii, di kpɔwɔ mɛ̨nįi lɔ di gɛ, yaa lɔ li.

Mąątɛ̨nɛ̨ 109:25

Di ɲɛ̨i ɓa, gáá a hɛn mąąnɛ̨ɛ̨ di bili, da gáá, diɛ di nwun gbɛŋɛ̨n.

Azaya 28:21

A tɛ̨ą, Yai-Laa kaa pai muhəɠəi a líiɲąnwąną, yɛ bələi ə gɛ la Perasimə yee ɓa, gaa pai vaŋą həɠəi, yɛ bələi ə gɛ la Gabaɔn yɛɛkɔ́wɔi, ɲɔ̨nwɔ̨ yee ə tɛɛ yili ɓa, lə kwəi pilimąą ɓəi! Nwɛ̨ą mɛ̨nį ka.

Ɉeremi 48:27

Kɛlɛi ə́ kɛi lɔ yɛlɛ tii Israɛlə ɓa, gaa ɓə mɔ̨ɔ̨ ə́ mo nwuɔ̨ nuą lɔwai, yaai naa ɓo pələ tɛi tɛi kəlee hvo kɛli yá ə́ nwun gbɛŋɛn?

Woolaa 1:21

Diɛ nwɔ́lɔ́ woo mɛ̨n, nu ta hvo mą hvo náá pilɛ. Ɲówoɠaa di kɛi nwɔ́ mɔ̨nɔ̨i bələ mɛ̨n, mɛ̨nii ə́ naa mą́ą́ diɛ mąą kwəinɛ̨ɛ̨ kulɔ. Volói ə́ vaa ɓo, ə pa kɛa wɛ! Ə gɛ, di pɛli kɛi yɛ ɲą́ą́!

Izikiɛ 16:14

Ə́ lɛlɛ pələ, bələ ə taɠa kɛa lɔiɠaa hu; hvo gaai ə́ mąą kulɔi hvo kɛa kɛ yɛ́, mąąwiɛi tii ŋį́ gɛ yɛ́ mąą mɛ̨nį ɓa. Yai-Laa gu wɔ Yálái woo li.»

Mąątɛ̨nɛ̨ 48:3

Ɲee lɛlɛɛi, ɲee muhəɠɛɛ kpɔ ɓəɠə-ɓəɠə, lɔi kəlee nwɔ kwəinɛ̨ɛ̨ li. Yɛnɛ̨ɛ̨ wəlingɛ̨ą ɓaa a Siɔn yee! Heeɓomun gɛnɛ̨ɛ̨ yəi gwəlii.

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Izikiɛ 5:15

Ə́ kaa pai kɛi a hɛn a nwumɛ̨ tɛ nɔiɠaai kpɔ ə́ kwɛlɛ gəlee diɛ; diɛ yɛlɛ yɛ́ diɛ mɛ̨nįɠaa kɔ́ɔn yɛ́. Ə́ ɓo a kwəi pilimąą hɛn di ɲɛ̨i ɓa; ɓɛlɔwai gáá pai ə́ kiti teei laa a líiholi, a liiɲąnwąną, gɛ́ hąŋąn yɛ́ a nwala wala. Ɲą́ą́ Yai-Laa, ɲą́ą́ ɓə mo.

Izikiɛ 16:13

Ə́ mąą yili hɛnŋąąi tii di kɛ a hɛni da wali; ə́ mąąyili həɠəɠaa di ɓo a həɠə ɓɛla huwu lɛlɛɛɠaa, gwəlɛɛ pə-pə, a həɠə ɓɛla hɔ̨nwɔ̨ kpɛa kpɛa, di mąą puɔ. Kɔ̨nɔ̨n ɉu yɛɠɛɛ ɓə ə́ kɛi mįi, da kwɛ́in nwulɔ, da wulɔ; ə́ lɛlɛ kpɔ kɛa a gɔn bulu pələ. Ə́ həli tɔɔlaa ɓa.

Izikiɛ 23:32

Mąąhɔlɔɓo, Yai-Laa woo ka, yɛ: Ə́ liɛ nɛ̨ɛ̨nu ŋą gbąmąi, yá ɉu ya gbələ: Yai a ɉugbunŋąą hu kɛnɛ̨. Gaa pai kɛi a yɛ́lɛ́ kulɔ ɉu hɛn, diɛ di woo həɠə mą; ɉu kɛnɛ̨ pələ ɓa.

Danîa 9:16

Ną́mu Yálá, pənə ə́ ə́ wɔ mɛ̨inɛ̨ɛ̨ hu nwun, ə́ ə́ wɔ líiɲąnwąną ɲɛ̨i həɠə Ɉerusalɛmə taa ɓa, yii gaa a ə́ wɔ taalee da ɲee ŋɛ̨i ya kɛi kulɔi maə́ wɔ nu huwui ɓa pɔ̨nɔ̨ŋa. Kuwɔ túwɔ́ pələ ɲɔ̨n mąą mɛ̨nį ɓa, da ku kalaɓɔlɔni kɛ nɛ̨ŋɛ̨nŋaa mąą mɛ̨nį ɓa, ku kwɛlɛ lɔiɠaa kəlee da Ɉerusalɛmə taa lalan da ə́ wɔ nu huwuɠaai.