Woolaa 1:14 - Yálá laawoo hɛɓɛ (dc)

¹⁴ Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Yálá laawoo hɛɓɛ

¹⁴ Aa nwɔ́ túwɔ́ pələ ɲɔ̨n gəlee kili lɛɛ ŋą, aa gəlee laa ɲee kpala. Aa kwɛli pili ɉúnwɛ̨i, aa hvaŋą kpɛɛ ɲə́i, aa dɛ́ɛ́ ɲówóɠaa pɔ. Vá pɛli mą́ą́kɔ̨nwɔ̨i.

Bible

¹⁴ “A ŋásɔnyɔ̂ŋ kélee kpɛtɛ yɛ̂ɛ yɔlɛ a gbíniŋ a ŋ́gɔŋ. Ǹyɔlɛi ŋí ŋɔwuyɛ a kɔlɔ kpɛɛ̂i ḿâ. Ǹuu-namui a ńdɛɛ diai pɔ́ díyee tɛɛ̂i ḿâi.

Woolaa 1:14 Referans Kwoze

Azaya 47:6

Nííhvoliɛi kɛ nwɔ́ nu huwui pɔ, ŋą́ą́ kɛ nwɔ́ lɔi ɓɛlɛkpɛɛmą, gɛ́ nwɔ́ nuąi too ə́ yəi ɲą, Kɛlaa, hvo di ɲɛ̨imąąwɛli tai lɔpee kaa li, yáá wiɛ hulɔgoloɠaa mɛ̨i, yáá dɛɛ ɲɛ̨n ɉu.

Dutɛrɔnome 28:48

ka lɛɛ ka yowoɠaa yee mu a di wɔ luwɔɠaa, diɛi Yai-Laa ka wɔ Yálái a di ŋąątɔɔ kaa. Pulu da kpələ wɛli diɛ ka kɛlɛ, ka lɛɛ a ka kpuwulu, ka hvɛɠɛɛ a hɛn gəlee. Yai-Laa a nwun ma wulu laa ka kɔ́n bulu, yɛ ɓo a kwɛli, ə lɛɛ ɉu ka huwu ə pu.

Izikiɛ 25:7

Yili mąą mɛ̨nį ɓa, gáá pai hee ə́ mɛ̨i, gáá pai ə́ tɛɛi lɔiɠaa pɔ, diɛ too ə́ hu, gɛ́ ə́ kulɔ lɔiɠaa lɔwai; gáá pai ə́ hukalai, yɛ bələi da lɔi hukala la, gɛ́ ə́ lɛɛ a kpɛli. Bələ ɓə yá gili kɔ́lɔn na, yɛ́ kɛ, ɲą́ą́ ɓə gáá a Yai-Laa.

Izikiɛ 25:4

Yili mąą mɛ̨nį ɓa, gáá ə́ tɛɛi hvóló kulɔi pələ nuą pɔ a di wɔɔ. Di kaa pai di wɔ taaɠaai tɔɔi ə́ pɔɔli, diɛ di heei bɛli laa, diɛ ɓə pai ə́ wɔ wulu ɓaɠaai mįi. Di ə́ wɔ taatɛlɛɛɠaai ɲįnįyá kpələ.

Ɉeremi 28:14

Ɉeremi yɛ mą: «Hvó gaai, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: ‹Kwɛli kpɔ̨nɔ̨ ɓə gáá lɔi kəlee tooi ŋą, diɛ lɛɛ Babilonə tɔɔmun Nabukodonosorə ye mu, di kaa pai tí mą, ə mą kɛ, lɔwɔ huwɔɠaa ɓə, gáá di lɛɛi ɲee kɔ́nma.›»

Hanwon 5:22

Nwąnąlɔ mun a kɔ a gbɔwɔ kpinįi nwɔ nwąnąlɔɔ ɓaalə. A too gbɔɔ-kpɔɔ nɛ̨ŋɛ̨n diŋɛ̨n ɉu.

Osia 5:14

Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.

Izikiɛ 23:28

Mąąhɔlɔɓo mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Gáá pai ə́ tooi nuąi ti di wɛli kpɛɛ yɛ́ di yəi ɲą; a diɛ ti ə́ yowolaa kulɔi a diɛ yɛ bələi ə́ kaa la bɔi.

Izikiɛ 21:31

Yai-Laa, Yálá woo ka: Di kaa pai mɔlɔ kulɔi, di dɔɔɓɔlɔ kulɔ di nwuɔ̨; mɛ̨nįɠaa kɛ pələ hvo kɛa pai kɛi yɛ bələi ə kɛi kɛ la; yii kɛ mąą yɛɛ, di dɛ; yii mąą tɛɛ, di mąą yɛɛ.

Izikiɛ 11:9

Gáá pai ka kpɛi daa kwəi, ŋą́ ka tɛɛ nwɛ̨ąą pɔ, mɛ̨nįi ŋą́ mo, gáá pai bɔ mɛ̨nį kɛi.

Ɉeremi 37:17

Yili pulu, tɔɔmun Sedesiasə ə nu ta tɔɔ, diɛ li dəli; tɔɔmun ə mąąnin kɛ loo pələi, ɲəi bɛlɛ́n, yɛ mą: «Yai-Laa nwɔ wɛlɛɛ kaa ə́ la?» Ɉeremi yɛ mą: «Ee! Di kaa pai ə́ tɛɛi Babilonə tɔɔmun pɔ.»

Ɉeremi 32:5

Babilonə tɔɔmun gaa pai lii a Sedesiasə Babilonə, nąą ɓə gaa pai lɛɛi laa, əlɛɛɉu, ŋą́ mąą mɛ̨nį ɲɛ̨i kulɔ. Ɲą́ą́ Yai-Laa nwóó li! Ka mąn pa kɛ ka káá tɔɔi Kalde nuą la, ka yee hvo pai lɔi.›»

Ɉeremi 27:12

Ɉuda tɔɔmun Sedesiasə nwɛi, mɛ̨nįi gáá moi mą, ya ka: «Ka ka nwun nɔ Babilonə tɔɔmun nwɔ tiŋɛi mu, ka tí mą, yaa da nwɔ lɔi əgɛ ka lɛɛ yɛnɛ̨ɛ̨.

Ɉeremi 27:8

«Yai-Laa woo ka: Akɛ lɔi ta a wala kɛ tii tɔɔlaa ta, a lənə nɛɛ mɛ̨nį ɓa Babilonə tɔɔmun Nabukodonosorə yeemu, a wala nwun nɔ Babilonə tɔɔmun nwɔ tiŋɛi mu, ŋą́ múhəɠə mąą lɔi laa ɓa, a ɓɔwa kwɛa da pulu, ə mą kɛ, ɲɔ̨n, ə lɛɛ ɉu, ŋą́ di huwu pu a ɲee.

Ɉeremi 25:9

gáá nuą tɔɔi, di ɲələi pələ lɔiɠaa kəlee ɲąąkpɔn nwɔ́ tí mun Babilonə tɔɔmun Nabukodonosorə yee mu. Ɲą́ą́ Yai-Laa nwóó li! Gáá nuą tɔɔi di pa di wolo nɔi ŋɛ̨i ɓa, da ɉu hee ɓo nuą kəlee, bɛlɛɛ gwɛlɛ lɔiɠaa kəlee diɛ. Gáá di kɛlɛi di paa pələ pɔ. Gáá nɔi mąąpənəi a lɔi pun a yələ kəlee, a mąą ɲɔw lɔi, a lɔi kpoloon.

Azaya 14:25

Gáá pai Asiri huyalii nwɔ́ lɔi hu, gáá pai gii gii ɉii nwɔ́ yeeɠaai nwuɔ̨, nuąi kɛ ɉeɛ di mɛ̨i, da ɉəɠə mąą nuą mɛ̨i, nuąi nwɔ tiɛ̨i ə kɛ di nwuɔ̨, diɲɛ̨i tii a həɠə di nwuɔ̨.»

Ɉeremi 28:13

«Lí, yɛ Hanania ɓa: Yai-Laa woo ka, yɛ diɛ: ‹Wulu kpɔ̨nɔ̨ ka tii ə́ ɉu yali, ə́ kaa pai kwɛli kpɔ̨nɔ̨ kɛi a mąąhvalin.›»

Ɉeremi 32:3

Ɉuda tɔɔmun Sedesiasə ɓə nɔ laa. Yɛ kɛ Ɉeremi ɓa: «Lə mɛ̨nį ɓa, ə́ kaa kɛi diɛ: ‹Yai-Laa lawoo ka ŋɛ̨i gáá moi kaa, yɛ diɛ: Ɲą́ą́ Yai-Laa, gáá pai daa ŋɛ̨i lɛɛi Babilonə tɔɔmun ɲee kɔ́nma; Babilonə tɔɔmun kaa pai ɉon ɉii a kɔ́.

Mise 2:3

Yili mąą mɛ̨nį ɓa, Yai-Laa yɛ diɛ: «Gáá mɛ̨nį ɲąąnwąnąą ta kili ɓoi, gɛ́ naa nu huwu taaləi tii ɓa, ka hva pɛli ka nwun gulɔi ɉu, ka hva pɛli hiɛi a ka ɲɛ̨i pilɛɛ yələi, mąąhɔlɔɓo, a kɛ a hvóló ɲɔ̨nwɔ̨ɔ̨.»