Woolaa 1:13 - Yálá laawoo hɛɓɛ (dc)

¹³ Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Yálá laawoo hɛɓɛ

¹³ Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Bible

¹³ “A ŋɔŋ kúla ŋ̀elei su a bú ḿâ. Ŋ̀ɔŋ ŋí a ŋ́gerenîi ŋ́gbonôi-pere. A ƃáre tɛ́ ḿberêi, a ńzoŋ a ḿbîlaŋ. A gɛ́ ŋa lɛɛ ńyãa tɔnɔ, ŋ́gɛ foa a ɣele kélee.

Woolaa 1:13 Referans Kwoze

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Zôo 30:30

Gɔ́lɔ kaa tɛɠii mą́ą́, yɛ tee mą́ą́ yɛ too, gɔ́wɠaa diɛ kpala ɉú, diɛ kələn.

Izikiɛ 17:20

Gáá nwɔ́ hɛlɛn ɉeei dɔwɔ; gaa pai kɔ́i la. Gɛ́ li la Babilonə, gɛ́ giti tee laa, nwooi ti ə gwɛlɛ mą́ą́, yɛ nɛɛ laa, mąą mɛ̨nį ɓa.

Mąątɛ̨nɛ̨ 22:14

Di kaa di laa taɠai mą́ą́, nu huɓɛla yalaɠai tii, di kaa hvuluun ɉi.

Zôo 19:6

Ka gɔlɔn kaa diɛ Yálá ɓə aa nwɔ́ tɛ̨ą mɛ̨nį kpəlaan, aa nwɔ tumɔ kpəlaan a ɲą́ą́.

Hebreu 12:29

Gbala ə tɔɔ, gu wɔɔ Yálái kaa a nwɔ̨n a kɛɛ kələn.

Nahumə 1:6

Gbɛɛ ɓə a pɛli tɔɔi nwɔ liiholii ɲɛ̨i tɔwɔ? Nwɔ liiholii a mu həɠə, gbɛɛ ɓə a pɛli tɔɔi? Nwɔ liiholii hu a kɛnɛ̨ yɛ nwɔ̨n a too lɔwɔi, ə mą kɛ kwɛni kpɛa kpɛa ɓə, da kɛ ɓɛlai ɲɛ̨i tɔwɔ.

Izikiɛ 12:13

Gáá pai hɛlɛn dɛi dɔwɔ, gaa pai kɔ́i a nwɔ́ hɛlɛn; gáá pai lííla Babilonə, Kalde lɔi hu. Gaa pai haai nɔi tii hu, ɛlɛɛ yaan hva kɛa pənə hvo ɲɛ̨i tɔɔi mą.

Mąątɛ̨nɛ̨ 66:11

Yáá gɛ kwaa kɔ́ a ɓaalə, yáá ku yee tɛɛmąą tiɛ̨ laa ku nwuɔ̨.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Osia 7:12

Da lɛɛ gilɛ həɠəi, ŋą́ą́ nwɔ́ tumɔ̨i pili di mɛ̨i, gɛ́ di pu nɔi ɓa, yɛ yələi nwɛ̨niɠaa, bələi di bələ mɛ̨n na, bələ ɓə ŋį́ di hutɔɔ la.

Izikiɛ 32:3

«Mɛ̨ni kəlee ŋą Hééɓomun Yálá woo ka: Gáá pai nwɔ́ diɲɛ̨n bui ə́ mɛ̨i, nɔiɠaa di wɔ ɲąąkpɔn gɛnɛ̨ɛi hu; diɛ ə́ yala gbonwon ɲa nwɔ́ tumɔi hu.

Woolaa 5:17

Yili mąą mɛ̨ni ɓə kwaa kɛ la a ɲɔ̨n gɛ nuą, yili ɓə ku ɲɛ̨i kpįnįi kuɔ.

Woolaa 1:22

Gɛ́ di kɛ mɛ̨niɠaa kəlee, di too pɔ̨nɔ̨ŋa ə́ ɲɛ̨i, ə́ ə́ kɛ mɛ̨ni kɛ ɉu, yɛ bələi kpɔlɔɔ ə́ ɉɔn na nwɔ́ túwɔ́ pələ ɲɔ̨nŋaa mąą mɛ̨ni ɓa. Mąąhɔlɔɓo ɲíŋɛ̨ woo kɔ́lɔ hvo haai mą, ɛlɛɛ, níí yɛ ɲɔ̨n gɛ.

Ɉeremi 44:6

Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Mąątɛ̨nɛ̨ 129:5

Nwumɛ̨ ə gəlee ɲɛ̨i paa! Nuąi kpɔ da wɛlikpɛɛmąąlaa kulɔ a Siɔn, di li a di pulu pələ.

Mąątɛ̨nɛ̨ 35:4

Nuąi di hvilɛnŋąąi nwɔ́ yɛnɛ̨ɛ̨ pulu, nwumɛ̨ ə di ɲɛ̨i paa, di ɓɛlɛ ə too! Nuąi di kiliŋąhiɛi mą́ą́ a ɲɔ̨nwɔ̨ɔ̨, ɓáá ə kulɔ diɛ! Di li di pulu pələ a nwumɛ̨.

Mąątɛ̨nɛ̨ 31:10

'Mą́ą́wɛli kaa Yai-Laa, mɔ̨nɔ̨ aa lɔ bɔ́, liikələn gwəi aa ɲɛ̨́i kɔ́w kpɔlu, gwą́ną aa kpala, níi mɛ̨i aa kələn.

Zôo 18:8

Mąąhɔlɔɓo, ɉiɛ pələ kaa pai dooi kili hɛlɛn ŋą, yɛ bili tumɔ̨ hu.

Dutɛrɔnome 28:65

Ɛlɛɛ, ka hvo pai ka kpɔɔ hɔlɔɓoi nu huwuɠaa tii pɔɔli, ɓɛi kpɔ ka ka kɔ́wɔ hvilɛn naa, ka hvo pai nąą kaai. Yai-Laa kaa pai liihɛlɛn ɉeei kaa, yɛ ka ɲɛ̨i koloon kaa ka yee kpiɛ ɲin a mɔ̨nɔ̨ yii ka kili hvo kɛ mą.

Mąątɛ̨nɛ̨ 38:8

Ɉú hvulaai yɛ nwɔ̨n a kɛ ɉɛ̨́ą, ɉúwɔ hu kəlee ɲąąnwąnąąi.

Mąątɛ̨nɛ̨ 140:5

Yai-Laa, gúlɔ nwąnąlɔmun ɲəi, mą́ą́kɔ̨nwɔ̨ wɛamun ɲəi a diɛi tii dóó mɛ̨nį mąą kiliŋąhiɛ lɔ ɓə diɛ.

Lɛɛ gbɔwɔ ɓa 12:9

Ɉuwɔ nąą ta hvo lɛɛ a nwunu kaa mįi, ka hvo nwɔ̨nɔ̨ da yili. Kɛlaa, ka nąą kəlee mɔ̨n: Nwun galən gɔwɔ kwąną da gwəi hɛnŋąą kəlee, ka mɔ̨n.

Woolaa 3:11

Aa ɲɛ̨nɛ̨ɛ̨ kɛ laa wala ɲə́i aa gbɛ́lɛɠɛlɛn hvaa hvo kpɛli kulɔ li ná.