Wɛli 8:6 - Yálá laawoo hɛɓɛ (dc)

⁶ Náá ə́ lii mɛ̨i, náá ə́ kɔ̨nwɔ̨n ɉu. Gbalai tɔɔ, wɛlikɛmąą walawalaai haa ɓa; nwala walaai yɛ haaɓɛlaa taa. Wɛlikɛmąą a kɛɛ kələn yɛ nwɔ̨n, bɔɔ ə ɓo yɛ Yai-Laa nwɔ nwɔ̨n.

Yálá laawoo hɛɓɛ

⁶ Náá ə́ lii mɛ̨i, náá ə́ kɔ̨nwɔ̨n ɉu. Gbalai tɔɔ, wɛlikɛmąą walawalaai haa ɓa; nwala walaai yɛ haaɓɛlaa taa. Wɛlikɛmąą a kɛɛ kələn yɛ nwɔ̨n, bɔɔ ə ɓo yɛ Yai-Laa nwɔ nwɔ̨n.

Bible

⁶ Tɔɔ ŋá wɛli kɛ́-maa lîi é kɛ́ ílii su, gɛ́ ƃò íyee ma a ŋɛi kɛ́-maa sɛ̂ŋ ḿaa mɛ̂ni ma. Wɛli kɛ́-maa wála-wâlai yɛ̂ɛ saa, dóloɔɔ yɛ̂ɛ ƃolôŋ. A sôŋ, gɛ́ núu kèreŋ yɛ̂ɛ ŋɔŋ.

Wɛli 8:6 Referans Kwoze

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

Azaya 49:16

Ŋą́ą́ ə́ kanąn ɲeelii hu, ə́ mąą kpɛ hį́iɠaa di ɓo ɲɛ̨́i mu a yələ kəlee.

Egaa 2:23

Yai-Laa Mɛ̨nį Kəlee ŋą Hééɓomun yɛ diɛ: Voló tii hu, gáá pai tiɓo ta tɛɛ ə pɔ, Zorobabɛlə, Saltiɛlə lon ɉulɔnu, yɛ́i ə́ kaa a nwɔ́ tímun. Ə́ kaa pai kɛi a ə́ hviɛlaɓoɔ ɲɛ̨́i ɓa, mąąhɔlɔɓo, ɲą́ą́ ɓə ə́ həɠə ɉu. Yai-Laa Mɛ̨nį Kəlee ŋą Hééɓomun woo li.»

Wɛli 5:8

Ə həli kaa Ɉerusalɛmə nɛ̨ɛ̨lɛa! Nwą́nąi ka ŋɛ̨i gaa moi kaa-o; Ka li ka nwɔ́ wɛlii kaa, ka kɛ mą lə? Ka kɛ mą: Wɛlikɛmąą ka ŋɛ̨i aa ɲɔ̨n bɛlɛ mą́ą́. Ka gaa ka mo tii mą.

Ɉeremi 22:24

Yii kpɔ gáá a vúlú, Yai-Laa woo li; «Ə mą kɛ Yoyakimə lon Koniahu Ɉuda tɔɔmun gaa ɲéé ɓa, gɛ́ gɔ́lɔ́n bɔɔ lɛɛ la gɛ́ mɛ̨nįɠaa kəlee hu, gáá pai gulɔi ɲéé ɓa.

Hanwon 6:34

Mąąhɔlɔɓo, nɛ̨ą nąmu nwɔ tolo a nii kələn gwəi, akɛ gaa nwɔ kwələ kulɔi, hva nu ɲɛ̨imąąwɛli kaa.

Mąątɛ̨nɛ̨ 84:2

Yai-Laa Mɛ̨nį Kəlee ŋą Hééɓomun, ə́ wɔ pɛlɛ́ɠaai wɛli kaa nuą diɛ kɛnɛ̨!

Dutɛrɔnome 32:21

Daa nwɔ́ toloi muhəɠə a di hvilɛn mɛ̨nį hali hvikpɛɛɠaa pulu. Ɲą́ą́n gbɛli mąn, gaa di wɔ tolo muhəɠəi a hį́i yiiɠaai di hvo a hɛn da. Ŋą́ di liikələn di kwəi a hį́i yii hvo mɛ̨nį kɔ́lɔn.

Lonon mo 5:14

toló kili a lɔ ɉilɛ kwəi, gili yɛ hvilɛn na nɛ̨ą ɓa, ɛlɛɛ yaan nɛ̨ą aa gbɔwɔ mąąliɓi kpɔ tii a neelee, a wala kɛ tii ə ɓo lɔ a toló yɛ hvilɛn nɛ̨ą ɓa, ɛlɛɛ yaan hvo gbɔwɔ mąąliɓi li,

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Mąątɛ̨nɛ̨ 120:4

Tonwą ɓə moɔ, a yai daa dí a kwɛlan-gbɔmɔ̨?

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

Korɛntə veelɛ 11:2

Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;

Lomaŋ 12:20

Yɛ nwɔ̨nɔ̨ diɛ: «Pulu a kɛ ə́ yowo ɓa, gɔ́ a kɔ̨nɔ̨n, kpələ wɛli a kɛ mą, yá tɛɛ bɔ. Mąąhɔlɔɓo, yá kɛli gɛ ti, ə́ kɛɛ nwɔ̨n dəŋą pui ə́ yowo nwuɔ̨ li.»

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Zakari 3:9

Gwɛnii gáá dɛɛi Ɉosue pɔ, ka gaa, ɲɛ̨ikɔw mɛ̨ihveelɛ ɓə gwɛni tɔ̨nɔ̨i tii ɓa, ɲą́ą́ gbínii gáá pai mąą pɛ̨ɛ̨i, Yai-Laa Mɛ̨nį Kəlee ŋą Hééɓomun woo li; ɛlɛɛ, gáá pai nɔi nwɔ nɛ̨ŋɛ̨n gulɔi mą a hvoló tɔ̨nɔ̨.

Hanwon 25:22

Yá gɛ tii, a kɛ tii ə́ kaa nwɔ̨n dəŋą pui nwuɔ̨. Yai-Laa a ə́ hvɛla kulɔ.

Lonon mo 25:11

«Ɉaláá laa həli mun Aarɔn lon Eleazarə nwɔ lon Pinasə, aa nwɔ́ liiholii həɠə Israɛlə lonnii mɛ̨i, aa mą́ą́ tolo kulɔ. Yili ɓa nwɔ́ liiholii ɲąą aa yɛɛ, və́ kɛa pai Israɛlə lonnii paai, və́ di kpɛɛ yɛnɛ̨ɛ̨.

Lɛɛ gbɔwɔ ɓa 28:21

Gwɛniɠaai tii tɛitɛi kəlee kaa pai kɛi a Israɛlə lonnii pow kɔ́w hveelɛi laa, gəlee kaa pai kɛi a kɔ́lɔn ɉɛn, a Israɛlə lonnii pow kɔ́w hveelɛi laa.

Mąątɛ̨nɛ̨ 63:1

Davidə nwɔ wələ. Ɓɛlɔwai ə kɛ la Ɉuda lɔi pun ɉu.

Kɔlɔnikɔ Maa-ŋuŋ 11:18

Gɔkuláá haaɓai tii nɛɛ mą, di pili Filisti nuą di wɔ kɔ́ ɓuwui la, də li, ɲálɔwai ŋɛ̨i kɛ Bɛtleɛmə daa kpala, di da haɠa di paa la Davidə pɔ. Kɛlaa, hvo gɛ hvo da kpələ, ə bu nɔi ɓa, ə gulɔ Yai-Laa ɓa a haláá.