Bib sou entènèt

Wɛli 8:1 - Yálá laawoo hɛɓɛ (dc)

¹ Ee! Ŋą́ kɛ kpɔ bɔ ə́ kɛ a mą́ą́hulɔnu, a mą́ą́hulɔnui kwa yaa ku ɲįnį tɔ̨nɔ̨ kpələ! Gwa yɛ́ gwa kwiɛn gɛ, ŋą́ ə́ nɛ̨nɛ̨ɓo kɛ, nui lɔpee ta hva kɛ náá ɲɔ̨n mo.

Gade chapit la Kopi

Yálá laawoo hɛɓɛ

¹ Ee! Ŋą́ kɛ kpɔ bɔ ə́ kɛ a mą́ą́hulɔnu, a mą́ą́hulɔnui kwa yaa ku ɲįnį tɔ̨nɔ̨ kpələ! Gwa yɛ́ gwa kwiɛn gɛ, ŋą́ ə́ nɛ̨nɛ̨ɓo kɛ, nui lɔpee ta hva kɛ náá ɲɔ̨n mo.

Gade chapit la Kopi

Bible

¹ Îi kɛ̀ yɛ̂ɛ ŋálee-kaa saaƃɔlɔ kpîŋ, ƃɛ́i kélee kwa yá kûi kòyaŋ naai, ŋâi kpùlɔŋ yâ, ŋá ńa-gbɔ sèe yâ, ǹyaŋ núu da fêi mò ḿâ a gɛɛ ŋa mɛni nyɔ́mɔɔ kɛ́.

Gade chapit la Kopi

tounen moute ⬆

Wɛli 8:1
40 Referans Kwoze

Galatə 4:26

Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lukə 2:38

Volói ŋɛ̨i di kɛi Jesus laa həli la Yálá ɓa, Anə ə pa Yálá hee pɛlɛ́ mu a volói tii, ə lɛɠɛ di kwɛlɛ, yɛ Yálá hɛɠɛɛɓo nokoloi tii mąą mɛ̨nį ɓa. Ɛlɛɛ, nuą kpɔ kɛi Ɉerusalɛmə taa nwun mąąɓomun mąą kpɔn, Anə hvaŋą lɔɔi lɔ kɛ yɛ nokoloi tii mąą mɛ̨nį hukulɔ diɛ.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Filipə 3:3

Guɔ ɓə gu kaa a gɛ́nɛ̨-lonni leeleeɠaa, mąąhɔlɔɓo, gwa tí Yálá ɓa, Yálá nwɔ Kilii háálai, a guɔi gu wɔ kwəinɛ̨ɛ̨ kaa Jesus Kristə hu, gu kili hvo tɔɔ li gu kpɔwɔ ɓa.

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.

Korɛntə dɔlɔɔ 1:28

Hɛn yɛnɛ̨ɛ̨ dɔlɔ hvo mą, diɛ viiɓo, yii mąn hvo yɛnɛ̨ɛ̨, ya ɓə Yálá ə ɉəɠə, yɛ ɉɛn yɛnɛ̨ɛ̨, vaŋą hukala a diɛ.

Ɉaan 16:28

Ŋą́ həɠə Ną́n bɔ gɛ́ pa yɛnɛ̨ɛ̨, ya ka tii nwɔ̨nɔ̨ gáá həɠəi yɛnɛ̨ɛ̨ gɛ́ li Ną́n bɔ.»

Ɉaan 13:3

Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Ɉaan 3:13

Mąąhɔlɔɓo, nu ta hvo ta tɛ li yələi, hvo kɛ li lɔ Nu Lon yii həɠə yələkɔlɔn ɉu.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Lukə 18:9

Nu taɠaa di kɛ laa, diɛ di nwun dɛ, diɛ di kpɔɔ kaa a tələnmo nuą, diɛ nu takpɛliɠaa hviiɓo, Jesus ə ɉanwon ŋɛ̨i hɔɔ, di mąą mɛ̨nį ɓa.

Lukə 12:8

«A tɛ̨ą kpɔ-kpɔ gáá moi kaa, nui lɔpee a gbɔwɔ lɛ nuą ɲɛ̨i ɓa a nwɔ́ɔ́, Nu Lon yaa kpɛli, a gbɔwɔ lɛ a nui tii nwɔɔ Yálá nwɔ malakaɠaa ɲɛ̨i ɓa.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 9:26

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

Wɛli 1:2

Nɛ̨́nɛ̨́ɓo, Nɛ̨́nɛ̨́ɓo kani, ə́ nį́í lɔ ɉu! Ə́ wɔ wɛlikɛmąą aa ɉón ə tɛɛ lɔɔ ɓa.

Mąątɛ̨nɛ̨ 51:17

Ną́mu Yálá, 'náá hvaa, náálee yɛ pɛli ə́ mąątɛ̨nɛ̨i a ɉələwoo.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Wɛli 7:13

Yələ wala piinɛ̨ɛ̨, gu humo viɲə yɛa, gu gaa, akɛ gaa kpuwun ɉii, akɛ bowa aa hee ɉu. Akɛ gaani wuluɠaa kaa powai, Akɛti ŋą́ nwɔ wɛlikɛmąą hu mɛ̨inɛ̨ɛ̨ kɛ yɛ́.

Wɛli 8:2

Ŋą́ li kɛ ə́ yee hon, gu həli gáá lee ɓa, ə́ li kɛ wɛlikɛmąąlaa lɛ mą́ą́, néé yəi bɛlɛ́n. Ŋą́ nwɔ́ lɔɔ mąą kun nɛ̨ɛ̨ tɔɔ ə́ la, ŋį́ gaani yá tɔɔ ə́ la.

Swiv nou:

Lyen patwone

Piblisite

Piblisite