Wɛli 7:1 - Yálá laawoo hɛɓɛ (dc)

¹ 'Pənə ə́ pa! 'Pənə ə́ pa Sulamə Nɛ̨ɛ̨nu! 'Pənə ə́ pa! 'Pənə ə́ pa! Ku ə́ wɔ lɛlɛ mąąkpɛɛ! Ka pɛli Sulamə nɛ̨ɛ̨nui ŋɛ̨i nwɔ lɛlɛ mąąkpɛɛi ləi? Yɛ mąną yɛ, nu a kɛ kpulu heei hveelɛ lɔwai?

Yálá laawoo hɛɓɛ

¹ 'Pənə ə́ pa! 'Pənə ə́ pa Sulamə Nɛ̨ɛ̨nu! 'Pənə ə́ pa! 'Pənə ə́ pa! Ku ə́ wɔ lɛlɛ mąąkpɛɛ! Ka pɛli Sulamə nɛ̨ɛ̨nui ŋɛ̨i nwɔ lɛlɛ mąąkpɛɛi ləi? Yɛ mąną yɛ, nu a kɛ kpulu heei hveelɛ lɔwai?

Bible

¹ Óo gâloŋ ǹóŋ-nɛnii, íkɔɔ lɛ̂lɛɛi kɔlɔ su. Íwɛrɛ-kɔŋ lɛ̂lɛɛi yɛ̂ɛ kɔni sɔ̃ɔ kpanaŋɔɔ ƃé yɛrɛ-nûu a zàa.

Wɛli 7:1 Referans Kwoze

Mąątɛ̨nɛ̨ 45:13

Akɛtii, Tirə nuą, a ɉɛn gɔw lɔi tii hu nuą, di kaa pai ə́ mąąpui a mɛ̨inɛ̨ɛ̨ kpɛa kpɛa.

Kolosə 2:19

Di hva gɛ di hvo kanąn Kristə ɓa, yai a nwun, ɉaalai hu ɓə tɔɔ-tɔɔiŋaa kəlee yiliɛ la di kee ɓa, diɛ kɛnɛ̨ la yɛ bələi Yálá ə mąą laa tɛɛ la bɔ.

Filipə 1:27

Yii lɔ mą, ya ɓaa: 'ká wɔ yɛnɛ̨ɛ̨ kɛ pələ ə pɛli Kristə nwɔ wɛlɛɛ lɛlɛɛi pɔ yííɓoi. Yili ɓə a gɛ, ŋą́ pa ka pɔɔli-o, və́ pa ka pɔɔli-o, ŋą́ pɛli woo lɛlɛɛ mɛ̨n ɉii, yɛ hvilɛn na káá, diɛ kɛ: Ká kwəi kaa tanɔ̨n, káá gɔ tɔ̨nɔ̨i kɔ, a ká laa pələ nwɛlɛɛ lɛlɛɛ la;

Ifisiɛŋ 6:15

ɛlɛɛ, ká kɔwɔ-ɲą-kɔlɔ ə kɛ a Liilaa wɛlɛɛ lɛlɛɛ laa həliɛ mąą lii.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Lukə 15:22

Kɛlaa, nąn ə mo nwɔ koló kɛ nuą diɛ, yɛ diɛ: ‹Ka pa a gbaawi lɛlɛɛ ɉa-ɉa ka doo gwaną, ka gbono too ɲee ɓa, ka kɔ́lɔ lɛlɛɛ lɔ gɔwɔ ŋą.

Danîa 2:32

Maa nįnįn ɉaɠaa tii, nwun galən ə kɛ a hɛni leelee, gəŋə da ɲeeɠaa diɛ ɓo a wali kwɛli, goo da nwɛlɛɠaa diɛ ɓo a ɓala kwɛli.

Lɛɛ gbɔwɔ ɓa 35:35

Aa di kɔ́ a mɛ̨nį kɔ́lɔn gili kɛnɛ̨, diɛ pɛli kóló huwui lɔpee gəlee kɛi a yɛlɛ, kwɛni haɠa kóló, ganą hee kóló, diɛ pɛli həɠə palai a ɲɛ̨i pɛ̨ɛ̨, a viliiɓoɔ, a gbɔluɔ mu tɛɠiɛ, gbɔluɔ gbələ tətə, gwəlɛɛ pə-pə, da yɛlɛ huwui lɔpee gəlee kɛ nuą di wɔ kóló.»

Lɛɛ gbɔwɔ ɓa 28:15

«Yɛlɛ kɛ nuą da gilɛn ɉəɠə pala a kiti tee həɠə, da bala a yeekali walawala, yɛ bələi lɔ ti da gəŋə mɛ̨i həɠə mąąpu la, a hɛni, yee, viliiɓoɔ, gbɔluɔ mu tɛɠiɛ, gbɔluɔ gbələ tətə.

Lɛɛ gbɔwɔ ɓa 28:42

Ə́ dɛmą pɛli diɛ a həɠə ɓɛla kwəlɛɛ pə-pə, ə gɛ nuą di hvo pa di kpuwulu kaa, bɛlɛnŋąąi tii da həɠə di nįŋɛ̨i ə yɛɛ di wəla mɛ̨i.

Wɛli 7:2

Tɔɔmun non nɛ̨ɛ̨nu, ə́ kɔ́wɔ lɛlɛɛi ə́ wɔ kɔ́lɔi hu. Ə́ kpilikɔlɔn ɲaliɛ yɛ kwɛɛn a kɛ ə́ ləŋəi, gaa kpɔ a yɛlɛ kɛmun nwɔ yɛlɛ kɛɛ.

Zɛnɛse 32:3

Ɉakɔbə ə di kaa lɔ, ə tómą kpɔ kɛnɛ̨, yɛ diɛ: «Yálá nwɔ kɔ́ ɓuwu la ka» ə gɛɛnąąi tii laa hee a Mahanaimə.