Wɛli 5:16 - Yálá laawoo hɛɓɛ (dc)

¹⁶ Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Yálá laawoo hɛɓɛ

¹⁶ Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Bible

¹⁶ Ǹóno pêre lɛ̂lɛɛi. Gɛ́-pere kélee lɛ́lɛɛ a ńîa. Zerusâlɛŋ nɛyaa, ŋáwɛli kɛ́-maa nûui ká ŋí.

Wɛli 5:16 Referans Kwoze

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Wɛli 7:9

Gɛ́ diɛ: «Hvo kɛli ŋą́ tɛ dowui ŋɛ̨i hu, ŋą́ ɲéé pɛlɛ nwun ma gɔnwɔn ɉu.» Ə́ ɲįnį ə kɛ ɲə́i yɛ viɲə ɓá. Ə́ nɔ̨ɔ̨ mąą kun nɛ̨ɛ̨ ə pu mą́ą́, yɛ mąątí wulɔ.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Zĩi 2:23

ɛlɛɛ, mɛ̨nįi ɉɛɓɛ́ ə mo, bɔ mɛ̨nį ə kɛ, yai ə kɛ mą: «Abrahamə, ə laa Yálá la, yili ɓə gɛ a tələnmomun»; ɛlɛɛ, di naa hee a Yálá mɛlan.

Filipə 3:8

a tɛ̨ą, ŋą́ gíliɲąkiɛ Ną́mu Jesus Kristə kɔlɔn mɛ̨nį kɛnɛ̨ɛ̨ ŋɛ̨i ɓa, ŋą́ yili kəlee kaa a kpɛli. Mąą mɛ̨nį ɓa, ŋą́ą́ ɲéé kulɔ hɛn gəlee hu, ŋą́ą́ gəlee kaa yɛ tulun ŋą hɛn, ə gɛ, ŋą́ Kristə hɔlɔɓo,

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Osia 3:1

Yai-Laa yɛ mą́ą́: «Nɛ̨ɛ̨nui nwɛli kaa nwɔ wɛlii ɓa, kɛlaa ə mą kɛ tii yɛ wɛli hon, 'Li nwɔ̨nɔ̨, ə́ hvilɛn bulu. Bələ lɔ ɓə Yai-Laa a Israɛlə lonnii wɛlila kɛ la; ɛlɛɛ diɛn, diɛ di ɲɛ̨i tinɛ̨n haliɠaa pɔ pələ, ɛlɛɛ, hali-ɓa wɛli ə ɓo diɛ.»

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Ɉeremi 3:20

Kɛlaa, a tɛ̨ą, bələi lɔ wɛlikɛ nɛ̨ɛ̨nu a nwoo kala la mąą mun ma, bələ kpɔlɔɔ ɓə kaa ka woo kala la mą́ą́; kaai ɓaa Israɛlə lonni. Ɲą́ą́ Yai-Laa nwóó li!

Wɛli 6:3

Nwɛ́likɛmąąmun bɔɔ ɓaa ɲą́ą́, yaan bɔ́ɔ́ ɓaa a yaa. Yai a nwɔ taatɛlɛɛɠaa laa hɔnmo Yagbudɛn ɉu.

Wɛli 2:16

Nwɛ́likɛmąąmun kaa a nwɔ́ɔ́, gɛ́ ɓo a nwɔɔ, a li a nwɔ taatɛlɛɛɠaai yágbudɛn ɉu.

Wɛli 2:3

Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Wɛli 2:1

Ɲą́ą́n gáá a Sarɔn yagbudɛn, a yaɓoloon bɔ wulu powa.

Wɛli 1:16

Yɛ́ kpɛli nwɛ́likɛmąąmun, ə́ lɛlɛɛi tai, ə́ lɛlɛ kpɔ-kpɔɔ ɓoɔi gu kaa laani kala tiliin nɔ̨nwɔ̨-nɔ̨nwɔ̨ mɛ̨i.

Wɛli 1:2

Nɛ̨́nɛ̨́ɓo, Nɛ̨́nɛ̨́ɓo kani, ə́ nį́í lɔ ɉu! Ə́ wɔ wɛlikɛmąą aa ɉón ə tɛɛ lɔɔ ɓa.

Mąątɛ̨nɛ̨ 148:13

'Ka Yai-Laa laa mąątɛ̨nɛ̨, mąąhɔlɔɓo naa kɛnɛ̨i, yaa tanɔ̨n gbən, Mąąɲįnɛ̨n ɉeɛi lɔi da yələ kɔ́lɔn di mɛ̨i!

Mąątɛ̨nɛ̨ 119:103

Ə́ wɔ tɔn nwooɠaai nɛ̨ɛ̨i ná, dɛɛ kwɛ̨in nwulɔ ɓa.

Mąątɛ̨nɛ̨ 89:6

Yai-Laa, yələkɔlɔn ə Ə́ hɛɠɛɛɓo, mɛ̨nį ɲɛ̨i kɛnɛ̨ɛ̨i tii mąą mɛ̨nį ɓa; nu mąąhəɠɛɛɠaa di wɔ ɲąąkpɔn ɉu, di ə́ wɔ tɛ̨ą mɛ̨nį hukulɔ.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Samia Veerɛi 1:23

Saulə da Ɉonatan di wɛli ə kɛ di kee ɓa, di hvo di ɓɛlaɓo li di wɔ yɛnɛ̨ɛ̨ hu, ə mą kɛ haa hu. Di kɛi gilɛ həɠə di yee tɛɛ Kuwɔ ɓa, di huwalawala yee tɛɛ yala ɓa.

Wɛli 1:5

Gáá kpɛli ŋɛ̨i a hvɛliɓamun, nɛ́lɛɛi, ə həli kaa Ɉerusalɛmə nɛ̨ɛ̨lɛa. Nɛ́lɛɛi yɛ nini kɔ́lɔ həɠə. Yɛ Salomɔn nwɔ gąną-həɠə.

Wɛli 4:3

Ə́ laa wulun ɉu kaa yɛ həɠə ɓɛla kpɔlu, ə́ nɛn nɛlɛɛi ə́ la. Ə́ kumɔ ə ɓo yɛ gaani kpuwulu hu ɓɛlaa, ə́ wɔ ɓɔlɔi mu.