Wɛli 5:1 - Yálá laawoo hɛɓɛ (dc)

¹ Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Yálá laawoo hɛɓɛ

¹ Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Bible

¹ Ŋáwɛli kɛ́-maa nûui, ŋaâ pá ŋásûai su. Ŋaâ ŋáwuru mãlaŋ kúŋ nɛ̃ɛi da ŋásɛŋ kúŋ maai síɣe. Ŋaâ ŋákɔ̃́iŋ-kpaŋ lúwaŋ, ŋa ŋ̀úlɔ kpéle. Ŋaâ ŋáwã̂ai da ŋániŋa ŋini-yai kpéle. Óo ńɛlɛi, ílaa míi, ílii é láa, í íkpele é lɛ́ɛ la zu ŋáwɛli kɛ́-maai é tɛ́ɛ ílii pôlu.

Wɛli 5:1 Referans Kwoze

Wɛli 6:2

Nwɛ́likɛmąąmun gaa yɛɛi ɲəi nɔw yɛa, nwulu powa kun nɛ̨ɛ̨ tii hu; Yɛ li nwɔ taatɛlɛɛɠaa kɔ̨nɔ̨n gɛi laa, ɛlɛɛ yɛ ɲagbudɛn bowa ta kulɔ.

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.

Hanwon 9:5

«Ka pa ka nwɔ́ kɔ̨nɔ̨n mįi, nɔɔi ŋį́ bɛli, ka gbələ.

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Lukə 12:4

«Gáá moi kaa, kaa ŋɛ̨i a mɛ́laa ni: Nui a nu kɔ́lɔ paa, hva pɛli hɛn da kɛi a níí, ka hvo ɲɔw mą.

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Azaya 65:13

Yili mąą mɛ̨nį ɓa, Yai-Laa Nąmu woo ka: Nuąi da tí mą́ą́, di kaa pai ɉɔlɔɓoi, diɛ mįi, ɛlɛɛ ka wɛi, kaa mɔ̨nɔ̨ mįi pulu yəi. Nwɔ́ tínuąi diɛ di kpələ, ka wɛi, kpələ wɛli yɛ ka mɔ̨nɔ̨ ɓo, nuąi da tí mą́ą́, di kaa pai kɛi kwəinɛ̨ɛ̨ hu, ka wɛi, nwumɛ̨ yɛ ka ɲɛ̨i paa.

Azaya 61:11

A tɛ̨ą, yɛ bələi lɔ lɔi a ɓa la, yɛ bələi lɔ hihɛnŋaa da ɓɔn na, bələ lɔ ɓə Ną́mu Yai-Laa kaa pai tɛ̨ą mɛ̨nį ɓɔn ɉii la, da naa tɛ mɛ̨nį, lɔi kəlee mɛ̨i.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Azaya 51:3

Gaa tii, Yai-Laa aa Siɔn mąą wɛli kaa, Aa nwɔ taa kpoloonŋąąi mąą wɛli kaa; gaa nwɔ ɲɛą lɔi mąą pɛ̨nɛ̨i a Yálá-taa lon ma, ə nwɔ kpomóɠaai mąą pɛ̨nɛ̨ a, Yai-Laa nwɔ nɔw yɛa; kwəinɛ̨ɛ̨ da mąną ɓə nu a di kaa laa, hɛɠɛɛɓo da hvɛ́li woo lɔ ɓə nu a di mąn naa.

Wɛli 8:13

Nwɛ́likɛmąą nɛ̨ɛ̨nu! Yɛ́i ə́ kaa heeni nɔw yɛa, mɛ́laaɠaa kaa ɓɛ, di wəli tɔɔ, ə́ woo ɓa. Ə́ woo tɛ, ɲą́ą́ gbɛli ŋą́ mɛ̨n.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 5:1

Ka nɛ́ɛ́ laa ŋį́ mɛ́lan mąątɛ̨nɛ̨ wələ too, yaa da nwɔ viɲə di wɔ wələ li. Viɲə yɛa ə kɛ mɛ́lan ɲəi yee ta ɓa, lɔi lɛlɛɛ hu,

Wɛli 8:1

Ee! Ŋą́ kɛ kpɔ bɔ ə́ kɛ a mą́ą́hulɔnu, a mą́ą́hulɔnui kwa yaa ku ɲįnį tɔ̨nɔ̨ kpələ! Gwa yɛ́ gwa kwiɛn gɛ, ŋą́ ə́ nɛ̨nɛ̨ɓo kɛ, nui lɔpee ta hva kɛ náá ɲɔ̨n mo.

Wɛli 6:11

Ŋą́ li ɉihɛn ɲɛa, ŋį́ yɛɛ ɉihɛn bɛlɛɛɠaa mɛ̨i kaa moloon ɉu, akɛ viɲəɠaa kaa kpuwun ɉii, akɛ gaani wuluɠaa daa powa.

Mąątɛ̨nɛ̨ 16:3

Ɓɛ yɛnɛ̨ɛ̨, ɉeeɓolaaɠaai kpɔ a Yálá nwɔɔ, di ɓɛlɛ kaa diɛ, gəlee wɛli kaa mą́ą́ kpɔ kɛnɛ̨.

Mąątɛ̨nɛ̨ 147:11

Kɛlaa Yai-Laa a giliŋąhiɛ kpɔ a nɛlɛɛ, yɛ vilɛn, nuąi da ɲɔw mą diɛ a diɛi da di kilitɔɔ nwɔ kulɔ nwooɓa laa ɓa.

Nwun mąąɓo 14:11

Yii kɛa Filisti nuą di gaa tii, di hilɛlɛa pow haaɓa həɠə, di vilɛn Samsɔn pɔ, di ɓo gwɛlɛ.

Nwun mąąɓo 14:20

Yii ɓaa Samsɔn nɛ̨ą nwɛi, ɉulɔnon ŋɛ̨i kɛ Samsɔn pɔ, ya ɓə di dɛɛ bɔ a nɛ̨ą.

Hanwon 24:13

Nón, kwɛ̨in nwulɔ nɛ̨ɛ̨i. Kwɛ̨i gban nwulɔ a kɛ ɉu, neen a lɔ nu nɛ̨ŋɛ̨n-nɛ̨ŋɛ̨n mu.

Ikilisiati 2:5

Ŋą́ hihɛn ɲɛɛɠaa laa, wului a ɓa, ŋą́ ɉuwu kəlee ta hin ɉu.

Wɛli 1:13

Nwɛ́likɛmąąmun kaa ɲə́i yɛ hąmą ɓíi mąąkun nɛ̨ɛ̨ naa ɲíni lɔwai yɛ vįitɔɔ.

Wɛli 4:8

Oo! Nwɔ́ wɛlii! Pa bɔ́, həɠə Liban yee nwuɔ̨, ə́ pa bɔ́, həɠə Amana yee nwuɔ̨, həɠə Senirə yee nwuɔ̨ da Hɛrmɔn həɠə ɲala woloɠaa tii la, da gwɛli woloɠaa tii la, ə́ pa!

Zɛnɛse 37:25

Yili pulu, di hee kɛa diɛ di kɔ̨nɔ̨n mį́i. Di lɛɛ lɔ laa heeni, diɛ yɔw kɛ nuą kaa diɛ pa, di kɛ a Ismaɛlə nu huwu, daa həɠə Galaadə pələ, diɛ li Eziptə, yɔw tįɛ̨ tamąą ə ɓo di yəi ɲɔ̨nwɔ̨mɛ̨ɛ̨ɠaa pulu.