Wɛli 4:7 - Yálá laawoo hɛɓɛ (dc)

⁷ Ə́ nąą kəlee lɛlɛɛi tai. Níiɓa nɛ̨ɛ̨nu! Guɔ, ə́ mąą kulɔi hvo yɛ́.

Yálá laawoo hɛɓɛ

⁷ Ə́ nąą kəlee lɛlɛɛi tai. Níiɓa nɛ̨ɛ̨nu! Guɔ, ə́ mąą kulɔi hvo yɛ́.

Bible

⁷ Ŋáwɛli kɛ́-maa nuui, ílɛ̂lɛɛi kpɔ́. Ímaa kulâi da kélee fé yâ.

Wɛli 4:7 Referans Kwoze

Wɛli 1:15

Ə́ lɛlɛɛ ɓə tai, nwɛ́likɛmąą nɛ̨ɛ̨nu guɔ ə́ lɛlɛɛ ɓə. Ə́ ɲɛ̨i kwɛlɛ laai yɛ tɔ́nwɔ̨nɔ̨n gbɔlun.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,

Kolosə 1:22

Ya ka kɛa yiihu, Yálá aa ká diɛni ká yee lɔ gee hu, a non gulɔi ə mo a hálaa, ɉáálai; káá pɛli kɛi la a nu mąąhəɠɛɛɠaa ɲɛ̨i mu, ká mąąkulɔi hva kɛ káá, hɛn da hva pɛli kɔ́ pɛlɛi káá.

Wɛli 4:1

Guɔ ə́ lɛlɛɛ ɓə! Nwɛlikɛmąą nɛ̨ɛ̨nu, ə́ lɛlɛɛ ɓə tai! Ə́ ɲɛ̨i kwɛlɛ laai yɛ tonwələn gbɔlun, ə́ wɔ ɓɔlɔi mu. Ə́ nwun nəɠa laa gee mɛ̨i, yɛ ɓolu kpulu a kɛ Galaadə yee ɓa.

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.

Mąątɛ̨nɛ̨ 45:13

Akɛtii, Tirə nuą, a ɉɛn gɔw lɔi tii hu nuą, di kaa pai ə́ mąąpui a mɛ̨inɛ̨ɛ̨ kpɛa kpɛa.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Mąątɛ̨nɛ̨ 45:11

'Ə́ wəli tɔɔ nón nɛ̨ɛ̨non, 'ə́ ɲɛ̨i hee tai, ə́ ə́ wəli tɔɔ kpɔ a nɛlɛɛ; 'Lɛ̨ą ə́ nwɔ nuą diɛ, da ə́ wɔ pɛ́lɛ́i mu nuą.

Lonon mo 24:5

«Ə́ wɔ həɠə pɛlɛ́ɠaai lɛlɛɛi ɓə Ɉakɔbə, ə́ yii pɛlɛ́ɠaa lɛlɛɛi Israɛlə.

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.