Wɛli 4:11 - Yálá laawoo hɛɓɛ (dc)

¹¹ Ə́ woo nɛ̨ɛ̨i ə́ la, yɛ kwɛi gban naa nįnɛ̨. Kwɛin nwulɔ da ɲįnįya di kaa ə́ nɛ̨n mu, ə́ mąą həɠə hu kun nɛ̨ɛ̨ yɛ Liban mąąti wulɔ.

Yálá laawoo hɛɓɛ

¹¹ Ə́ woo nɛ̨ɛ̨i ə́ la, yɛ kwɛi gban naa nįnɛ̨. Kwɛin nwulɔ da ɲįnįya di kaa ə́ nɛ̨n mu, ə́ mąą həɠə hu kun nɛ̨ɛ̨ yɛ Liban mąąti wulɔ.

Bible

¹¹ Ŋáwɛli kɛ́-maa nuui, íla-gbɔ káa yɛ̂ɛ kɔ̃́iŋ-kpaŋ. Niŋa ŋîni-ya da kɔ̃́iŋ-kpaŋ káa ínɛŋ mu. Ímaa ɣîri-sãai kúŋ nɛ̃ɛ̂i yɛ̂ɛ Lɛƃanɔŋ wuru.

Wɛli 4:11 Referans Kwoze

Wɛli 5:1

Gáá pai ɲə́i nɔw yɛa. Oo níiɓa nɛ̨ɛ̨non, nwɔ́ wɛli. Gɛ́ nwɔ́ hąmą kun nɛ̨ɛ̨ da nwɔ́ laakpala kun nɛ̨ɛ̨ɠaa kulɔ, gɛ́ nwɔ́ kwɛin nwulɔ nɛ̨ɛ̨ ta kɔ̨mɔ̨n, gɛ nwɔ́ lɔɔi da nwɔ́ nįŋɛ̨ ɲįnįyái ta kpələ. Mɛ́laa! Ka ka laa mįi. Ka ka kpələ. Wɛlikɛmąąlaa ə ka hon yɛ lɔɔ.

Wɛli 7:9

Gɛ́ diɛ: «Hvo kɛli ŋą́ tɛ dowui ŋɛ̨i hu, ŋą́ ɲéé pɛlɛ nwun ma gɔnwɔn ɉu.» Ə́ ɲįnį ə kɛ ɲə́i yɛ viɲə ɓá. Ə́ nɔ̨ɔ̨ mąą kun nɛ̨ɛ̨ ə pu mą́ą́, yɛ mąątí wulɔ.

Wɛli 5:13

Gumɔɠaa kaa yɛ wulu powa mąą kun nɛ̨ɛ̨, gun yɛ tɛ. Naawulun gaa yɛ yagbudɛn powa aa kɛi hvólón; yai gun a kulɔ a nɛ̨ɛ̨.

Zɛnɛse 27:27

Ɉakɔbə ə lɛɠɛ nąn ma, ə laa gəŋə la, Isaakə ə ɉəɠə kun mɛ̨n, ə lúwɔ́ too mą, yɛ mą: «A tɛ̨ą, nón gɔlɔ kun gaa kpɔ yɛ lɔwɔi Yai-Laa aa lúwɔ́ too mą.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Azaya 7:15

Nokoloi tii kɔ̨nɔ̨n ma pai kɛi a nįŋɛ̨ ɲįnįya da kwɛ̨i nwulɔ, ə lɛɛ ɉu yɛ pɛli lənəi mɛ̨nį ɲɔ̨n ma, yɛ nɛlɛɛ kɛ.

Wɛli 4:3

Ə́ laa wulun ɉu kaa yɛ həɠə ɓɛla kpɔlu, ə́ nɛn nɛlɛɛi ə́ la. Ə́ kumɔ ə ɓo yɛ gaani kpuwulu hu ɓɛlaa, ə́ wɔ ɓɔlɔi mu.

Hanwon 16:24

Wɛlikɛmąą woo kaa yɛ kwɛin nwulɔ, a nu lii laa, ə vaŋalɔ.

Hanwon 5:3

Wɛli hon nɛ̨ɛ̨nu woo nɛ̨ɛ̨i na yɛ kwɛi nwulɔ, naa nɛ̨ɛ̨i nwun ma yɛ wulɔ.

Mąątɛ̨nɛ̨ 45:8

Mɛ̨nį haŋąą wɛli kaa yɛ́, yɛ́ wɛlikpɛɛmąąlaa kulɔ a mɛ̨nį ɲɔ̨n, yili ɓə gɛ, Yálá, ə́ wɔ Yálái yɛ ə́ mąąti a kwəinɛ̨ɛ̨ wulɔ, yɛ ə́ hviɛlaɓo la tii ə́ ɓɛlaa diɛ.

Mąątɛ̨nɛ̨ 19:10

Mɛ̨nį haŋąą ɓaa nu ə ɲɔw Yai-Laa ɓa, yili dɔlɔ hva kpɛɛ; Yai-Laa nwɔ mɛ̨nį hutɔɔ woo kəlee kaa a tɛ̨ą, gəlee haŋąąi.

Wɛli 4:10

Ə́ wɔ wɛlikɛmąą a nįilɔ, oo níiɓa nɛ̨ɛ̨non! Nwɔ́ wɛli, ə́ wɔ wɛlikɛmąą nɛ̨ɛ̨i dɛɛ lɔɔ ɓa, ə́ mąą kun nɛ̨ɛ̨ dɛɛ mąątí wulɔ kəlee ɓa.

Mąątɛ̨nɛ̨ 92:13

Tələnmomun a ɓɔn yɛ tow, a kɛnɛ̨ ɲeekɔ̨nwɔ̨n ɉu yɛ ɓɛlɛ yɛ Liban kpitili.

Hanwon 5:2

Ə gɛ yɛ́ pɛli mɛ̨nį hu kpɛ kili laahon moi. Yá gɛ tii, kili woo ɓə pai kɛi kulɔi ə́ la.