Wɛli 3:7 - Yálá laawoo hɛɓɛ (dc)

⁷ Salomɔn laa gbin ga. Mąątinɛ̨n ŋąą a kulaa pow mɛ̨ida, Israɛlə kɔkulaaɠaa li.

Yálá laawoo hɛɓɛ

⁷ Salomɔn laa gbin ga. Mąątinɛ̨n ŋąą a kulaa pow mɛ̨ida, Israɛlə kɔkulaaɠaa li.

Bible

⁷ Saloma káa lâani ŋɔkpôŋ su, díkɛ pà la. Ŋɔkɔ́kɔ-ƃelai buu lɔ́ɔlu mɛi da káa gbono ma. Díkelee díkaa a Eezuɛ lɔii ŋɔkɔ-kûluƃa wála-wâlaa-ŋa.

Wɛli 3:7 Referans Kwoze

Hebreu 1:14

Malakaɠaa tii, di hvo mɔ̨ɔ̨ a hvaŋą diɛ di wɔ mąątíí kɛ, diɛ di tí mɛ̨nį lɛlɛɛ kɛ mɛ̨nį ɓa, nuąi pai ɓalo mɛ̨nį hɔlɔɓoi a di kwɛlin, diɛ?

Wɛli 3:9

Salomɔn ə́ nwɔ gbin bɛli, a Liban wulu.

Wɛli 1:16

Yɛ́ kpɛli nwɛ́likɛmąąmun, ə́ lɛlɛɛi tai, ə́ lɛlɛ kpɔ-kpɔɔ ɓoɔi gu kaa laani kala tiliin nɔ̨nwɔ̨-nɔ̨nwɔ̨ mɛ̨i.

Tɔɔɓɛlaa veelɛ 6:17

Elise ə Yálá hvɛli yɛ mą: «Nui ŋɛ̨i ɲɛ̨i həɠə mą, ə kɛɛ kaa.» Yai-Laa ə Elise nwɔ tímun ɲɛ̨i həɠə mą; yɛ gaa ɲɛ̨i kɛi, nwɔ̨n nwotoloɠaa da hooɠaa diɛ ɓə ə di kaa, gəlee daa Elise mąątínɛ̨n.

Tɔɔɓɛlaa dɔlɔɔ 14:27

Tɔɔmun Roboamə ə dakpɛliɠaa pɛli a ɓala kwɛli, ə di kalihvaɓo bɛlɛ́ mąąkpɛ kɔlaɠa nwun nąmįną diɛ, diɛi di ɲɛ̨i ə kɛ tɔɔmun nwɔ pɛ́lɛ́i laaləi.

Tɔɔɓɛlaa dɔlɔɔ 9:22

Salomɔn hvo Israɛlə lon da pɛlɛ pɔlɔtɛ kóló ɓa. Di wɛi, di kɛ a kɔ́ kɔ́ nuą, diɛ ɓo a nwɔ nwun nąmįną, pɛlɛɛɠaa da gbɛa-kpɛa, a kɔ́ wotolo nwun nąmįną, da hoo gilɛ həɠə nuą.

Samuɛlə dɔlɔɔ 28:2

Davidə yɛ Akisə ɓa: «Mɛ̨nįi ə́ wɔ tíɓo kɛ mun kaa pai gɛi, ə́ kaa pai gaai.» Akisə yɛ Davidə ɓa: «Yɛ́ ɓə pai kɛi mą́ą́kpɛi a yələ kəlee.»

Samuɛlə dɔlɔɔ 14:52

Filisti kɔ́ ə kpɔlu Saulə nwɔ yɛnɛ̨ɛ̨ kəlee yee mu. Ya lɔ ɓaa kɛ Saulə, a huwalawala mun da kaa Israɛlə nuą lɔwai, a mąą nu həɠə, da yaa di tɔɔi ə kɛ tɔ̨nɔ̨.

Samuɛlə dɔlɔɔ 8:16

Gaa pai kɛi ka wɔ tínuą ɉinąą da nɛ̨ąą di həɠəi, ka wɔ laŋa hulúɠaai da ka wɔ hoohvaalənŋaa, yɛ di tɔɔ nwɔ kóló ɓa.

Wɛli 3:6

Gbɛɛ ɓə tii həɠəi nɔi pun ɉu pələi, ə ɓo yɛ nwɔ̨n nulu, yɛ hąmą da lansan di wəleen, ə ɓo yɛ mąątí wulɔ kun nɛ̨ɛ̨?

Wɛli 3:8

Gɔ́kulaaɠaa tii kəlee di wɔ ɓɔwaɠaai kaa di kpala ŋą. Gəlee wɛlɛɛ kɔ́ kɛi, ɓɔwa kaa di kəlee di yəi, diɛ pɛli kpəɲan ɉii la kpinį mɛ̨nį ɲɔ̨n gəlee tɔwɔ.

Nehemi 4:13

Gɛ́ galanɉonŋąą daa ɲąąwooɓo nuą, da nɔi lonnii takpɛliɠaa diɛ: «Goló kɛnɛ̨i, ŋąą kɛnɛ̨, ka gu taɠa-taɠa ɉįi mɛ̨i, gu mąą kwɛaa gu kee ɓa.