Wɛli 3:4 - Yálá laawoo hɛɓɛ (dc)

⁴ Ŋą́ lɛɛ kpɔlɔ tɛɛi diɛ, nui mąą mɛ̨nį lɔɔ níí mu, gɛ́ gaa; ŋą́ą́ mą wolo mą, ŋą́ą́ ɉon a ɲee. Vá kpɔ ɓo mą, yii kpɔ və́ ni lɔ li la néé yəi bɛlɛ́n, ɓɛi ŋɛ̨i di mą́ą́ kóó həɠə laai.

Yálá laawoo hɛɓɛ

⁴ Ŋą́ lɛɛ kpɔlɔ tɛɛi diɛ, nui mąą mɛ̨nį lɔɔ níí mu, gɛ́ gaa; ŋą́ą́ mą wolo mą, ŋą́ą́ ɉon a ɲee. Vá kpɔ ɓo mą, yii kpɔ və́ ni lɔ li la néé yəi bɛlɛ́n, ɓɛi ŋɛ̨i di mą́ą́ koo həɠə laai.

Bible

⁴ Ŋá tɛ̀ɛ kpɔ́ nɔ́ dîa ŋá gáa. Ŋá kpùlɔŋ ma, ḿve fáa ní mà é lí, ŋá pá la ńee ŋɔpɛ́rɛi mu ƃɛ́i, dí wɔ́lɔ ḿaa sɔlɔ ƃô naai.

Wɛli 3:4 Referans Kwoze

Wɛli 8:2

Ŋą́ li kɛ ə́ yee hon, gu həli gáá lee ɓa, ə́ li kɛ wɛlikɛmąąlaa lɛ mą́ą́, néé yəi bɛlɛ́n. Ŋą́ nwɔ́ lɔɔ mąą kun nɛ̨ɛ̨ tɔɔ ə́ la, ŋį́ gaani yá tɔɔ ə́ la.

Hanwon 8:17

Nuąi da nwɛ́lilakɛ, diɛ gwɛ́li a di lii kəlee, da gáá.

Hanwon 4:13

Mɛ̨nį ŋɛ̨i di ə́ kalan na, 'ɉon kpaan, 'hvó ə́ pulu tɔɔ mą. Gaa a ə́ wɔ yɛnɛ̨ɛ̨, ə́ yee kanąn mą.

Maafîu 7:7

«Ka vɛli, da dɛɛ ka pɔ. Ka gwɛli, ka ɉɔlɔɓo. Ka gbon gɛlɛ, da naaɓo ka tɔwɔ.

Woolaa 3:25

Nui a gilitɔɔ Yai-Laa ɓa, mąą nu a Yai-Laa nwɔ túwɔ́ pələ lɛlɛɛ kɔ́lɔn.

Ɉeremi 29:13

Ka gwɛ́li pai kɛi, ka gáá, ka gwɛ́li kpɔ a ka lii kəlee.

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Wɛli 6:12

Gɛɛ və́ mɛ̨nį ta ɲąą kaa; níiɓa mɛ̨nį ə gɛ́ yɛ, nwɔ́ tɔɔ lɔi hu kɔ́ wotoloɠaa.

Galatə 4:26

Kɛlaa Ɉerusalɛmə, yii ɲələi pələ, gaa gbɔwɔ yee kɔnma, yili ɓə a gu lee;

Maafîu 28:9

Nɛ̨ąą tii da Jesus ni di kwiɛn, ə nwoo pili diɛ. Di di mąą lɛɠɛ mą, di pɛlɛ gɔwɔ mu di kwɛli hvilɛn mą.

Wɛli 7:5

Ə́ kɔ́n gbono kaa yɛ hə́lə́ ɲin ə́ ɲɛ̨ikɔw mąąhəɠɛɛ yɛ kwɛni hu yá, aa kɛi kulɔ Batə-Rabimə nwɔ kpon kwɛlɛ. Ə́ hunwɔ ə ɓo yɛ Liban taa mąąkpɛ pɛlɛ́ kɛnɛ̨i ɲɛ̨i heɛ Damasə pələ.

Zɛnɛse 32:26

Yii kɛa ə gaa yɛ ɲee hvo lɔi Ɉakɔbə ɓa, ə Ɉakɔbə kɛlɛ donwənən ma, ə nąą həɠə gee la gbilɛn gɔi lɔwai.

Lomaŋ 8:35

Lə ɓə a pɛli gu kulɔi Kristə nwɔ wɛlikɛmąąlaa hu? Ɛ̨i, mɔ̨nɔ̨ ɓə? Liikələn gwəi ɓə? Ɓɛlɛkpɛɛmąąlaa ɓə? Pulu ɓə? Yee-howololaa ɓə? Mɛ̨nį ɲąąnwąnąą ɓə? A wala kɛti, haa?

Lomaŋ 8:39

ə mą kɛ, huwalawalaaɠaai gaa yələ kwəi, ə mą kɛ yiiɠaai lɔi mu pələ, da pɛli-hɛn nɔpee takpɛliɠaa; nwɛlikɛmąąlaai Yálá aa nɛ guɔ gu Ną́mu Jesus Kristə hu, ɉɛŋąai ti ta hva gu kulɔ nwɛlikɛmąąlaa ti yəi.

Wɛli 1:7

Nwɛ́likɛmąąmun! Mįnɛ̨ kpɔ ɓə yá kɛ lii laa a ə́ wɔ taatɛlɛɠaai! Hvóló a haŋą, mįnɛ̨ ɓə yá di pɛlɛ laa, diɛ di hvįitɔɔ? Gílaa pɔ̨nɔ̨! Ə gɛ, və́ pa kɛ lɔ lii nwun ma, gɛ́ lɛa li ə́ ɓɛlaa takpɛliɠaa di wɔ taatɛlɛɛɠaa pulu.