Wɛli 3:3 - Yálá laawoo hɛɓɛ (dc)

³ Kɛlaa, daa mąąkpɛɛ nuą di gáá, diɛ tinɛ̨n daa ɓa, gɛ́ diɛ: «Nui mąą mɛ̨nį lɔɔ níí mu, ka gaa?»

Yálá laawoo hɛɓɛ

³ Kɛlaa, daa mąąkpɛɛ nuą di gáá, diɛ tinɛ̨n daa ɓa, gɛ́ diɛ: «Nui mąą mɛ̨nį lɔɔ níí mu, ka gaa?»

Bible

³ Daa-lêei maa kpɛ́-ƃelai dí ŋ́gàa, ŋá dí marê kɛ́, “Ká ŋáwɛli kɛ́-maa nûui kâa?”

Wɛli 3:3 Referans Kwoze

Wɛli 5:7

Kwa daa mąąkpɛ nuą ku kwiɛn, diɛi da kɛ tinɛ̨n ɉii a daa, di gɛ́lɛ, di mą́ą́ nwąną, di nwɔ́ həɠəi kulɔ mą́ą́; diɛi a daa mąąkpɛ nuą.

Hebreu 13:17

Nuąi da kɛ ká mąąkwɛlii, 'ká lɛɛ di woo mu, ɛlɛɛ, ká ká kpɔwɔ lɛɛ di yəi. Mąąhɔlɔɓo, diɛ ɓə da kɛ ka nįiɠaa mɛ̨ikaai, ɛlɛɛ, diɛ ɓə pai yili gwɛlan mo kɛi Yálá ɓa. Ká gɛ tii, da di kɛ-kólói tii a kwəinɛ̨ɛ̨, hva kɛ a lííholi, yili dɔlɔ lɔpee hva kɛ mą ká yəi.

Ɉaan 20:15

Jesus yɛ mą: «Nɛ̨ɛ̨nu, lə mɛ̨nį ɓa ə́ kaa wɔlɔi? Gbɛɛ ɓə ə́ kaa gwɛlii?» Ə kɛ Mari kwəi, ɉihɛn ɲɛai tii mɛ̨i kaa mun ga tii mąąningɛ; yɛ mą: «Ną́mu akɛ yɛ́ ɓə gulɔ ɓɛ, ɓɛi ə́ naa laa nąą lɛ mą́ą́ ŋą li ŋį́ ɉəɠə.»

Izikiɛ 3:17

«Hulɔnu lon, gáá ə́ tɔɔi yɛ kɛɛnąą mąąhɛn mun, Israɛlə nwɔ pɛlɛ́i mąą mɛ̨nį ɓa; yá woo ta mɛ̨n, yɛ həɠə ná, mąąnɛ̨ɛ̨ ə́ di kili pu ɉu náá hu.

Azaya 62:6

Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Azaya 56:10

Ɲɛ̨ipu nuą ɓə di ɲɛ̨i kɛi Israɛlə taa ɓa, nu kəlee di pɛlɛɛ di kee ɓa, di ta hvo mɛ̨nį kɔ́lɔn, munųgbɛ yilɛɠaa ɓaa diɛ, di hva pɛli kpəɠii, di kaa puuni, diɛ di kiliŋąhiɛ lɔ tii, yii mɛ̨nį lɔ ɓə nwɛli kaa diɛ,

Wɛli 1:7

Nwɛ́likɛmąąmun! Mįnɛ̨ kpɔ ɓə yá kɛ lii laa a ə́ wɔ taatɛlɛɠaai! Hvóló a haŋą, mįnɛ̨ ɓə yá di pɛlɛ laa, diɛ di hvįitɔɔ? Gílaa pɔ̨nɔ̨! Ə gɛ, və́ pa kɛ lɔ lii nwun ma, gɛ́ lɛa li ə́ ɓɛlaa takpɛliɠaa di wɔ taatɛlɛɛɠaa pulu.