Wɛli 2:8 - Yálá laawoo hɛɓɛ (dc)

⁸ 'Ka ka wəli tɔɔ tai! Nwɔ́ wɛlii woo ka tii! Ya ka tii pai! Yɛ laɠin yeeɠaa mɛ̨i, yɛ hvilɛn yeekpu kpuɠaa nwuɔ̨.

Yálá laawoo hɛɓɛ

⁸ 'Ka ka wəli tɔɔ tai! Nwɔ́ wɛlii woo ka tii! Ya ka tii pai! Yɛ laɠin yeeɠaa mɛ̨i, yɛ hvilɛn yeekpu kpuɠaa nwuɔ̨.

Bible

⁸ Ŋá ŋáwɛli kɛ́-maa nuui wóo mɛ̀ni. Gáa kîrɛ siɣêi gɛ́ kùla ǹyée kɛ́tɛi tôŋ su, gɛ́ tɛ̂ɛ guro-téi tôŋ su, gɛ́ pà ḿbɔ yɛ̂ɛ lóma kpaa máŋ tôa.

Wɛli 2:8 Referans Kwoze

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

M̀ɛni-lɛɛi 3:20

Ɓɛ kaa, gáá tɔɔni bɛlɛ́ laaləi, gɛ gbon gɛlɛ. Nui a nwóó mu hon, ɛlɛɛ, ə bɛlɛ laa ɓo, ŋą́ lɔ bɔ bɛlɛ́n, ɛlɛɛ, kwa yaa ku ku yee lɔ kɔwɔ tɔ̨nɔ̨ hu.

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Azaya 52:7

Nuąi wɛlɛɛ woo lɛlɛɛ laa həli, di kɔ́wɔ lɛlɛɛi di mu, ɲeeɠaa ton na, diɛi di kaa liilaa woo laahəlii, diɛi da kɛ mɛ̨nį lɛlɛɛ woo laa həlii, diɛi da kɛ nwun mąąɓo loloɓoi; diɛi da kɛ kɛi Siɔn ɓa: Ə́ wɔ Yálái kaa tɔɔlaa kɛi.

Wɛli 2:17

Gɛɛ pɛlɛ́ kɔ́n nįnįn ɲee hvo pu gee hu, hvitili hvo pu, pənə ə́ pa bɔ́, nwɛli, yɛ lomą, yɛ Dɔlɔ, ɲee ɓɛlaɓoɔɠaa nwuɔ̨.

Gɛlaɠaa 14:10

Polə ə mo mą a nwoo kɛnɛ̨ yɛ mą: «'Haŋą ə́ tɔɔ ə́ kɔ́wɔ mɛ̨i!» Ɉulɔnui ti ə muhəɠə, ə teen ə hvilɛn, yɛ hiɛ.

Gɛlaɠaa 3:8

ə pili yələi ə hvilɛn, yɛ hiɛ da gɛlaɠaa di lɔ Yálá hee pɛlɛ́ mu, yɛ pili yələi, yɛ Yálá laa tɛ, yɛ ɉɛɠɛɛɓo.

Ɉeremi 48:27

Kɛlɛi ə́ kɛi lɔ yɛlɛ tii Israɛlə ɓa, gaa ɓə mɔ̨ɔ̨ ə́ mo nwuɔ̨ nuą lɔwai, yaai naa ɓo pələ tɛi tɛi kəlee hvo kɛli yá ə́ nwun gbɛŋɛn?

Azaya 44:23

Yələ kɔ́lɔn, 'tomą a kwəinɛ̨ɛ̨, mąąhɔlɔɓo, Yai-Laa aa gɛ mɛ̨nį kɛ, 'ka ɓələn a kwəinɛ̨ɛ̨, lɔi mu pələ lɔiɠaa, yeeɠaa, 'ka tómą a kwəinɛ̨ɛ̨, ə mą kɛ wɛla, da ɉu wuluɠaa, mąąhɔlɔɓo, Yai-Laa aa Ɉakɔbə nwun mąąɓo, ɛlɛɛ aa nwɔ mąąwiɛ lɛ Israɛlə lɔi hu!

Azaya 35:6

Nąąlɔwai nui tooi gɔwɔ mɛ̨i, gaa pai pilii yələi yɛ lómą, muúgbɛ laaləi yɛ tómą a kwəinɛ̨ɛ̨, tɛɛyáɠaa diɛ laa lɔi pun ɉu kpalaa hu, yálee hvaŋą kpɛa-kpɛaɠaa diɛ laa ɓɛi kɛ nąą kpalaa a bɔlɔ.

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Samia Veerɛi 6:16

Ɓɛlɔwai Yai-Laa nwɔ mįnɛ̨ kəhii ə kɛi həli la Davidə taa, Saulə lon nɛ̨ɛ̨nu Mikalə ə nwun mąą laŋąn, ə tɔɔmun Davidə kaa, yɛ kɔ̨nwɔ̨, yɛ mąną Yai-Laa lííla mɛlɛ ə kpɛɛ gwəi.

Lukə 6:23

Ɓɛlɔwai mɛ̨nįɠaa tii da həli la kaa, ka pili yələi a kwəinɛ̨ɛ̨, mąąhɔlɔɓo, hvɛla kulɔ kɛnɛ̨ kaa ka mąąkpɔn ɉi yələkɔlɔn ɉu. Pələ kpɔlɔ ɓə di kalaɓɔlɔni di kɛi Yálá kwəi mɛ̨nį hukulɔ nuą laa nɔ̨nwɔ̨ ɓo la.

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.