Wɛli 2:3 - Yálá laawoo hɛɓɛ (dc)

³ Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Yálá laawoo hɛɓɛ

³ Bələi magolon nwulu kaa la wɛlai wuluɠaa lɔwai bələ ɓə nwɔ́ wɛlii kaa la mɛlaa hinąą lɔwai, nwɔ nįnįn ɲąą laɠiɛ mu ɓə ŋą́ hee laa nɛ̨́ɛ̨́ hu. Ɛlɛɛ ma ləɠən a lɔ nɛ̨́ŋɛ̨-nɛ̨́ŋɛ̨ mu.

Bible

³ Ŋáwɛli kɛ́-maa nuui káa nɔ́ m̀arâa nyàŋkpa-ŋai sáma yɛ̂ɛ âpɔ-wuru ƃé wolâ wuru-ŋa sáma. Ŋa ŋ̀wɛli ŋá sée ǹinîŋ mu. M̀á kɛ́-pere lɛ̂lɛɛi a ńîa.

Wɛli 2:3 Referans Kwoze

Wɛli 8:5

Nɛ̨ɛ̨non nɛlɛ ɓə ŋɛ̨i həɠəi nɔi pun ɉu pələi, ɲee ə ɓo nwɛlikɛmąąmun ɲəi? Gu həliɛ mangolon nwulu mu, ɓɛi ə́ lee əí mąą koo həɠə laa, ɓɛi ə́ lee əí hɔlɔɓo laa, ŋą́ ə́ nwun naa.

Azaya 32:2

Di tɛi tɛi kaa pai kɛi a nu mąąkilɛi, hvaŋą tɔwɔ; di ɓo a tulɔ teen ɉii. Di kaa pai kɛi yɛ tɛɛyáɠaa gbáli kələn ɉu; yɛ kwɛni kɛnɛ̨ɛ̨ nįnį́n lɔi hukpalaa hu.

Azaya 25:4

Mąąhɔlɔɓo, nui ɲee hva lɔ, mąą kɔ́nwɔ̨mun maa a Yɛ́, Yɛ́ mąąwɛlimun mąą kɔ́nwɔ̨ nwɔ mɔ̨nɔ̨i hu, Ə́ ɓo a nu mąąkilɛi, tulɔ hvaŋą tɔwɔ, Ə́ kaa a nįnįn, wəleen dɔwɔ; mąąhɔlɔɓo, wea-tɔɔɓɛlaa nɔ̨ɔ̨ kaa yɛ, tulɔ hvaŋą a kɛi kɛlɛ bɛlɛ́ nwąną hu.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Izikiɛ 47:12

Ɲá hvɛɛi tii kwɛlɛ, gbonwon ɲa hveelɛi ɓa, ɓá wulu huwu kəlee kaa pai kɛi ɓɔn ɉii laa, di laa hvo pai kpalai di ɲa, di ɓa hvo pai kpɛɛi di hu; di kaa pai ɓa nįnɛ̨ ɓoi ɲąnin dɛi tɛi yeemu, mąąhɔlɔɓo ɲáleei tii kaa kulɔi Yálá hee pɛlɛ́ mu. Di ɓa kaa pai kɛi a kɔ̨nɔ̨n, di laa ə ɓo a hali.

Azaya 4:6

A kɛ yɛ gbɛɓɛlɛ, yɛ da kələ mąąɓo a kələ laa; yɛ nįnįn gɛ nu mɛ̨i, yɛ kpəɲąn wəleen gɛnɛ̨ tɔwɔ, ə ɓo a nu mąąkilɛ, a tulɔ teen ɉii, da tulɔ hvaŋą.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Wɛli 5:16

Ŋą́ kɛi nɛ̨nɛ̨ɓo, gwə́i a nɛ̨ɛ̨. Goloon a nwɛli too mą́ą́ kɛnɛ̨. Bələ ɓə nwɛ́likɛmąąmun gaa la. Ɉerusalɛmə nɛ̨ɛ̨lɛa, bələ ɓə ɉíɛ gee pulu kaa la, bələ nwɔ́ wɛlii kɛ pələ kaa la.

Wɛli 4:16

Ɲánwuɔ̨ hvaŋą da ɉɛɠɛɛ pələ hvaŋą! Ka ka ɲįnąą ɓo! Ka pa gwəli. Ka pu nwɔ́ nɔw yɛai ɓa, ka mąą kun daɠa. Yɛ́i ɓaa níiɓa nɛ̨ɛ̨nu, Pa! Ə́ yəi nɔw yɛa. Ə́ naa wulu ɓa nɛ̨ɛ̨ɠaa kɔ́ɔn.

Wɛli 2:5

'Váŋą lɔ kilɛ a viɲə nwɔ̨mįi pənə ə́ nį́ilɔ kilɛ a ɓɔlaa ɓa. Mąąhɔlɔɓo, yɛ wɛlikɛmąąlaa kaa mą́ą́ a ɲɔ̨n.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Mąątɛ̨nɛ̨ 89:6

Yai-Laa, yələkɔlɔn ə Ə́ hɛɠɛɛɓo, mɛ̨nį ɲɛ̨i kɛnɛ̨ɛ̨i tii mąą mɛ̨nį ɓa; nu mąąhəɠɛɛɠaa di wɔ ɲąąkpɔn ɉu, di ə́ wɔ tɛ̨ą mɛ̨nį hukulɔ.

Mąątɛ̨nɛ̨ 57:1

Nwələ ɲɛ̨itɔwɔmun: «'Hvó ɉu kala.» Davidə ɓə nwələi ŋɛ̨i too, ə kɛi doo kwəi pələ; a ɓɛlɔwai ə kɛi pu la Saulə tɔwɔ.

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Nwun mąąɓo 9:15

«Ɲąąlən gbɔlɔ yɛ wuluɠaa diɛ: ‹Akɛ ka káá bɔ ka ɉéé a ka wɔ tɔɔmun, ka pa ka lɔ nínín mu; a wala kɛ tii, nwɔ̨n da kaa pai kulɔi ɲąąlən gbɔlɔ hu, yii gaa pai Liban kpitiliɠaa kələn ɉii.›

Wɛli 1:16

Yɛ́ kpɛli nwɛ́likɛmąąmun, ə́ lɛlɛɛi tai, ə́ lɛlɛ kpɔ-kpɔɔ ɓoɔi gu kaa laani kala tiliin nɔ̨nwɔ̨-nɔ̨nwɔ̨ mɛ̨i.

Wɛli 4:13

Ə́ wɔ yái, yɛ gaani yɛaɠaa laahɔnmo, diɛi di ɓa nɛ̨ɛ̨; da hɛne powa, ɛlɛɛ, nardə,

Wɛli 7:13

Yələ wala piinɛ̨ɛ̨, gu humo viɲə yɛa, gu gaa, akɛ gaa kpuwun ɉii, akɛ bowa aa hee ɉu. Akɛ gaani wuluɠaa kaa powai, Akɛti ŋą́ nwɔ wɛlikɛmąą hu mɛ̨inɛ̨ɛ̨ kɛ yɛ́.

Wɛli 8:11

Viɲə yɛa ə kɛ Salomɔn yəi Baalə-Hamɔn, ə galihvaɓo mɛ̨i kaa nuą diɛ. Mąąnɛ̨ɛ̨ kɛ nu tɛitɛi yɛ pa bɔ a ɉɔ̨nwɔ̨, a wali kwələ waa tɔ̨nɔ̨.

Wɛli 8:12

Nwɔ́ viɲə yɛai kaa ɲə́i, Salomɔn! Ə́ wɛi ɓaa ə́ nwɔ wali kwələ waa tɔ̨nɔ̨, mɛ̨i kaamun nwɛi ɓaa wali kwələ nwun veelɛ.

Zooɛ 1:12

Viɲəɠaa daa kpɛɛ ɉu. Mɔɔlaa wuluɠaa daa hvilingbɛ ɲɛa wuluɠaa kəlee daa kpala. Grenadə wuluɠaa, tow wuluɠaa, daa pomə wuluɠaa kəlee. Nuą kwəinɛ̨ɛ̨ mɛ̨nįɠaa daa kpɛɛ.

Mąątɛ̨nɛ̨ 45:3

Nu kanŋaa lɔwai, yɛ́ lɔ ɓə a nɛlɛɛmun, mɛ̨inɛ̨ɛ̨ lɔ ɓə a kulɔ ə́ la, mɛ̨nįi gɛ Yálá yɛ lúwɔ́ too yɛ́ ɲɛ̨n deei hvo mą, yaa li.