Taitɔ 3:5 - Yálá laawoo hɛɓɛ (dc)

⁵ ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Yálá laawoo hɛɓɛ

⁵ ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Nįį-Mąąhəɠɛɛ yee kɔnma.

Bible

⁵ è kúƃalo a kúwaa mì a gɛɛ kú kɛ́ a núu nina da M̀ɔlêŋ Maa Waai kɛ́ɛ a nina kúkponôi. Kútii lɛ́lɛɛ kɛ́ɛ fêi nyíi kwa gɛ́i, kɛ́lɛ, ŋɔƃɛlɛ-sêei su ƃe.

Taitɔ 3:5 Referans Kwoze

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Ifisiɛŋ 2:4

Kɛlaa, Yálá nwɔ wɛlikɛmąą laa kɛnɛ̨i, nwɛlikɛmąą laa tii hu ɓə ə gu ɲɛ̨imąąwɛli kaa la,

Ifisiɛŋ 5:26

Bələ ɓə ə kɛ la tii bɔ, ə mąąhəɠə, a nwaai a mo a yá, ə yili kɛ tii a Nwoo.

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Lomaŋ 11:6

Kɛlaa akɛ ɲɛ̨imąąwɛli kaa ɓə ə di həɠə la ɉu, di túwɔ́ pələ mąą mɛ̨nį hvəə. Akɛ yili hvəə, ɲɛ̨imąąwɛli kaa ti hvo kani a ɲɛ̨imąąwɛli kaa.

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Kolosə 3:10

ɛlɛɛ, káá lɔ kɔlɔ nįnɛ̨ hu, gɔlɔ nįnɛ̨i tii a kɛ lɔ kɛnɛ̨i a yələ kəlee, bɛlimun mąąnįnįn ɉu.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Galatə 2:16

Ku kili kaa ɉu kuɔ, nu hva pɛli tələnmolaa hɔlɔɓoi dɔn bɔ yíiɓoɔ hu, kɛlaa nu a laa Jesus Kristə la, ya ɓə a tələnmolaa hɔlɔɓo la; kuɔ kpɛli, ku laa Jesus Kristə la, kuɔ pɛli kɛ a tələnmo nuą Kristə nwɔ laa na laai háálai, hvo kɛ li a dɔn bɔ yíiɓoɔ. Gbala ə tɔɔ, nui lɔpee ta hvo pai tələnmolaa hɔlɔɓoi dɔ́n bɔ yíiɓoɔ hu.

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Piɛrə dɔlɔɔ 2:10

a káái tɔlɔɔ ká hvo kɛ kɛli kɛ a nwɔ nu huwu, kɛlaa yiihu kɛa, káá kɛ a Yálá nwɔ nu huwu; káái ká wɔɔ nąą hvo tɔlɔɔ kɛ ɲɛ̨imąąwɛli kaa hu, kɛlaa yiihu kɛa, aa ká ɲɛ̨imąąwɛli kaa.

Ifisiɛŋ 4:23

Mąąnɛ̨ɛ̨ ká kɛ pələ mąą ə hvalin a nįnɛ̨ ká lii hu pələ, da ká wɔɔ kiliŋąhiɛ hu.

Lomaŋ 3:28

Mąąhɔlɔɓo, gu gɔlɔn kuɔ kɛ: tɔ́n bɔ yíiɓoɔ hvəə a nu tələnmomun, kɛlaa laa na laa ɓə a nu kɛ la.

Lomaŋ 9:11

Bələi mąn tii, nɛapɛlɛɛ di hvo ni kɛ hɔlɔɓo li la, gu hvomun kɛ, mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔɉu kɔlɔn mɛ̨nį di yəi; əgɛ, Yálá wooi ə gwɛlɛ ə lɛɛ dɔwɔ ɓa, yɛ bələi yaa kpinįi ə naala gwəi,

Lukə 1:78

Mąąhɔlɔɓo, ɲɛ̨imąąwɛli kaa kɛnɛ̨ kaa kuɔ Yálá yəi. Ya ɓə pai kɛɛ pono kɛnɛ̨ yɛɛi ku mɛ̨i yɛ pələi yələ wala pɔ hvóló liɛn gaa la.

Lukə 1:54

Aa kpɔnmąą tɛɛ nwɔ kɛlaɠaa Israɛlə nu huwu pɔ. Hvo lɛ̨ą li diɛ, aa mɛ̨inɛ̨ɛ̨ kɛnɛ̨ kɛ diɛ.

Lukə 1:50

Yaa ɓə ɲɛ̨imąąwɛli kaa kaa ɲəi, a lɔwai kəlee, yɛ gɛ nwɛlikɛmąą nuą diɛ, ə mą kɛ, yiiɠaai da ɲɔw mą.

Mise 7:18

Gbɛɛ ɓə a pɛli gɔwɔn ɉii Yɛ́, Yálá? Yɛ́i yá nu nwɔ nɛ̨ŋɛ̨n nwaa mą, kwa kulɔ Ə́ woo mu, Yɛ́ ə́ kili kulɔ ɉu, nwɔ nu huwu kpəlii wɛli kɛɛ mɔ̨ɔ̨ mą, a gwɛlin tii, hva ɲee kanąn nwɔ líiholii ɓa. Yaamun, niiɓa ɓaa yɛ nu mąąhvaalɛɛ.

Mąątɛ̨nɛ̨ 143:2

Kiti hvo kɛ, ká ə́ wɔ tímun ka lɔwai, Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa.

Mąątɛ̨nɛ̨ 130:7

Israɛlə! 'Ə́ kilitɔɔ Yai-Laa ɓa, mąąhɔlɔɓo, mɛ̨inɛ̨ɛ̨ kaa ɲee pɔ, nwun mąąɓo ə ɓo ɲəi a ɉukɛnɛ̨ɛ̨.

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Taitɔ 3:4

Kɛlaa, yii kɛa gu ɓalo-Yálá ŋą liinɛ̨ɛ̨ gwəi laa nu kanŋaa pɔ, da ŋą wɛlikɛmąą laa ə too pono ɲą,

Lomaŋ 9:30

Gwa kɛ kpɔ lə? Nuąi di hvo a Ɉuifəɠaa, diɛi di hvo kɛi tələnmolaa kwɛli Yálá ɲɛ̨i ɓa, daa tələnmolaa hɔlɔɓo Yálá yəi; laa na laa hu.

Lomaŋ 9:16

Yili hva kulɔ nu liiɓa da nwɔ huwalawalaa hu, kɛlaa, Yálá nwɔ ŋɛ̨imąąwɛli kaa ɓə a kulɔ ɉu.

Lomaŋ 4:5

Kɛlaa yaamun, nɛ̨ŋɛ̨n ɉəɠəmun a laa nui a mɛ̨nį ɲɔ̨n gɛmun mąąhvaalɛɛ na, nwɔ laa na laa ti a gɛ a tələnmomun.

Lukə 1:72

Mąąhɔlɔɓo, Yálá ə naakwɛlan mo ku kalaɓɔlɔni diɛ, yɛ diɛ: Ŋą́ nwɔ́ mɛ̨inɛ̨ɛ̨ lɛ kaa ponoŋą, yaan, əgɛ tii. Yaan mįnɛ̨i Yálá ə ɉəɠə diɛ, ə gili lɛɛ ɉu.

Azaya 57:12

Kɛlaa nwɛi, gáá pai ə́ «təlimo mɛ̨nį hukulɔi», ɛlɛɛ, ə́ kɛ kóló ta tɔlɔ hvo pai həlii yɛ́.

Hebreu 6:6

ɛlɛɛ ə mą kɛ tii, daa həɠə laana pələ mɛ̨i, gɛ laa walaai di di yali di pulu, diɛ ɓə, da pənə nwɔ̨nɔ̨, diɛ Yálá Lon gbanwo kolɔwa ɓa a nįnɛ̨, diɛ gɛ nuą diɛ nalan.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Zôo 9:20

Ŋą́ kɛ diɛ gáá a tɛ̨ą Nąmu, nááləi hva tɔɔ búlu. Ŋą́ kɛ diɛ ɉɔ́n və ɉu, a ɉɔ́n nɛ.

Dutɛrɔnome 9:5

Ka tələnmo mɛ̨nį hvəi, ka kwəi kili lɛlɛ mɛ̨nį hvəi, ka káá pai nɔi tii hɔlɔɓoi la a ka kwɛlin. Tɛ̨ąi gaa mą, ya ɓaa: nu huwui tii di hɔn ɲɔ̨n bələ ɓə gɛ Yai-Laa ka wɔ Yálá yɛ di wɔ lɔi kulɔ la di yəi, yɛ dɛɛ ka pɔ. Ə yili kɛ tii nwɔ̨nɔ̨, mąąhɔlɔɓo, aa wɔlɔ kɛ gwɛla ka nąnni a: Abrahamə, Isaakə, da Ɉakɔbə ni diɛ, yili ɓə gɛ yɛ bɔ mɛ̨nį kɛ la.

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Lomaŋ 11:14

əgɛ, akɛ a pɛli kɛi, ŋą́ tolo lɔ ɉuwu hu, ə gɛ, dɛi-tɛiɠaa nwun mąą yɛ pɛli ɓoi.

Hebreu 10:22

'Ká gu gu mąąlɛɠɛ kani laa, a gu kwəi kwɛlɛɛ, laa na laa kpɔ-kpɔ hu, a gu lii hu ɲąŋąą, hɔn ɲɔ̨n da hvo gu kili pɔ, gu mąąwaa a yá mąąhəɠɛɛ.