Taitɔ 3:1 - Yálá laawoo hɛɓɛ (dc)

¹ Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Yálá laawoo hɛɓɛ

¹ Gili too nu kəlee ɲą, yɛ́ diɛ: mąąnɛ̨ɛ̨i di lɛɛ nwun nąmįną, da ɲąąwooɓo kɛ nuą kəlee woo mu, di di kpɔwɔ mąąyɛɛ, di hɛ̨ąyiliɛ mɛ̨nį lɛlɛɛ kəlee kɛ mɛ̨nį ɓa.

Bible

¹ Doo díkili ŋá a gɛɛ dí kɛ́ dímɛi-ƃelai mû da ŋwála-wala-ƃelai, dí kɛ́ a wóo-mɛni-ƃela. Dí kɛ́ a díkpɛtɛɛ tíi lɛ́lɛɛ kélee mɛni ma.

Taitɔ 3:1 Referans Kwoze

Ikilisiati 10:4

Ə́ nwun nąmu a niiɲąnwąną ə́ pɔ, hvo həɠə ə́ tɔɔi, hvo ə́ kɛ kóló lɛɛ. Mąąhɔlɔɓo, líilaamun mə ŋą mə́nə́n a mɔ̨.

Hanwon 24:21

Nón, ɲɔw Yai-Laa ɓa, da tɔɔmun. Nuąi da nɔgili kɛ, diɛ mɛ̨nįɠaa mąąhvalin, 'hvó too di pɔ.

Maafîu 22:21

Nuą di nwoo ŋąąpənə diɛ mą: «Sesarə ɓə!» Jesus yɛ diɛ: «A kɛ tii, ka Sesarə nwɛi tɛɛ Sesarə pɔ, ka Yálá nwɛi tɛɛ Yálá pɔ.»

Hebreu 13:21

Yálái tii ə gɛ, káá pɛli niiɓa mɛ̨nį lɛlɛɛ lɔpee gəlee kɛi, yii a laa a nii, ə gɛ ká hu, Jesus Kristə háálai, yai, mąąwiɛlaa kaa mą a yələ kəlee kpɛɛ hvo mą. Mįiną!

Timote veelɛ 2:21

Nui a ɲee kulɔ mąąliɓi mɛ̨nįɠaa hu, da pɛli di gɛ a di yee huɓo hɛnɲąŋą walawala, mąąhəɠɛɛ, gu Nąmu yɛ ɲee huɓo ɉu, bɛliɛ mɛ̨nį lɛlɛɛ kəlee mąą mɛ̨nį ɓa.

Timote veelɛ 1:6

Yili mąą mɛ̨nį ɓa, gáá nąą kili tooi ə́ ɲą, gɛ́: díɓoi Yálá ə dɛɛ ə́ pɔ, a ɲələi ŋį́ ɲéé pɛlɛ la ə́ mɛ̨i, 'ə́ ɉu nwun.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Timote dɔlɔɔ 4:6

Mɛ̨nįɠaa ŋɛ̨i laa kalan nɛa ɲɛ̨i; yili hu ɓə, yá pɛli kɛi la a Jesus Kristə ŋą kpɔn ɉu mɛ̨nį ɲɛ̨i kulɔmun nɛlɛɛ, ə́ kɔ̨nɔ̨n ə ɓo a laa na laa hu wooɠaa, ɛlɛɛ, da mɛ̨nįi di ə́ mąąkwɛli mą a tələnmolaa.

Timote dɔlɔɔ 2:2

diɛ gɛ lɔ tii, tɔɔɓɛlaa da nuąi ɲąąwooɓolaa kaa di yəi di mąą mɛ̨nį ɓa, əgɛ, gu ɲɛnɛ̨ɛ̨ kɛ a gɔlɔ haamą, liilaa hu, kulɔ nwoo ɓa laa hu, a ɉaŋąą.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Ɉeremi 27:17

'Ká hvo ka wəli tɔɔ di woo ɓa, ka tí Babilonə tɔɔmun ma, əgɛ, ka lɛɛ yɛnɛ̨ɛ̨, Ka káá bɔ daai ŋɛ̨i, ə kɛ a taa kpoloon lə mɛ̨nį ɓa?»

Dutɛrɔnome 17:12

Kɛlaa, akɛ, nu ta a gbɔwɔ ŋąą kɛnɛ̨, ɉaláá laa həli nuą ŋɛ̨i di kaa kóló kɛi Yai-Laa ka wɔ Yálá hee pɛlɛ́ mu, mąą nu hvo túwɔ́ li yɛ bələi di mo la, awala kɛ tii, yɛ bələi giti tee mun ə mo la, mąąnɛ̨ɛ̨ di mąą nu paa. Ka mɛ̨nį ɲɔ̨n gulɔ Israɛlə lɔi hu.

Piɛrə veelɛ 1:12

Yili ɓə gaa mą, gáá kpɔlɔɔ pai kɛ mɛ̨nįɠaa ti kili tooi ka ŋą, pələi mąn ka gbaɠala kɔ́lɔn na, ə lɛɛ, dɛ̨ąi ŋɛ̨i kaa ɉɔlɔɓo ka tɔɔ ɉu kpaan.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Azaya 43:26

Yii ə́ kwəi, mo, ɛlɛɛ, gu nu hveelɛi, gu hee giti haɠa ɓa, ə́ woo hukulɔ, akɛ yá pɛli ə́ kpɔwɔ tələnmoi.

Zûu 1:5

Bələi Yálá ə nwɔ nuąi nwun mąąɓo la yɛ di kulɔ Eziptə, ka ɉukulaa kɔ́lɔn kpɔ kɛnɛ̨. Ə mą kɛ tii, gáá ka kili pui ɉu gɛ́ kaa: yiiɠaai di di kili walawala, ə gəlee nwun napili.

Taitɔ 3:14

Mąąnɛ̨ɛ̨ gu wɔ nuąi diɛ kpɛlimąn di kɛnɛ̨ mɛ̨nį lɛlɛɛ kɛɛ hu, əgɛ, mɛ̨nį ta a kulɔ, diɛ pɛli ɲąąlɔi, yili a kɛ tii, di tɔlɔ hva kpɛɛ diɛ.

Timote veelɛ 2:14

Mɛ̨nįi tii kili too nu kəlee ɲą, ə́ ɲąą wala kpɔ, 'di tí la a ə́ nwąnąi Yálá ɲɛ̨i ɓa, yɛ́ diɛ: di hvo kɛ a hvaa kɛ nuą, woo tamąą mąą mɛ̨nį hu, yili dɔlɔ hvo mą; hvo kɛli lɔ ə mɛ̨n nuą nwun ɉu lan.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.