Taitɔ 2:15 - Yálá laawoo hɛɓɛ (dc)

¹⁵ Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Yálá laawoo hɛɓɛ

¹⁵ Bələ ɓə mąąnɛ̨ɛ̨i ə́ pələ ɓo la, liɛwoo kɛ, ə́ haŋąmąą kɛ a heeɓolaai gaa ə́ yəi. Nu ta ŋɛ̨i hvo tɛɠɛɓo ə́ hu.

Bible

¹⁵ Mɛni-ŋai ŋí ƃó, í dília-woo ƃó, í lóno kpɔ́ dípɔ a gbanaŋɔɔ a wala-wala-laa kélee. Ífe nɛ̀ɛ naa núu da é ŋ̀ɛ́i naɣîŋ ímɛi.

Taitɔ 2:15 Referans Kwoze

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Taitɔ 1:13

Yan, mɛ̨nįi ti ə mo, gaa a tɛ̨ą. Yili ɓə gaa mą, 'haŋąn diɛ kpɔ a nwalawlaa, əgɛ, di wɔɔ laa na laa mąą ə həɠə.

Timote dɔlɔɔ 5:20

Nuąi da nɛ̨ŋɛ̨n ɉəɠə, 'háŋą diɛ nu kəlee ɲɛ̨i ɓa, ə gɛ, di ɓɛlaa di ɲɔw.

Maafîu 7:29

Mąąhɔlɔɓo, bələ hvəə di wɔ tɔ́n galamɔ̨ɔ̨ɠaa da di kalan na. Jesus ə kɛi di kalan a heeɓo laa.

Markə 1:22

Nwɔ kalan gɛ pələ ə nuą kwəi pili diɛ. Mąąhɔlɔɓo, nwɛi kɛ pələ hvo kɛ yɛ dɔ́n galamɔ̨ɔ̨ɠaa di wɔ kalan gɛ pələ. Ə kɛli di mąąkwɛli yɛ nui yili mąą laa kaa ɲəi.

Lukə 4:36

Nuą tii kɛ laa di kəlee di kwəi ə pili diɛ, di ɲɔw, diɛ kɛ di kee ɓa: «Akɛti, woo huwu lə kɛɛɠaa ɓə ŋɛ̨i gaa moi? Ɉulɔnui ŋɛ̨i a haŋą ɲį́nɛ̨nŋaa diɛ, a nwɔ huwalawala, yɛ a kɛ a di nwun nąmu, ə lɛɛ, diɛ həɠə nuą pulu.»

Markə 1:27

Nuą tii kɛ laa, di kəlee di kwəi ə pili diɛ; diɛ di kee ni mąąni kɛ, diɛ kɛ mą: «Yii mukulaa ɓaa a lə? Yii kaa a kalan nįnɛ̨ yii huwalawala kaa ɉu. Ɉulɔnu ŋɛ̨i a haŋą ɲinɛ̨nŋąą diɛ, əlɛɛ, diɛ nwoo hon.»

Korɛntə dɔlɔɔ 16:11

Nui lɔpee ta hvo mɛlɛkpɛɛ ma, yaamun, ka kpɔnmąą tɛɛ bɔ, ə gɛ, ə nwɔ hiɛ kulɔ liilaa hu, ə gɛ, ə pənə ə pa, ə həli mą́ą́. Mąąhɔlɔɓo, kwa gu nąn nonnii ku kaa mąąkpɔn ɉii.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!