Taitɔ 2:14 - Yálá laawoo hɛɓɛ (dc)

¹⁴ Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Yálá laawoo hɛɓɛ

¹⁴ Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Bible

¹⁴ nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ ku kɛ́ a ŋɔnûa kpîŋ-ŋa tíi lɛ́lɛɛ kɛ-mɛni ma.

Taitɔ 2:14 Referans Kwoze

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Ifisiɛŋ 2:10

Gbala ə tɔɔ, Ya ɓə gu pɛli, ə gu pɛli Jesus Kristə hu, kóló lɛlɛɛɠaa kɛ mɛ̨nį ɓa, a gólóɠaa tii Yálá ə di hee gu tɔwɔ, guɔ pɛli gɛ mɛ̨nį laai gu nwuɔ̨.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Izikiɛ 36:25

Gáá pai ya mąąhəɠɛɛ taɠai ka mɛ̨i, pɔn ɲɛ ɓo la kaa; gáá pai ka mąąhəɠəi, ka wɔ mąąliɓi mɛ̨nįɠaai kəlee yəi; da ka wɔ haliɠaai kəlee yəi.

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Mąątɛ̨nɛ̨ 130:8

Ya ɓə a Israɛlə nwun mąąɓo nwɔ nɛ̨ŋɛ̨nŋaai kəlee yəi.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Dutɛrɔnome 14:2

Ka káá a nu huwui gaa a Yai-Laa ka wɔ Yálái nwɔɔ. Kaa ɓə Yai-Laa ə ɲeekpiɛ lɛ kaa, kaa kɛ a gbinį ɓa nu huwu. Nu huwuɠaai kpɔ lɔi mɛ̨i, gəlee lɔwai.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Ɉaan 10:15

Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Dutɛrɔnome 26:18

Yai-Laa aa háákələi ka həɠə ɉu yɛ ka kɛ a nwɔ nu huwu; yɛ bələi ə mo la kaa. Kaa pɛli lɛɛi nwɔ tíɓoɠaa kəlee pulu.

Dutɛrɔnome 7:6

Mąąhɔlɔɓo, ka káá a nu huwu mąąhəɠɛɛ a Yai-Laa ka wɔ Yálái nwɔɔ. Kaa ɓə Yai-Laa ka wɔ Yálái ə ka həɠə ɉu nu huwuɠaa lɔwai; əgɛ, ka kɛ a nwɔ nu huwu yɛnɛ̨ɛ̨ nu huwuɠaa kəlee lɔwai.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Hebreu 10:24

'Ká gu gu keeni mɛ̨ikaa, guɔ gu kee lii muhəɠə wɛlikɛmąą laa pɔ pələ, da mɛ̨nį lɛlɛɛ kɛɛ.

Taitɔ 2:7

Yɛ́ kpinįi ə́ kpɔwɔ lɛ ə́ túwɔ́ pələ hu, a kɔɔmąą lɛlɛɛ, kalan gɛ pələ mąąhəɠɛɛ hu, ə́ ɲąąlaa,

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Izikiɛ 37:23

Di hvo kɛa pai kɛi di mąąliɓi a di wɔ haliɠaai, da di wɔ túwɔ pələ ɲɔ̨nŋaai, ə mą kɛ di wɔ kulɔ nwoo mu laai di kɛi gɛi. Ɓɛɠaai kpɔ di kaa laa, gáá pai di nwun mąąɓoi, ŋą́ di kulɔ laa; ɓɛɠaai di nɛ̨ŋɛ̨n ɉəɠə laa. Gáá pai di mąąhəɠəi, da kɛ a nwɔ́ nuą, ɲą́ą́n ŋą́ kɛ a di wɔ Yálá

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Zɛnɛse 48:16

a nwɔ malakai kɛi mą́ą́kɔ̨nwɔ̨, 'Ə lúwɔ́ too nɛapɛlɛɛ ŋɛ̨i diɛ. Ɲálái tii ə hvaa mą, di náá kulɔ kala mu; di ną́nni Abrahamə da Isaakə di laa tɛ. Di huwu ə ɓɛlɛ nɔi nąą kəlee.»

Zĩi 4:8

'Ká ká mąą lɛɠɛ Yálá ɓa, a mąą lɛɠɛ káá. 'Ká ká wɔɔ nɛŋɛ̨n ɲeeɠaa mąą waa, 'ká ká lii hu mąąhəɠə, ká hu hveelɛ nuą ŋɛ̨i!

Timote dɔlɔɔ 2:10

kɛlaa yaamun, di di mąąyili, a túwɔ́ pələ lɛlɛɠaa, yɛ nɛ̨ąąi da di wɔɔ lɛɛ nwoo mu laa lɛ Yálá ɓa.

Timote dɔlɔɔ 2:6

yaa ɓə gbɔwɔ kulɔ a haláá nu kanŋaa mąą mɛ̨nį ɓa. Gɛla hvaai di mo a guuii di ɉee, yaa li;

Timote dɔlɔɔ 1:15

Nwoo ŋɛ̨i kaa a tɛ̨ą woo, mąąnɛ̨ɛ̨ nu kəlee ə ɲee hee mu, ya ɓaa: Jesus Kristə ə pa lɔi mɛ̨i, nɛ̨ŋɛ̨n ɉəɠə nuą nwun mąąɓo mɛ̨nį ɓa, yai ɲą́ą́ ŋɛ̨i, gáá a dɔlɔɔ.

Gɛlaɠaa 15:14

Bələi Yálá ə tɔɔ la a nwąnąi, yɛ nuą hɔlɔɓo huwu takpɛliɠaa lɔwai a gɔwɔ tɔɔ yələ, Simɔn aa gəlee hu hukulɔ guɔ.

Gɛlaɠaa 15:9

Hvo gwa diɛni gu lɔwai laa li kpɔ tíikpə. Laai ŋɛ̨i di mo na, yili ɓə gɛ yɛ di lii mąąhəɠə.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Malasi 3:3

Gaa pai heei, ə gɛ, ə liɓi da nɔ̨nwɔ̨ di waa. Bələi tii da hɛni da wali kwɛli di waa la a nwɔ̨n, bələ ɓə gaa pai Levi nu huwu mąą həɠəi la. Nąąlɔwai tii ɓə, haláá laa həli nuą da Yálá kɔ́ hɛn naa həli la Yai-Laa ɓa a ɉaŋąą, yɛ bələi bɛliɛi la ɉu.

Lonon mo 25:13

Mįnɛ̨i tii kaa lɛɛ a yaa da ɉuwu di wɔɔ. Mįnɛ̨i tii kaa pai ɉaláá laa həliɛ mąą laa lɛɛi di yəi a yələ kəlee, hvo gaai ə nwɔ Yálái mąą tolo kulɔ; yɛ Israɛlə lonnii di wɔ nɛ̨ŋɛ̨n mąą kwələ kulɔ kóló kɛ.»

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Ifisiɛŋ 1:11

Yaa ti ɉu lɔ ɓə, gu gu wɔɔ nąą kɔlɔɓo laa, a nui a mɛ̨nį kəlee hee kpəlin na kɛ, a niiɓa, yɛ bələi ə gbɛa gu həɠə la ɉu.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

Levetekɔ 25:41

Gwɛlan a ɉəli, a kulɔ ə pɔɔli da nonnii, di li di yəi bɛlɛ́n, di hee di wəlingią lɔi ɓa.

Lonon mo 7:15

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.