Taitɔ 1:5 - Yálá laawoo hɛɓɛ (dc)

⁵ Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.

Yálá laawoo hɛɓɛ

⁵ Titə, ŋį́ ə́ lɛɛ Krɛtə lɔi hu, ə gɛ, mɛ̨nį yiiɠaai aa lɛɛ, ə́ di hvilɛn ginɛ̨ ɓa. Ɛlɛɛ, ə́ nu pɔlɔɠaa hee gbɔn nwun na daa kpɛa-kpɛaa hu, yɛ bələi ŋą́ mąą liɛwoo tɛɛ la ə́ pɔ.

Bible

⁵ Ŋá ílɛ̀ɛ pôlu Kulîi a gɛɛ í mɛni-ŋai kélee kpɛtɛ nyíi-ŋai dífe niî kpɛtɛ níi, í núu-pɔlɔ-ŋa lɛ́ taa kélee su yɛ̂ɛ berei ŋá m̀o la yâi.

Taitɔ 1:5 Referans Kwoze

Gɛlaɠaa 14:23

Galan gbɔn tɛitɛi hu, di di yee lɛ nu taɠaa diɛ, a kalanɉonŋaa; di kɛli Yálá hvɛli, diɛ hin nɔ, di di kalihva ɓo gu Ną́mu ɓa, a Ɲálái ti di di yee hee mąą mɛ̨nį mui.

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Ikilisiati 12:9

Mąąnɛ̨ɛ̨ nuą di gɔlɔn diɛ kɛ: Kilimąą mun hvo kɛ kpɛla li mɛ̨nį lɛɛ ɓa nuą diɛ a nwɔ kili mɛ̨nį. Ə hanwon damąą mąn, ə mąąkpɛɛ, ə ɉukpɛɛ, ə dɔlɔ kaa yɛ ɉɔɔ nwɔ nuą diɛ.

Korɛntə dɔlɔɔ 14:40

'ká mɛ̨nį kəlee kɛ a gɛ pələ, puɉu túwɔ́ hvo kɛ ɉu.

Timote veelɛ 2:2

Mɛ̨nįɠaai ə́ mąąkwɛli ɲə́i, kɛla tamąą ɲɛ̨i ɓa, 'lí, ə́ galihvaɓo tələnmo nuą diɛ, diɛi da pɛli di nu takpɛliɠaa mąąkwɛli mą, diɛ kpɛli.

Korɛntə dɔlɔɔ 11:34

Pulu a kɛ nu ta ɓa, ə kɔ̨nɔ̨n mįi ɲəi bɛlɛ́n, ə gɛ, ká hvo pa ká ɲąąkpɔn ká nwun na pili mɛ̨nį ɓa. Mɛ̨nį yiiɠaai tii daa lɛɛ, ŋą́ pa hiɛ hu, ŋą́ yiliɠaai ɲɛ̨i kulɔ.

Gɛlaɠaa 27:21

Ɉu aa kwɛa kɛa kɛ, ku hvo ni kɛ hɛn lɔpee ta mįi li. Nąąlɔwai Polə ə həɠə ə tɔɔ yɛ diɛ: «Mɔ́lɔ́ni! Kali kɛ ka wəli tɔɔ nwóó ɓa, Krɛtə lɔi hui, gu hvo li həɠə laa. Mɛ̨nį ŋɛ̨i hvəli həli guɔ, kɛɛ tamąą hvəli kala gu yəi.

Gɛlaɠaa 27:12

Gələn dɔɔi hvo kɛ lɛlɛ li, kuɔ pɛli lɛɛi laa hamąlɔɔ yee mu, nu mɔlɔɓɛlaa di kɛ bɔ ku həɠə laa, ɛlɛɛ, pɛlimąą a kɛ ɉu, ku həli Fenisə Krɛtə lɔi hu kələn dɔɔi ta li kɛ, ɲɛ̨i tínɛ̨nŋąą voló tooi pələ, kuɔ pɛli hamąlɔɔ kɛi laa.

Gɛlaɠaa 27:7

Hvoló tamąą yee mu, ku hvo kɛli hiɛ a wala, ɛlɛɛ, ku həli mɛ̨nį Knidə tənən ma ə walawala, vaŋą hee pələ ku hu, ku hvo hvilɛn nɔi ɓa; ku tɛɛ Krɛtə gahin goo ɓa ɉɛɠɛɛ pələ, Salmonɛ tənən ma,

Gɛlaɠaa 11:30

Bələ ɓə di gɛ la, Barnabasə da Solə ɓə di di tɔɔ diɛ li a ɉąmą pilɛi tii gbɔn ɲɛ̨itɔwɔ nuą pɔ.

Azaya 44:7

Gbɛɛ ɓə gaa yɛ ɲą́ą́? Mąą-nu ə muhəɠə, ə hvaa! Mɛ̨nį gaa yɛnɛ̨ɛ̨ mɛ̨nį hu ə nɛ, ɛlɛɛ, ə gbaɠala lɛ mą́ą́, ə həɠə kpɔ ɲələi ŋį́ nu kan bɛli la mą, mɛ̨nįɠaa daa tɛɛ, yɛ ɉukulɔ, ɛlɛɛ, yiiɠaai pai kɛi, nu ta ə ɉukulɔ kan kuɔ wɛ!

Kolosə 2:5

Ə mą kɛ, gbínį hvo ka lɔwai, kɛlaa, gáá laa a gíli, gɛ́ ká yee kɛ mɛ̨nį ka kɛ tíi ɓa kpɔ tii kpąą, a laa na laa Kristə ɓa, gwəinɛ̨ɛ̨ kulɔ.

Gɛlaɠaa 2:11

daɠaa kaa a Ɉuifəɠaa, daɠaa diɛ ɓo a nuąi lɔ Ɉuifəɠaa di wɔ kalan hu, nu taɠaa di həɠə Krɛtə da Arabə, kɛlaa ə mą kɛ ti, nu kəlee kaa Yálá kɛ mɛ̨nįɠaa mɛ̨n ɉii a bɔ taai woo.

Kɔlɔnikɔ Maa-ŋuŋ 6:32

Mali, Musi, Merari da Levi.

Gɛlaɠaa 27:13

Hvaŋą hviikpɛɛ ta wolo ə muhəɠə, di gaa, diɛ, da pɛli di wɔ kilii tii pɔ mɛ̨nį kɛi, ya ɓə di gələn voloon, diɛ hiɛ Krɛtə lɔi koo ɓa

Korɛntə dɔlɔɔ 4:17

Yili ɓə kpɔ gɛ, ŋą́ nwɛ́likɛmąą lon Timote tɔɔ, yai vąŋąlɔɔ gu Nąmu mąą mɛ̨nį hu. Bələi ŋą́ nwɔ́ yɛnɛ̨ɛ̨ kɛ la Kristə yee kɔnma, gaa pai nąą kili tooi ká ɲą, a bələi ti ŋą́ hiɛ la, gbɔn gəlee ɲɛ̨i ɓa.

Taitɔ 1:12

Diɛi tii a Krɛtə nuą, di ta, a di wɔɔ kilimąą mun da, ya ɓə nwoo ŋɛ̨i ɓo, yɛ kɛ mą: «Krɛtə nuą kaa lɔ a yələ kəlee, a lɛɛ nuą, a too-kwɛliɠaa, a hvįɛ̨ nuą, di koolon ɉu mɛ̨nį lɔ ɓə di gɔlɔn.»

Levetekɔ 14:42

Di kwɛni takpɛliɠaa həɠə, di yiiɠaa tii mąąhvalin na, di pənə di bɛlɛ́ tɛ a pɔlɔ takpɛli.