Timote veelɛ 4:7 - Yálá laawoo hɛɓɛ (dc)

⁷ Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Yálá laawoo hɛɓɛ

⁷ Ŋą́ą́ kɔ lɛlɛɛ kɔ, ŋą́ą́ nwɔ́ gilɛi laa kulɔ, ŋą́ą́ laa na laa hɔlɔɓo.

Bible

⁷ Ŋa namu lɛ́lɛɛi kɔ́, ŋa kpɛɛ ŋátii ma, ŋa ǹaa-lai mɛi káa.

Timote veelɛ 4:7 Referans Kwoze

Timote dɔlɔɔ 6:12

Laa na laa mąą kɔ́ lɛlɛɛ kɔ́, yɛnɛ̨ɛ̨ hva kpɛɛi ə́ təliɛi mą, 'gwɛli, yɛ bələ ə́ gɔlɔn na, ɛlɛɛ, ə́ mąą kɛla hvaa ɓo a laa na laa, nu kpulu kɛnɛ̨ɛ̨ ɲɛ̨i ɓa.

Gɛlaɠaa 20:24

Nwɔ́ kɛ yɛnɛ̨ɛ̨ hvəə gánąnŋąą mą kpɛli tíikpə, yiimun gánąnŋąą mą, ya ɓaa: gólói gu Ną́mu Jesus ə dɔ́ɔ́ mą, ŋį́ gɛ, ŋį́ naakulɔ. Góloi ti ɓaa: Ŋą́ Yálá nwɔ mɛ̨inɛ̨ɛ̨ mąą wəlɛɛ lɛlɛɛ mąą kɛlahvaaɓo.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

M̀ɛni-lɛɛi 3:8

Ŋą́ ə́ kɛ-mɛ̨nįɠaa kɔ́lɔn. 'Ɓɛ kaa, ŋą́ą́ pɛlɛ́ laa tɔɔ ə́ tɔwɔ, nui lɔpee ta hva pɛli naa kpului. Ə́ hvaŋą hvo kɛnɛ̨ li, ə mą kɛ tii, yáá ə́ yee kąnąn náá woo ɓa, ɛlɛɛ, hvó lənə li náá ɓa.

M̀ɛni-lɛɛi 3:10

Gbala ə tɔɔ, yáá ə́ yee kąnąn náá woo ɓa, a hvaŋąlɔ laa, ɲą́ą́ gbɛlimąn, gáá pai ɲéé kɛi yɛ́ a ɲąąhɛn ɲələɠaai pai həlii yɛnɛ̨ɛ̨ kəlee ɓa, ɛlɛɛ, yɛ lɔi mɛ̨i heeɓo nuą ɲąąhɛn.

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Timote dɔlɔɔ 6:20

Nwɛ́li kɛ mąą lon Timote, mɛ̨nįi galihvaɓoɔ yɛ́, ə́ yee kąnąn mą kpąą, 'hvó ə́ laa lɔ hɛa kpɛli-kpɛli toɔ hu, yii nwun və mą, mɛ̨nį kɔ́lɔnŋąąi hvo hvilɛn ni Yálá kɔ́lɔn bələ ɓa, 'hvó ə́ laa lɔ ɉu.

Timote veelɛ 1:14

Mɛ̨nįi ə́ ɉɔlɔɓo Yálá yəi, 'ə́ yee kąnąn mą kpąą, Kili-Mąąhəɠɛɛi aa ɉeei kulɔ gu hu, ɉaalai.

Timote dɔlɔɔ 1:18

Nón Timote, mɛ̨nįi gáá ə́ mąąkwɛlii mąi, bɛliɛi Yálá kwəi mɛ̨nįɠaai di mo ə́ mąą mɛ̨nį hu, mą; ə gɛ, nwooɠaa tii di ə́ hvaŋąlɔ, yɛ pɛli kɔ́ lɛlɛɛ kɔ́i,

Ɉaan 17:6

«Nuą ŋɛ̨i Ə́ di kulɔ yɛnɛ̨ɛ̨ hu Ə́ di tɛɛ bɔ́, ŋą́ Ə́ laa lɛ diɛ. Di kaa a Ə́ wɔɔ, yaa di tɛɛ bɔ́, daa woo hon.

Hanwon 23:23

Tɛ̨ą, kili, nwun gɛ ɉulaa da hutɔɔ, gwɛli; yɛ́ ɉɔlɔɓo, 'hvó nɔwɔtɔɔ.

Gɛlaɠaa 13:25

Ɛlɛɛ, ɓɛlɔwai Ɉaan ə kɛli pa ɲee laa kulɔi la gɛ kóló ɓa, ə kɛli kɛ diɛ: ‹Nui gaa ká kwəi, káá kɛ ya ɓaa a ɲą́ą́, və́ a mąą nui ti. Kɛlaa, mąą nu kaa búlú yɛ pa, ɲą́ą́ ŋɛ̨i, mą́ą́ hvo kpɛli nɛ̨ɛ̨li a gɔwɔɲą kɔ́lɔ yɛli hvólóonmun.›

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Filipə 1:30

Gɔ́ tɔ̨nɔ̨i ŋɛ̨i ká gáá gɛ́ gɔ́i, ɛlɛɛ, ká kili ə ɓo ɉu, káá, gáá ni mąi, káá kpɛli ká da kɔ́.

Timote veelɛ 3:10

Kɛlaa ə́ wɛi, ə́ kɛ bɔ́ gɛ́ nuą mąąkwɛli a mɛ̨nįɠaa, dúwɔ́ pələɠaa hu, nwɔ́ kiliŋąhiɛɠaa hu, nwɔ́ laa na laa, nwɔ́ liikpələ laa hu, nwɔ́ wɛlikɛmąąlaa hu, nwɔ́ tɔɔ a nwąnąi laa hu,

M̀ɛni-lɛɛi 6:11

Ya ɓə, di həɠə kwɛlɛɛ tɛɛ di tɛitɛi pɔ, ɛlɛɛ, diɛ diɛ: 'Ká ká liikpələ, ɉu hvo kɛa kwɛa li, ə lɛɛ ɉu, ká ɓɛlaanii a ká nąn nonnii díɓo tanɔ̨n ɉu, di too ká pɔ, a diɛi mąąnɛ̨ɛ̨i di di paa yɛ káái.

Lonon mo 8:25

Di kaa kwɛlan a həli pow lɔɔli hu, da mąą nu yee kulɔ kɛa góló ɓa.

Nwun mąąɓo 3:2

Yai-Laa ə kɛ bɔ, ɉəɠə gee pɔ nįnɛ̨i tii kɛ a Israɛlə nuą, di kɔ́ kɔ́ɔ mąą kwɛli; diɛi wɔlɔ di hvo ta kɛ kɔ́ kɔ́ li.