Timote veelɛ 4:14 - Yálá laawoo hɛɓɛ (dc)

¹⁴ Alɛsandrə, gwɛli-yɔwmun, aa túwɔ́ kpɔ a ɲą́ą́ a ɲɔ̨nwɔ̨ɔ̨, gu Ną́mu Jesus kpinįi kaa pai vɛla kulɔi yɛ pələi dúwɔ́ pələ kaa la.

Yálá laawoo hɛɓɛ

¹⁴ Alɛsandrə, gwɛli-yɔwmun, aa túwɔ́ kpɔ a ɲą́ą́ a ɲɔ̨nwɔ̨ɔ̨, gu Ną́mu Jesus kpinįi kaa pai vɛla kulɔi yɛ pələi dúwɔ́ pələ kaa la.

Bible

¹⁴ Alezaŋda da nyíi gáa a gɔli-ɣale-nuui e mɛni ŋánaa támaa kɛ̀ a ńyãa; Kúnuu-namui a pâi véla fêi ŋɔtûa-perei mɛni ma.

Timote veelɛ 4:14 Referans Kwoze

Timote dɔlɔɔ 1:20

Nuąi tii lɔwai, taɠaa ɓaa: Himene da Alɛsandrə. Ŋą́ą́ di kwɛlɛ ɓilihi ɓa, ə gɛ, di hvo kɛa Yálá lalan nwoo ɓo.

Tɛsalonikə veelɛ 1:6

Gaa a tɛ̨ą, Yálá kaa pai mɔ̨nɔ̨ kwələ kulɔi a mɔ̨nɔ̨, ká mɔ̨nɔ̨ɓo nuą diɛ,

Mąątɛ̨nɛ̨ 28:4

'Di hon yɛ bələi di túwɔ́ pələ kaa lai, da di wɔ kɛɛ kala pələ; 'di hon yɛ bələi da mɛ̨nįɠaa kɛ lai, di kwəi kili gulɔmąą kɛ diɛ.

Samuɛlə dɔlɔɔ 24:12

Nán! Ə́ ɲɛ̨i hee ɓɛ, ə́ wɔ həɠəi gbuɔ ta kaa ɲéé ŋą. Ŋą́ ə́ wɔ həɠəi ta tee mą, ɛlɛɛ, və́ ə́ paa li. Ə́ kili ə pu ɉu, ɛlɛɛ, ə́ gbaɠala kaa, yɛ́ kiliŋąhiɛ ɲɔ̨nwɔ̨ɔ̨ hvo gwə́i yɛ hvilɛn na yɛ́, və́ ta tɔɔ li ə́ la; və́ ta ɓaɠaɓo li yɛ́. Yɛ́ lɔ ɓə yáá hvilɛn búlu, yáá ɓaɠaɓo mą́ą́ yɛ́ ə́ báá.

M̀ɛni-lɛɛi 18:6

'Ká gwələ kulɔ mą a gbɔ-kpɔɔ wali, 'ká gɛ-mɛ̨nį kwələ kulɔ mą, gee mɛ̨i hveelɛ. Gbələ-kɔwɔi tii ə kɛli ŋą lɔɔi humo ɉu, 'ká nwɛi humo ɉu gee mɛ̨i hveelɛ, 'ká dɔɔ na.

Lomaŋ 12:19

Nwɛ́likɛmąą nuą, ká hvo ka nwąną kulɔ kaa kpinįi. Kɛlaa, ka Yálá lɛɛ laa ə ka nwąną kulɔ. Mąąhɔlɔɓo, Yálá yɛ diɛ: «Ɲą́ą́ ɓə ŋą́ nuą nwąną kulɔ gɛ́ mɛ̨nį kwələ kulɔ.»

Ɉeremi 15:15

Yai-Laa! Gbaɠala kaa yɛ́, yɛ́ kpinįi ə́ kili lɛɛ ɉú, mą́ą́ mɛ̨nį ɲɛ̨i kulɔ, nuąi di kaa mɔ̨nɔ̨ɓoi, 'nwą́ną kulɔ diɛ. Hvó ə́ liilaa kpɔ tii, hvo gɛ, və́ lɛɛ mɛ̨nįi. Ə́ kili kaa ɉu, yɛ́ diɛ, ə́ mąą mɛ̨nį ɓə, gáá níí kpələi la lalan ɲəi.

Mąątɛ̨nɛ̨ 62:12

Yálá ə hvaa lɔ tanɔ̨n, ŋą́ mɛ̨nį hveelɛ ɓə ŋį́ mɛ̨n, doloo ɓaa a: Yálá pɔɔ ɓaa a huwalawalalaa,

Samia Veerɛi 3:39

Nwɛ́i, háákələi, hvaŋą hvo ɲə́i, pələi mąn di dɔɔlaa wulɔ hiɛ la mą́ą́, ə lɛɛ, nu huwui tii a Seruya lonnii, di kili walawalaai mą́ą́. Kɛlaa, Yai-Laa ə nu ɲɔ̨nwɔ̨ɔ̨ nwɔ mɛ̨nį ɲɔ̨n gwələ kulɔ ma.»

M̀ɛni-lɛɛi 18:20

Yələkɔlɔn, 'kwəinɛ̨ɛ̨ kulɔ ɉukala mɛ̨nį hu! Ɛlɛɛ, káá kpɛlimąn a, nu mąąhəɠɛɛɠaa, a gɛlaɠaa, ɛlɛɛ, a Yálá kwəi mɛ̨nį hukulɔ nuą, mąąhɔlɔɓo, giti teei Yálá ə mo, aa ká mąą mɛ̨nį hu haŋąn.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

Zɔ̂ŋ Maa-ŋuŋ 5:16

Nu ta a nąn non ɲee kaa nɛ̨ŋɛ̨n ɉui, a nɛ̨ŋɛ̨n yii hva nɔ haa hui, ə hvɛliɓo kɛ mą, ɛlɛɛ, Yálá ə yɛnɛ̨ɛ̨ tɛɛ bɔ, Akɛ gaa kpɔ a nɛ̨ŋɛ̨n, nu a ɉəɠə hva nɔ haa hu. Nɛ̨ŋɛ̨n da kaa laa, yɛ nu lɔ haa hu; yili hvəə gáá kɛi mą, di hvɛliɓo kɛ ɉəɠəmun ma;

Lomaŋ 2:6

yai pai nu kəlee hvɛla kulɔi yɛ bələi ə túwɔ́ la.

Timote veelɛ 4:15

Yɛ́ kpɛlimąn, ə́ kpɔwɔ mɛ̨ikaa mąą mɛ̨nį hu, hvo gaai, ə tɔɔ ku la kpɔ a ɲɔ̨nwɔ̨ɔ̨.

Woolaa 3:64

Yai-Laa! Di túwɔ́ pələi tii kwələ kulɔ diɛ.