Timote veelɛ 4:12 - Yálá laawoo hɛɓɛ (dc)

¹² Ŋą́ą́ Tisike tɔɔ Efɛsə.

Yálá laawoo hɛɓɛ

¹² Ŋą́ą́ Tisike tɔɔ Efɛsə.

Bible

¹² Ŋá Tekekɔ tɛ̀ɛ Ɛfesɛ.

Timote veelɛ 4:12 Referans Kwoze

Ifisiɛŋ 6:21

Gáá bɔ ká kili ə kɛ ɉu káá kpɛlimąn, bələi mą́ą́ mɛ̨nį kaa la, yii gáá gɛi, gu nąn non Tisikə, yai a gu Ną́mu ŋą tímun a kulɔ nwoo ɓa, nwɛli yɛ ɓo mą́ą́, gaa pai mą́ą́ mɛ̨nį kəlee hukulɔi káá.

Gɛlaɠaa 20:4

Nuąi da diɛni di kɛli ɉiɛ kulɔ, diɛ ɓaa: Sopatrɔsə, yai kɛ a Pirusə lon, a Bere daai mun, Aristarkə da Sekundusə yai kɛ a Tesalonikə daai mun, Gaiusə yai a Dɛrbe mun, da Timote, ɛlɛɛ nwɔ̨nɔ̨, Tisikə da Trofimə, diɛi a Asi lɔi hu nuą.

Taitɔ 3:12

Ɓɛlɔwai gáá pai Artemasə, awala kɛ ti, Tisikə tɔɔi la ə́ pɔɔli, gɛ pələ kwɛli mą, ə́ pa, ə́ gáá Nikopolisə. Nąą ɓə, ŋą́ naa gwə́i gɛ́ ŋį́ lɛɛ laa ɉamą-yá tɛɛ.

Kolosə 4:7

Yii hvilɛn na mą́ą́ mɛ̨nį ɓa, ká káá pai mɛ̨n ɉii, gu nąn non Tisikə la, yai nwɛli kaa mą́ą́, a tímun a kulɔ nwoo ɓa, yai gwa yaa ku kaa kóló tɔ̨nɔ̨i kɛi gu Ną́mu hu.

Timote dɔlɔɔ 1:3

Mɛ̨nįi ŋį́ mąą liɛwoo kɛ yɛ́, gɛ́ɛ́ həɠəi Masedoanə lɔi hu, ya ɓaa: Ə́ lɛɛi ŋą́ mo Efɛsə, nwun ma, nuąi laa, diɛ laa na pələ takpɛli mąą kalan gɛ, ə́ di kpɛla mą.

Gɛlaɠaa 20:25

«Ŋą́ kɛi tɛɛ ka kəlee ka lɔwai, gɛ́ Yálá-taa tɔɔlaa laa həli. Kɛlaa, gílí kaa ɉu gɛ́ diɛ, ə həɠə kɛa yiihu ɓa, ká hvo kɛa pai ɲɛ̨́ilaai kaai.

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Gɛlaɠaa 18:21

Kɛlaa ə ɲələ wala too diɛ a nwoo ŋɛ̨i, yɛ diɛ: «Gáá pai pənəi ŋį́ pa ká pɔɔli, a yələ takpɛli, akɛ Yálá a hvaa mą.» Polə ə tɛ gələn ɉu, ə həɠə Efɛsə daai.

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Ifisiɛŋ 6:22

Ŋą́ giliɓo, ŋą́ dɔɔ ká pɔɔli, ə gɛ, ɓɛi ku kaa laa, ə ɉukulɔ káá, ɛlɛɛ, ə ká hvaŋąlɔ.