Timote veelɛ 3:8 - Yálá laawoo hɛɓɛ (dc)

⁸ Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.

Yálá laawoo hɛɓɛ

⁸ Bələi lɔ wɔlɔ, Ɉanɛsə da Ɉambrɛsə di tɔɔ la Moisə la, bələ lɔ ɓə nuąi ti diɛ kpɛlimąm, da tɔɔ la tɛ̨ą la. Di kaa a nuąi di kili ɲɔ̨nwɔ̨ɔ̨ di kwəi, di wɔ laa na laa hvo a hɛn da.

Bible

⁸ Yɛ̂ɛ berei Zɛne da Zɛŋƃilii dí tɔ̀ɔ la Mose mai, bere nɔ́ ƃe máŋ ǹûai ŋí da tɔ̂ɔ dɔ̃yâi ma. Díkaa a ǹûai díkili-ŋa-siai su karâi, wôya-laa-la kɛ́ ƃo díyêei;

Timote veelɛ 3:8 Referans Kwoze

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Lɛɛ gbɔwɔ ɓa 7:11

Tɔɔmun ə nɛɛmą ə Eziptə, gilimąą nuą, dɔlukpɛ nuą da bənən gɛ nuą təli, ɛlɛɛ, diɛ kpɛli di da kɛ.

Taitɔ 1:16

Da kɛ diɛ di Yálá kɔ́lɔn, kɛlaa, di túwɔ́ pələ yɛ ɓo a dakpɛli. Di ɓɛlɛkpɛɛ diɛ, di kalapiliɛ, di hva pɛli mɛ̨nį lɛlɛɛ lɔpee ta kɛi.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Piɛrə veelɛ 2:14

Wɛli hon nɛ̨ą ɓə di kaa bɔ diɛ di kaa, nɛ̨ŋɛ̨n ɉəɠɛɛ hva di hviikpɛɛ, nuąi hvaŋą hvo di yəi, diɛ ɓə da too di mɛ̨i. Hulu hɛn Ɉɔlɔɓoɔ mąą gbana laa ɓə gaa di yəi. Yálá nwɔ nɛ̨ŋɛ̨nnaa kaa di mɛ̨i.

Timote veelɛ 4:15

Yɛ́ kpɛlimąn, ə́ kpɔwɔ mɛ̨ikaa mąą mɛ̨nį hu, hvo gaai, ə tɔɔ ku la kpɔ a ɲɔ̨nwɔ̨ɔ̨.

Ifisiɛŋ 4:14

A kɛ ti, gu hva kɛa kɛ yɛ lon ɲii gɛi homa, yɛ nui nuą di wɔ gbana lawoo a mowo, yɛ dɔɔ takpa-takpa, yɛ ɉəɠə tɛ̨ą pələ mɛ̨i.

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Timote dɔlɔɔ 1:19

a laa na laa da kili lɛlɛɛ. Nu tamąą daa di yee kulɔ mu, diɛn, di wɔɔ laa na laa aa lɛɛ yái.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

M̀ɛni-lɛɛi 2:6

Kɛlaa, ə mą kɛ tii, mɛ̨nį lɛlɛɛɠaai ə́ yee pɔ, diɛ ka: Bələi lɔ Nikolasə kalan gɛ nuą wɛlikpɛɛi la ɲą́ą́ gbínįi mą́ą́, bələ lɔ ɓə di wɛlikpɛɛi la yɛ́.

Zɔ̂ŋ Maa-ŋuŋ 2:18

Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.

Taitɔ 1:10

A tɛ̨ą, nu tamąą kaa laa di hva lɛɛ nwoo mu laa kɛ, gəlee mą kɛ, Ɉuifəɠaai daa kɛ a Kristalɛa, da kɛ nu tamąą ɓowoi a lɛɛ woo kpɛli-kpɛliɠaa.

Lɛɛ gbɔwɔ ɓa 8:18

Kɛlaa, mąą yələi tii, da hva həli Gosɛn lɔi hu, ɓɛi nwɔ́ nuąi kaa laa, ə gɛ, ə́ kili ə pu ɉu yɛ́ diɛ, Ɲą́ą́ ɓə gáá a Yai-Laa Gáá nɔi hu.

Lɛɛ gbɔwɔ ɓa 7:22

Eziptə pənən gɛ nuą diɛ kpɛli, di da kɛ. Eziptə tɔɔmun ə gili walawala, hvo gɛ hvo nwəli tɔɔ Moisə da Aarɔn diɛ yɛ bələi Yai-Laa ə gbɛa mo la.

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Gɛlaɠaa 15:24

Kwaa bələ mɛ̨n diɛ; ku taɠaa daa pa laa ká pɔɔli, diɛ ká kwəi pilimąą wooɠaa, da ká hupu wooɠaa ɓo káá. Kuɔ hvəə di tí a yili.

Lɛɛ gbɔwɔ ɓa 8:7

Gbəŋəɠaa mąą kaa pai kwɛai ə́ wɔ pɛ́lɛ́i ɓa, ə mą kɛ ə́ wɔ nu kpɛa-kpɛa da nɔi nuą kəlee; ɲa lee hu lɔ ɓə da kaa pai lɛɛi laa.»