Timote veelɛ 3:12 - Yálá laawoo hɛɓɛ (dc)

¹² Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Yálá laawoo hɛɓɛ

¹² Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Bible

¹² Tɔ̃yâ ma ǹúui kélee a gbɛtɛ gíli ŋá a gɛ́ɛ é Ɣâla-tua kɛ́ Zîsɛ Kôrai kponôi da pâi gbɔarai.

Timote veelɛ 3:12 Referans Kwoze

Piɛrə dɔlɔɔ 3:14

Akɛmun, káá kɛli mɔ̨nɔ̨ mįi tələnmolaa mąą mɛ̨nį ɓa, ká nwun na nɛ̨ɛ̨i. 'Ká hvo ɲɔw nui lɔpee ta ɓa, 'ká mąą hvo kpɛlin.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Ɉaan 16:2

Di kaa pai kɛi ka kpɛi Yálá hvɛli pɛlɛ́ɠaa mu; yələ ta kaa pai ɉəlii, nui a ka ta paa, yɛ kɛ gaa Yálá mąąwiɛi ka tii.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Markə 10:30

mąą nui tii a yili ɲɔ̨nwɔ̨mą nwun dɔ̨nɔ̨ hɔlɔɓo, ɓɛlɔwai gu kaa la ɲɛnɛ̨ɛ̨ ŋɛ̨i hu. A pɛlɛ́ɠaa hɔlɔɓo, ə nąn nonnii hɔlɔɓo, a neeni, ə mą kɛ nonnii, da nwɔ tii kɛ lɔiɠaa hɔlɔɓo bɛlɛɛ ɓɛlɛkpɛɛ mąą ɓa. Yili pulu, a yɛnɛ̨ɛ̨ kpɛɛ hvo mą hɔlɔɓo Yálá-taa tɔɔlaa hu.

Taitɔ 2:12

Mɛ̨inɛ̨ɛ̨i tii a gu mąąkwɛli a gu yee kulɔ mɛ̨nį túwɔ́ pələ ɲɔ̨nŋaa hu da yɛ̨nɛ̨ɛ̨ liiɓa mɛ̨nįɠaa, əgɛ, gu yɛnɛ̨ɛ̨ kɛ yiihu, a ɉaŋąą, a Yálá liiɓa,

Piɛrə veelɛ 3:11

Yɛ bələi Ɉɛnŋąa ti kaa pai kalai la ti, pələi mąąnɛ̨ɛ̨ ka túwɔ́ pələ ə kɛ la, kaa kpinįi kaa gbaɠala kɔ́lɔn. Ɓɛlɔwai ka káá Yálá pa hvóló mąąkpɔn ɉi la, ka ka ŋąą wala, ə gɛ, ə pa a mąą hulaa. Mąąnɛ̨ɛ̨ ka wɔ kanąn Yálá ɓa laa ə ka túwɔ́ pələ mąąhəɠə. Ba hvóló, nwɔ̨n a yələkɔlɔn gələn, hɛnŋąai kpɔ di kaa yələkɔlɔn ɉu di həɠeen.

Korɛntə dɔlɔɔ 15:19

Akɛ gwaa gu kilitɔɔ Kristə ɓa, yɛnɛ̨ɛ̨ mąą mɛ̨nį ɓa lɔ, gu mąą wɛliɛi ə tɛɛ nuą kəlee ɓa.

M̀ɛni-lɛɛi 12:4

Yələ kwəi pɛmɛ̨lɛ̨n-gɔwɠaa ɓɛlaɓoɔ ɉu haaɓa, nwon ə bələ tɔ̨nɔ̨ tuluun, ə bu nɔi ɓa. Mąąɲɔw-hɛn tii ə kɛ tɔɔni gwəinwąną kɛ nɛ̨ɛ̨nui liila, yɛ a naayɛɛ lɔ, ə nokolo mįi.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Taitɔ 1:1

Polə Yálá ŋą tímun, Jesus Kristə ŋą kɛla, yai mąąnɛ̨ɛ̨i ə pələ kulɔ a Yálá ŋą nu həɠɛɛ ɉuɠaa, diɛ pa laa na laa pɔ pələ, diɛ pɛli tɛ̨ą kɔlɔn ɉii, yɛ bələi Yálá kaa la bɔ,

Timote dɔlɔɔ 6:3

Nu ta a kɛi nuą mąąkwɛli a kalan bələ takpɛli, awala kɛ a gąnąnŋąą gu Nąmu Jesus Kristə woo huhəɠəənŋąąi ɓa, ɛlɛɛ, da túwɔ́ pələ yii a galan bələ mąą hon,

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Timote dɔlɔɔ 2:2

diɛ gɛ lɔ tii, tɔɔɓɛlaa da nuąi ɲąąwooɓolaa kaa di yəi di mąą mɛ̨nį ɓa, əgɛ, gu ɲɛnɛ̨ɛ̨ kɛ a gɔlɔ haamą, liilaa hu, kulɔ nwoo ɓa laa hu, a ɉaŋąą.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Ɉaan 17:14

Ŋą́ Ə́ laawoo lɛ diɛ, di wɛli a kpɛɛ yɛnɛ̨ɛ̨ ɓa, mąąhɔlɔɓo, di hvo ɓaa a yɛnɛ̨ɛ̨ nwɔɔ, yɛ bələi ɲą́ą́ və́ la a yɛnɛ̨ɛ̨ nwɔɔ.

Maafîu 23:34

Yili ɓə gaa mą ka ka wəli tɔɔ a nəlɛɛ. Gáá Yálá kwəi mɛ̨nį hukulɔ nuą tɛɛi kaa, ə mą kɛ, mɛ̨nį kɔ́lɔn nuą da tɔ́n galamɔ̨ɔ̨ɠaa. Ka káá pai daɠaa kpanwoi kolɔwa ɓa, kaa daɠaa kɛlɛ ka wɔ Yálá hvɛli pɛlɛ́ɠaa mu a hvaɠa, kaa hvilɛn daɠaa pulu, kaa di kpɛ daa kpɛa-kpɛaɠaa hu.

Zasua 17:14

Ɉosɛfə lonnii diɛ Ɉosue ɓa: «Lə ɓə kɛ yai hvo kɛ ku hee lɔi kɛ li kɛnɛ̨, yaan ku ɓo a nu kpulu kɛnɛ̨ Yai-Laa nwɔ lúwɔ́ ə ɓo ku mɛ̨i?»

Korɛntə veelɛ 4:9

di hvilɛnŋąą ku pulu, kɛlaa, di hva ku hon, diɛ ku too, kɛlaa, ku nwun va lɛɛ ɉu.