Timote veelɛ 2:26 - Yálá laawoo hɛɓɛ (dc)

²⁶ Ɛlɛɛ, diɛ kpinįi, diɛ pu di kili kɔlɔn ɉii, diɛ kulɔ la tii nąnį ŋą hɛlɛn ɲą, yai aa kɛ di kɛ a ŋą luwɔɠaa, diɛ tí la tii mą, a niiɓa pələ?

Yálá laawoo hɛɓɛ

²⁶ Ɛlɛɛ, diɛ kpinįi, diɛ pu di kili kɔlɔn ɉii, diɛ kulɔ la tii nąnį ŋą hɛlɛn ɲą, yai aa kɛ di kɛ a ŋą luwɔɠaa, diɛ tí la tii mą, a niiɓa pələ?

Bible

²⁶ a gɛ́ɛ dí kula Dɛ̂ƃele ŋɔƃárei ŋá tãi Ɣâla a dítoli la a gɛ́ɛ dí ǹîa mɛnii kɛi.

Timote veelɛ 2:26 Referans Kwoze

Timote dɔlɔɔ 3:7

Hvo kɛli nwɔ̨nɔ̨, yɛnɛ̨ɛ̨ nuą diɛ dɛnɛ̨ a nɛlɛɛ, əgɛ, hvo pa too nwumɛ̨ mɛ̨nį hu, nąnį nwɔ hɛlɛn ŋą.

Mąątɛ̨nɛ̨ 124:7

Yɛ bələi nwɛ̨nį a ɓɔ la nwɛ̨nįkpɛmun nwɔ diŋɛ̨n nwolo ɓa, bələ kpɔlɔ ɓə ku kulɔ la ɉu, diŋɛ̨n nwolo ə tee mą, ku pu.

Ifisiɛŋ 5:14

gbala ə tɔɔ, mɛ̨nįi aa doo pono ɲą, kɛɛ pono li. Yili ɓə gɛ, da kɛ mą: «Yɛ́i ŋɛ̨i yįi, 'nwún, ə́ muhəɠə 'ə́ kulɔ haa nuą lɔwai, ɛlɛɛ, Kristə kaa pai ə́ mąą ponoi.»

Azaya 8:15

Nu tamąą kaa pai kalin ɉi mą diɛ too, di hu yɛ yali, diɛ kɔ́ a ɓaale, diɛ di hon a luwɔ.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Zôo 1:12

Gɛɛ ti, Yai-Laa yɛ ɓilihi ɓa: «Yá pɛli yili kɛi, yá pɛli ɲəi hɛnŋąą kəlee həɠəi. Kɛlaa, hvo lɛɠɛ gbinį ɓa.» Gɛɛ ti ɓilihi ə həɠə laa yɛ li.

Timote dɔlɔɔ 1:20

Nuąi tii lɔwai, taɠaa ɓaa: Himene da Alɛsandrə. Ŋą́ą́ di kwɛlɛ ɓilihi ɓa, ə gɛ, di hvo kɛa Yálá lalan nwoo ɓo.

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Ɉaan 13:27

Ɓɛlɔwai tii Jesus ə nɛɠɛ kpuɔ tɛɛ la Ɉudasə pɔ, nąąlɔwai kpɔlɔ ɓə ɓilihi ə lɔ la Ɉudasə hu. Jesus yɛ Ɉudasə ɓa: «Mɛ̨nįi yɛ́i gɛ, gɛ ɉa-ɉa.»

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Lukə 15:17

Hvóló ta, ə hee, ə giliŋąhiɛ, yɛ mą: ‹Kóló kɛ nuą tamąą kaa ną́n ɲəi bɛlɛ́n, diɛ kɔ̨nɔ̨n mį́į́ diɛ gbəli lɛɛ! Kɛlaa, ɲą́ą́ mun, gɛ́ ɓo ɓɛ, gɛ́ haa a pulu!

Lukə 11:21

«Ɓɛlɔwai huwalawala mun da a nwɔ kɔ-kɔ kwɛli hɛnŋąai həɠə ə hee la, yɛ nwɔ pɛlɛ́i mąąkpɛ, hɛn da hva kɛ ɲəi hɛn da ɓa.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Azaya 28:13

Yili ɓa, Yai-Laa hvaa woo kaa pai kɛi di wəlii a: Taa taa dɛ; taa taa dɛ, paa paa pa. Naa kulɔi lɔwai, da kɛi hiɛ, diɛ too di kpowo ɲɛ̨i ɓa, diɛ di hɛ̨ą yali, diɛ too hɛlɛn ŋą, di hva pɛli kulɔi ɉu.

Zôo 2:6

Nąąlɔwai, Yai-Laa yɛ ɓilihi ɓa: «Ə kɛ ti kan, ŋą́ą́ dɛɛ ə́ pɔ, kɛlaa, 'hvo lɛɠɛ nɔw ɓa.»

Korɛntə veelɛ 2:11

Mąą hvo nɛ̨ɛ̨li, gu hvo gu kpɔwɔ lɛɛ laa ɓilihi hvo gu ɓowo, hvo gaai, gwəi kiliɠaa di hvo loo li guɔ.

Lukə 5:10

Pələ lɔ ɓə ə kɛ la a Zebede lon ɉinąą hveelɛi: Ɉakə da nəɠə Ɉaan, diɛi kɛ a Simɔn mɛlaani. Kɛlaa, Jesus ə mo Simɔn ɓa, yɛ mą: «Hvo ɲɔw, ə həɠə háákələi ɓa, ə́ kaa pai kɛi a nu kwɛli mun.»